JIRIMIA 25:9 - Tanou Moonsoi Timugon

⁹ ‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 25:9 ပူးပေါင်းရင်းမြစ်များ

2 RAJA'-RAJA' 24:2

Nangator Tuhan ra pulalai ru ulun malaat makakinandoi intor ra Babilonia, Siria, Moab am Amon koson manggal ra Raja' Joyakim am niayuk namuso ra Jiuda. Baal raginio noyo ondo' rinagu ru Tuhan ondo' pinabala' galing ra nabi-nabi Nano.

2 TUNUNG RU BANSA' ISRAIL 29:8

Ginio ra siminangit Tuhan ra Jiuda am Jirusalim. Akau ngaangai' makapandai ra binaal ru Tuhan mangkinibit ra moonong ulun makatigog am malaa'.

2 TUNUNG RU BANSA' ISRAIL 36:21

Koon raginio noyo nasauk atan ondo' rinagu ru Tuhan ondo' pinabala' galing ra Nabi Jirimia, “Pagun ragitio mokoloso buoi tulu' ngoopor ngambilor koson papaliton ra bilor-bilor Sabat ondo' kalo linio.”

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

JISAYA 10:5

Mindagu Tuhan, “Aibui boo ra Asyur! Pamakuan Kuno ra Asyur koson ra tataun pamalamba' mangukum ra ulun ondo' sangitin Kuno.

JISAYA 13:3

Tuhan nampiau ra saujor-saujor pinili' Nano. Mangaikang ilo, mintopot guang, am kalansanan Nano. Kandoi nilono intor ra Tuhan koson mangukum ra ulun ondo' natiu' ra sangit Nano.

JISAYA 39:7

Kukula' ngaulun intor ra papag muno ibiton am saukon ra sida-sida koson mangandoi giu' ra istana raja' ru Babilonia.”

JISAYA 44:28

Mindagu Aku ri Koris, ‘Okou noyo mamarinta ra bala Raki'; am mamatas sumugut ra kasagaan Kuno: okou noyo manaak ra panusuban koson mambaal saguli' ra Jirusalim, am koson mapatanom ra lugu' ru Baloi Kuno.’ ”

JIRIMIA 1:14

Indagu Tuhan raki', “Karaat lumuab intor ra ralayo am lumumpa' ra ngaangai' mamagun ru pagun ti,

JIRIMIA 1:15

sabap ra mampiau Aku ra ngaangai' bansa' giu' ra tampilon ralayo matong. Raja'-raja' nilo manirong ra panturungan ru raja' giu' ra kulobon-kulobon garabang ru Jirusalim am giu' ra liliut ru timbok no, am niayuk giu' ra liliut ru bandar-bandar ra bokon giu' ra Jiuda.

JIRIMIA 10:22

Rongog no! Tanou nakasaboi noyo! Mokoondo' rondo' bansa' giu' ra ralayo mapasingkual ra kajajawan. Saujor nano mapasauk ra bandar-bandar ru Jiuda masiluk am kolondo' mayan, saboi masauk ra intok ayanan ru uku' kataunan.”

JIRIMIA 12:14

Indagu Tuhan, “Gitio noyo tanou Kuno intor ra pagun-pagun paginggaar ru Israil ondo' nampajajou ra pagun ondo' pinataak Ku ra ulun Kuno Israil. Koson ra tatanom ondo' binubul intor ra tana', koon raginio noyo ra ngaangai' ulun malaat no bubulon Ku intor ra pagun-pagun nilo. Palabuson Ku Jiuda intor ra kuasa' nilo.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 2:15

Pantula' nano mansangal koson ra singa', am nampasauk ra tana' nano kolondo' tutuu' am masiluk; bandar-bandar nangaurus, am kolondo' ulun minayan.

JIRIMIA 20:4

Tuhan galama' minindagu, ‘Saukon Tokou ra kalaanin ru inan muno galama' am rangan-rangan muno. Makakito kou risilo ngaangai' potoyon ru pantula' ra ilang. Polosoon Ku ngaangai' ulun ru Jiuda kuasaan ru raja' Babilonia; santayaran risilo auton koson ra ulun rinakop poongoyon ra pagun nano, am ilo ondo' kalo auton no potoyon.

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JIRIMIA 25:8

Ginio sabap ra marara' kau rumongog ra ragu Nano, Tuhan Ondo' Maayo Kaga' Kuasa' minindagu,

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 35:11

Kaa' paat ra Raja' Nibukadnijar namulunsar ra pagun ragitio, namatas akai koson matong ra Jirusalim maa' raginio magiru' intor ra saujor ru Babilonia am Siria. Ginio sabap ra akai minayan ra Jirusalim.”

