JIRIMIA 25:8 - Tanou Moonsoi Timugon

⁸ Ginio sabap ra marara' kau rumongog ra ragu Nano, Tuhan Ondo' Maayo Kaga' Kuasa' minindagu,

JIRIMIA 25:8 ပူးပေါင်းရင်းမြစ်များ

2 TUNUNG RU BANSA' ISRAIL 24:19

Nanusub Tuhan ra nabi-nabi koson mampakara' risilo maa' raginio sumaguli' mangandoi ayuk Riso, kaa' kalo riminongog ilo.

JISAYA 42:24

Osoi kia napataak ra Israil no ra kalindu' ru pantula'? Tuhan galama', sabap ra makatula takau Riso! Kalo masaga' takau maayag maya' ra kasagaan Nano kapoam sumugut ra pangilaan Nano.

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 25:7

Kaa' Tuhan galama' minindagu ra marara' kau rumongog Riso. Pinasingkual min piboo sangit Nano ra sinungkalalaing mino. Akau galama' namparatong ra ukuman Nano ramuyun.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 29:19

Ngaangai' baal raginio masauk risilo sabap ra kalo sinugut nilo tanou Kuno ondo' pinasaboi Ku ra rinayus-rayus risilo pinabala' galing ra nabi-nabi, ulipon-ulipon Kuno. Marara' ilo mangkirongog ra tanou Kuno.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.