JIRIMIA 25:38 - Tanou Moonsoi Timugon

³⁸ Nangiruan Tuhan ra ulun Nano koson ra singa' nangiruan ra luang batu nano. Kalaatan ru pangayawan am sangit ru Tuhan nangulau ra pagun ti nasauk ra tana' kaagisan.

JIRIMIA 25:38 ပူးပေါင်းရင်းမြစ်များ

MAZMUR 76:2

Nakatanou i Aki Kapuuno' giu' ra Jiuda, inggalan Nano sasabiton giu' ra Israil.

JIRIMIA 12:10

Masuang panguasa' ra bansa' bokon nampapaluyak ra umo ru anggur Kuno; pinanjak-panjak nilo umo Kuno. Kinulau nilo pagun Kutu ondo' moonsoi nasauk ra tana' kaagisan.

JIRIMIA 12:13

Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

JIRIMIA 25:11

Polosoon Ku titikop ru pagun no matutuk am masauk ra intok makalalaa'. Bansa'-bansa' giu' ra liliut no mangandoi ayuk ra raja' ru Babilonia buoi tulu' ngoopor ngambilor.

JIRIMIA 25:30

Okou Jirimia, ngaangai' ondo' raguon Kuno rirun, musiti' mu potonowon. Musiti' mu raguin ilo, ‘Mansangal Tuhan intor ra suruga'; maningkalur Io intor ra inayanan Nano ondo' matulai. Gogolon io manggal ra ulun Nano; mompogolok Io koson ra ulun ondo' mamaga' ra kawa' ru anggur. Moonong ulun ra tana' ti mokorongog Riso,

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

JIRIMIA 49:19

Koson ra singa' miningkual intor ra kataunan gimbaan giu' ra kiing ru Sungoi Jordan am nagaloi ra padang ru sakot ondo' masansam, koon niayuk ra Aku matong am mangkinibit ra ulun ru Idom magiru' ra mamulali' intor ra pagun nilo. Kopongo raginio tingganai ondo' pilion Kuno mamarinta ra pagun no. Osoi kia ondo' mogondo' Raki'? Osoi kia baani gumula' Raki'? Panguasa' ra ati kia ondo' masaga' manggal Raki'?

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

JIRIMIA 50:16

Pai' polosoo' ulun magitanom kapoam mangkumos giu' ra pagun no. Ngaangai' ulun ru bansa' ra bokon ondo' minayan ra giu' no malaa' ra saujor ondo' mamulunsar risilo, am muli' ra pagun ru sigagama'.”

JIRIMIA 50:44

“Koson ra singa' miningkual intor ra kataunan gimbaan giu' ra kiing ru Sungoi Jordan, am nagaloi ra padang masakot ondo' masansam, koon raginio niayuk ra Aku, Tuhan, matong am mangkinibit ra ulun ru Babilonia magiru' ra mamulali' intor ra bandar nilo. Tingganai ondo' pilion Kuno pana ondo' mamarinta boo ra pagun no. Osoi kia ondo' mokogondo' Raki'? Osoi kia ondo' baani manggal Raki'? Panguasa' ra ati kia ondo' makakau' manggal Raki'?

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

GOSIA 5:14

Koson ra sanginan singa', mamulunsar Aku ra bansa' ru Israil am bansa' ru Jiuda. Aku galama' maminsang risilo am mangiruan risilo. Ralaaton Ku ilo, am kolondo' sangulun pana makapamayag risilo.

AMOS 8:8

Ginio ra tana' ti mogonggon am ngaangai' ulun giu' ra pagun no magalabo. Titikop ru pagun mauyog; tana' ti magaloi tumuun koson ra Sungoi Nil.

JAKARIA 2:3

Aku pana nakakito boo ra malaikat ondo' minindagu raki' no, jiminalai, am rondo' malaikat ra bokon minuma' riso.