JIRIMIA 26:16 - Tanou Moonsoi Timugon

¹⁶ Tingganai-tingganai am mamagun pana minindagu boo risilo imam am nabi no, “Ulun ragitio minindagu ra ralalom inggalan ru Tuhan, i Aki Kapuuno' takau; musiti' io ukumin ra matoi.”

JIRIMIA 26:16 ပူးပေါင်းရင်းမြစ်များ

ESTER 4:14

Amon ru mongkoror kou ayuk ra koon ragitio baal ti, maaru' ulun ru Jaudi makaapu ra indangan intor ra suruga' am bayagon ilo, kaa' okou galama' matoi am sasambaloi ru ama' muno maluus. Osoi makapandai, maaru' lair koson ra bulintok ragitio noyo okou pinili' masauk ra andu' ru raja'!”

MAZMUR 94:16

Osoi kia manungka' raki' tumingkuang ra ulun malaat? Osoi kia manaung raki' tumula' ra ulun malaat?

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

JIRIMIA 26:11

Imam-imam am nabi-nabi minindagu ra tingganai-tingganai am ra mamagun, “Ulun ragitio sotopot no ukumin ra matoi sabap ra minindagu io ra ondo' manggal ra bandar takau. Akau galama' nokorongog noyo.”

JIRIMIA 34:10

Ngaangai' ru mamagun am tingganai nilo nangiou koson mampalabus ra ulipon nilo, am kalo igogondo' boo mangulipon risilo. Koon raginio noyo binaal nilo.

JIRIMIA 36:19

Ilo pana mindagu boo riso, “Okou am i Jirimia musiti' mansibuni. Pai' polosoo' osoi pana makapandai ra intok pansibunian min.”

JIRIMIA 36:25

Kabalu' pana i Ilnatan, i Dilaya am i Gimarya nakimasi' ra raja' koson kalo solobon naskhah no, kalo linio ilo ru raja'.

JIRIMIA 37:15

Siminangit ilo raki' am nanusub ra lambaan am aputon aku giu' ra baloi ri Jonatan, mamamatik ru pagun. Paat raginio baloi nano sinauk noyo ra pangaputan.

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

LUKAS 23:41

Ukuman tati ragitio sama' pambabalos ru binaal tali, kaa' ulun ragitio kolondo' tupo sala!”

LUKAS 23:47

Kakito ru tingganai ru saujor atan ondo' nasauk i, pongompor io ri Aki Kapuuno', kono, “Motopot, ulun ti kolondo' sala!”

RINALATAN 23:29

Pakatutun aku raiti am kolondo' sala natuum riso, koson makapangukum riso potoyon kapoam aputon, sabap ra panguwan nilai riso am intor ayuk ra ukum ru ugama nilai galama'.

RINALATAN 23:9

Golok boo ilo boo ra mapuor toojo. Kukula' ngaulun ru Parisi ondo' nasauk ra mangingila' ra Ukum ri Musa timinaam am minansang toojo, konilo, “Kolondo' rondo' pana sala ru ulun ti! Motopot lair ra mokoondo' ambiluo kapoam malaikat minindagu riso!”

RINALATAN 25:25

Kaa' kolondo' natuum kuno ra atan ayuk kasalaan nano ra io maalap kaukum ra potoyon. Io galama' nangitaak makibisara' io ri Kaisar, ginio ra pootoron ku io ra Kaisar.