JIRIMIA 26:19 - Tanou Moonsoi Timugon

¹⁹ Raja' Gijkia am mamagun ru Jiuda kalo namatoi ri Mika. Sotopot no, Raja' Gijkia malaa' ra Tuhan am makimasi' Riso. Ginio ra kalo sinugut ru Tuhan inatangan Nano koson mampalumpa' ra karaat risilo. Raino ti, mamaar takau mamparatong ra karaat ondo' makalalaa' ra inan takau galama'.”

JIRIMIA 26:19 ပူးပေါင်းရင်းမြစ်များ

2 SAMUIL 24:16

Malaikat ru Tuhan nakasaboi noyo ra intok pangagikan ra gandum longgom ri Arauna, ulun ru Jibusi. Paat ra Tuhan nakakito ra nakatampos noyo malaikat no mamuso ra Jirusalim, kulawo' ru Tuhan kapatasan Nano koson mangukum ra ulun raginio. Indagu Io ra malaikat ondo' tatanga' mamatoi ra ulun raginio, “Sama'! Langgai'!”

2 TUNUNG RU BANSA' ISRAIL 32:20

Raja' Gijkia am Nabi Jisaya anak ri Amos pakiasi' boo ri Aki Kapuuno' am nampiau Riso makiindangan.

2 TUNUNG RU BANSA' ISRAIL 34:21

“Ongoi no pakipinson ra Tuhan ra bala kuno am ra bala ru ngaangai' mamagun ondo' lakat poyo soroi giu' ra Israil am Jiuda, intor ra pangilaan ru kitab ti. Sumangit Tuhan ritakau sabap ra kinamatuaan takau kalo giminagaya' ra ragu ru Tuhan am kalo nambaal ra atan ondo' tinulisan ra ralalom ru kitab ti.”

KAINGKUALAN 32:14

Ginio ra kulawo' ru Tuhan ginuang Nano am kalo sinugut No inatang ra karaat koson palumpaan ra ulun Nano.

JISAYA 26:21

Tuhan matong intor ra intok Nano giu' ra suruga' koson mangukum ra ulun ra tana' ti sabap ra tula nilo. Namatayan ra inopot ra tana' ti masingkual, am lobong pana kalo boo mapasibuni risilo ondo' pinatoi.

JISAYA 37:1

Paat nokorongog ra nambalaan nilo, rinilak ru Raja' Gijkia bayang nano sabap ra mangiluk guang. Nambayang io ra konoon karung am minongoi ra Baloi ru Tuhan.

JISAYA 37:4

Raja' ru Asyur nanusub ra tingganai masawat kaga' nano koson magasab ri Aki Kapuuno' ondo' naayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' nakaindagu no. Ginio ra pakiasi' kano ri Aki Kapuuno' koson mangindangan ra ulun ondo' lakat poyo naayag.”

JIRIMIA 26:15

Kaa' karaa' noyo, amon ru mamatoi kau raki', akau am mamagun ru bandar ti makatula sabap ra mamatoi ra ulun ondo' kolondo' sala. Nanusub Tuhan raki' koson mampakara' ramuyun.”

JIRIMIA 26:3

Maaru' bansa' no masaga' rumongog, am lumonggo' boo mambaal ra malaat. Amon ru koon raginio, kalo suguton Ku inatangan Kuno. Kalo pusoon Ku ilo sabap ra binaal malaat nilo.”

JIRIMIA 44:7

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, nangkuot ra sabap binaal min baal ondo' malaat no ra inan min galama'. Mamuso kau kia ra ungkuyon, ruandu', anak am lalagang, saboi kolondo' sangulun pana intor ra bansa' min soroi?

AMOS 7:3

Nangulau Tuhan ra guang Nano am indagu, “Baal ondo' nakito mino kalo masauk.”

ABAKUK 2:10

Kaa' inatangan mino mampakauyu' ra sasambaloi min; am mamuso ra masuang bansa', maparatong kau ra katutukan ru inan galama'.

JAKARIA 7:2

Mamagun ru Bitil nanusub ri Sarijir am i Rigim-Milik am niayuk ulun nilo mongoi ra Baloi ru Tuhan Ondo' Maayo Kaga' Kuasa' koson makibarakat ra Tuhan.

UNTABAN 16:38

Intok ru baa no matulai sabap pinataak noyo giu' ra altar ru Tuhan. Ginio ra alapo' noyo intok ru baa ru ngaangai' ulun ondo' inukum ra matoi sabap ra tula nilo, am tuyuo' boo ra intok ru baa no masauk ra kapingan mangalilis koson saukon ra taub ru altar. Taub no masauk ra rondo' papakaraan ra ulun ru Israil.”

MATIUS 23:35

Pupus no, ukum ra namatoi ra ngaangai' ulun ondo' kolondo' sala i paratuon ramuyun. Intor namatayan ri Abil ondo' kolondo' sala, suku' namatayan ri Jakaria, anak ri Birikia, ondo' pinatoi min ra lolot ru altar am Intok Matulai.

RINALATAN 5:39

Kaa' amon ru ondo' baalon nilono intor ri Aki Kapuuno', kalo maala min ilo. Ati lair i Aki Kapuuno' galama' anggalon min.” Pinson ri Gamalil iniou ru Majlis Ugama.

PINAINTALANG 16:6

Nampasasar ilo noyo ra raraa' ru ulun ri Aki Kapuuno' am ra raraa' ru nabi-nabi; kaa' raino binaal Mu ilo manginum ra raraa' no. Matimpok ukum Muno risilo!”