JIRIMIA 36:2

“Alapo' rondo' naskhah rinulun, am tulisi' ra giu' no ngaangai' ondo' rinagu Kuno rirun intor ra Israil am Jiuda, am niayuk ngaangai' bansa'. Tulisi' ngaangai' ondo' pinabala' Kuno rirun intor poyo ra Aku minindagu rirun ra kasaa', paat ri Josia nasauk ra raja' saboi raino.

JIRIMIA 36:29

Nanusub Tuhan raki' mindagu ra raja', “Sinolob mu noyo naskhah rinulun i, am nangkuot kou kua panulis i Jirimia ra matong raja' ru Babilonia, am mamuso ra pagun ti am mamatoi ra mamagun no am niayuk ngaangai' bibiag ra giu' no.

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

JIRIMIA 40:2

Panglima saujor no nagibit raki' ra kiing am indagu, “Tuhan, i Aki Kapuuno' muno, nompololob ra pagun ti ra kapusaan.

JIRIMIA 43:10

Kopongo raginio balai' ilo ra Aku, Tuhan Ondo' Maayo Kaga' Kuasa', i Aki Kapuuno' ru Israil, magibit ra ulipon Kuno, Raja' Nibukadnijar intor ra Babilonia, mongoi ra intok ragitio. Mambaal io turungan ru raja' giu' ra rasawat ru batu-batu ondo' tinanom muno, am pabingkalon no kim ru raja' ra intok raginio.

JIRIMIA 46:20

Misir koson ra sanginan sapi' ondo' molomok, kaa' tininong ru pikot intor ra ralayo.

JIRIMIA 49:19

Koson ra singa' miningkual intor ra kataunan gimbaan giu' ra kiing ru Sungoi Jordan am nagaloi ra padang ru sakot ondo' masansam, koon niayuk ra Aku matong am mangkinibit ra ulun ru Idom magiru' ra mamulali' intor ra pagun nilo. Kopongo raginio tingganai ondo' pilion Kuno mamarinta ra pagun no. Osoi kia ondo' mogondo' Raki'? Osoi kia baani gumula' Raki'? Panguasa' ra ati kia ondo' masaga' manggal Raki'?

JIRIMIA 6:1

Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.

JIRIMIA 8:16

Soroi noyo pantula' giu' ra bandar Dan; gala' ru kuda nilo morongog noyo. Titikop ru pagun mangalaa' paat ra kuda nilo mampagala'. Pantula' nakaratong noyo koson mamuso ra titikop ru pagun takau, am niayuk bandar takau am niayuk ngaangai' ru mamagun nano.”

YEHEZKIEL 12:20

Bandar-bandar ondo' raino nososok ra ulun mangapuso, am pagun no masauk ra tana' kaagisan. Paat raginio noyo bagu no makaliman ilo ra Aku noyo Tuhan.”

YEHEZKIEL 16:40

“Manusuk ilo ra ulun masuang maa' raginio momobol rirun, am monotok ra inan muno ra ilang.

YEHEZKIEL 21:11

Ilang no inisasan saboi manguliat maa' raginio pinatampos ra pakayon, inasa' am inisasan saboi manguliat, koson pataakon ra sangulun mamatoi.

YEHEZKIEL 26:7

Indagu Tuhan Raja', “Mangkinibit Aku ra Raja' Nibukadnijar intor ra Babilonia mamulunsar ra Tirus. Raja' ra maikang kaga' no matong intor ra ralayo mabaya' ra pulalai saujor ondo' maayo kaga', am masuang kuda, kurita' kuda am pulalai mangkuda.

YEHEZKIEL 36:5

“Ralalom ru simbuluk ru sangit Kuno, Tuhan Raja' nagulas ra bansa'-bansa' paginggaar no, mulu' poyo ra Idom. Pinabaya' ra maansayan am paliso magasab, ginaau nilo pagun Kuno am padang sakot no.

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

ABAKUK 1:12

Iou Tuhan, Okou i Aki Kapuuno' intor noyo ra galing. Okou i Aki Kapuuno' kuno ondo' matulai am mantilayun. Iou Tuhan, i Aki Kapuuno' kuno am manindung raki', nampili' Kou ra ulun Babilonia; nampaikang Kou risilo maa' raginio makapangukum ramon.

ABAKUK 1:17

Mantilayun ilo kia mamakai ra ilang am mararayus mamuso ra bansa'-bansa' ra kolondo' guang makaasi'?

SAGULION 28:37

Giu' ra pagun-pagun intok napatuliaran ru Tuhan ramuyun, makatigog ulun magilong ra baal ondo' nasauk ramuyun. Magagasab am manauyu' ilo ramuyun.