JIRIMIA 25:6 - Tanou Moonsoi Timugon

⁶ Nanginggalar nabi-nabi ramuyun sumamba am mangandoi ayuk ra tuhan-tuhan ra bokon. Nanginggalar ilo niayuk ramuyun sumamba ra sinungkalalaing ondo' binaal min galama', sabap baal raginio mapasingkual ra sangit ru Tuhan. Amon ru gumagaya' kau ra susuban ru Tuhan no, kalo mangukum Io ramuyun.

JIRIMIA 25:6 ပူးပေါင်းရင်းမြစ်များ

1 RAJA'-RAJA' 14:22

Mamagun ru Jiuda makatula ra Tuhan. Binaal nilono napatabual poyo ra sangit ru Tuhan intor ra ngaangai' binaal ru kinamatuaan nilai.

2 RAJA'-RAJA' 17:35

Nambaal Tuhan ra nabantuan ra ulun ru Israil, am nanusub ra, “Pai' samba ra tuhan-tuhan ra bokon; pai' igulatur, kapoam mangandoi, kapoam mampataak ra taak simbalui ra tuhan-tuhan raginio.

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

KAINGKUALAN 20:3

“Pai' samba ra tuhan-tuhan ra bokon; samba ayuk Raki'.

JIRIMIA 32:30

Intor ra talimpuun ru sejarah nilo, ulun ru Israil am ulun ru Jiuda kalo napabansuk ra guang Kuno, am napasingkual ilo ra sangit Kuno ra binaal nilo.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 44:7

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, nangkuot ra sabap binaal min baal ondo' malaat no ra inan min galama'. Mamuso kau kia ra ungkuyon, ruandu', anak am lalagang, saboi kolondo' sangulun pana intor ra bansa' min soroi?

JIRIMIA 44:8

Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

JIRIMIA 7:6

Pai' imboloo' bansa' ra bokon, anak kolondo' matuo am napuor. Pai' potoyo' ulun ondo' kolondo' sala ra pagun ti. Pai' samba ra tuhan-tuhan ra bokon, sabap binaal raginio mamuso ramuyun.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

GOSIA 1:7

Kaa' makaasi' Aku ra bansa' ru Jiuda. Aku, Tuhan, i Aki Kapuuno' nilo mamayag risilo, kaa' sala' ka ra pamulunsaran – sala' ka ra ilang, kapoam busur am panah, kapoam kuda am ulun mangura' nano.”

SAGULION 13:2

koson mangkimait ramuyun sumamba am mangandoi ra tuhan-tuhan ondo' kalo igondo' kau samba. Kabalu' pana baal ondo' binantu' ru nabi no totopot masauk,

SAGULION 28:14

Kaa' pai' noyo lingon anggal ra panusuban no ra atan pana ralan, am pai' samba ra tuhan-tuhan ra bokon.”

SAGULION 6:14

Pai' samba ra tuhan-tuhan ra bokon, kapoam tuhan ru ati pana ondo' sambaan ru bansa'-bansa' ondo' minayan ra liliut min.

SAGULION 8:19

Pai' liliani' Tuhan i Aki Kapuuno' min am pai' ongoi ra tuhan-tuhan ra bokon koson sumamba am mangandoi ra tuhan-tuhan raginio. Pakaraan Takamin ra orou raiti' ra amon mambaal kau niayuk, maaru' mapuso kau.

JOSUA 24:20

Amon ru mangiruan kau Riso am mangandoi ayuk ra tuhan-tuhan ru bansa' ru bokon, manggal Io ramuyun am mangukum ramuyun. Mamuso Io ramuyun, kabalu' pana ragili moonsoi Io ramuyun.”