JIRIMIA 26:18 - Tanou Moonsoi Timugon

¹⁸ “Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

JIRIMIA 26:18 ပူးပေါင်းရင်းမြစ်များ

2 RAJA'-RAJA' 19:25

Kalo poyo kia nokorongog kou ra Aku noyo nangatang ra ngaangai' no intor ra galing i? Raino binaal Ku noyo. Aku no ondo' nangani' rirun ra kuasa' koson mamuso ra bandar-bandar mokoondo' ra kubu saboi nasauk ra tuntur ru batu.

2 TUNUNG RU BANSA' ISRAIL 32:26

Kaa' pupus no, Raja' Gijkia am mamagun ru Jirusalim minggana' guang, am Tuhan pana kalo nangukum risilo buoi ru Raja' Gijkia lakat poyo naayag.

NIGIMIA 4:2

Giu' ra saang ru rangan-rangan nano am pulalai ru saujor Samaria, indagu io, “Atan kia ondo' tatanga' baalon ru ulun ru Jaudi ra nausung ti? Makaguang ilo kia koson mambaal saguli' ra bandar ti? Nangkara' ilo kia ra ilo mampataak ra taak simbalui, maalap nilo kopongo kandoi no ralalom songorou? Makasauk ilo kia ra batu panambaloi intor ra tuntur ru ginsamol ondo' naumpo noyo?”

MAZMUR 79:1

Mazmur ri Asap. Iou Aki Kapuuno', ulun ondo' kalo makaulig Rirun minayan ra tana' Muno. Jinamol nilo Baloi Muno ondo' matulai am manuyas ra Jirusalim.

JIRIMIA 17:3

am giu' ra rasawat ru gunung-gunung giu' ra liwar ru bandar. Susubon Ku pantula' mino magaut ra ngaangai' rapu' am kalangkayaan mino, sabap ra ngaangai' tula ondo' binaal min giu' ra titikop pagun.

JIRIMIA 51:37

Pagun no masauk ra tuntur ru nalunsai ondo' ayanin ru bibiag masigo. Baal no makalalaa'; kalo ayanin ru ulun giu' no, am ngaangai' ulun malaa' magilong raginio.

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

MIKA 1:1

Paat ra pamarintaan ri Raja' Jotam, Raja' Agas am Raja' Gijkia koson ra raja' ru Jiuda, nangani' Tuhan ra tanou ragitio ri Mika, ondo' intor no bandar Morisyit. Nanulu' Tuhan ra ngaangai' baal ru Samaria am Jirusalim ri Mika.

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

MIKA 4:1

Paat ra orou rumatong gunung intok Baloi ru Tuhan masauk ra gunung ondo' masawat kaga', masawat poyo kaga' intor ra gunung-gunung am bulur-bulur. Ngaangai' bansa' guguluyur mongoi ra giu' no,

JAKARIA 8:3

Sumaguli' Aku ra Jirusalim, bandar Kuno ondo' matulai am lumayun ra giu' no. Jirusalim mauligan ra bandar ondo' gumagaya', am bulur ru Tuhan Ondo' Maayo Kaga' Kuasa' am sabiton ra bulur matulai.