JIRIMIA 25:34 - Tanou Moonsoi Timugon

³⁴ Pantangi' no, tingganai kau, akau ondo' nasauk ra magagalung ra ulun Kuno, pantangi' no ra mosongou! Panulaboi no am pagiluluir ra kaau, sabap ra nasaboi noyo paat no ra akau potoyon; simbaluyon kau koson ra domba gawayan.

JIRIMIA 25:34 ပူးပေါင်းရင်းမြစ်များ

2 TUNUNG RU BANSA' ISRAIL 36:10

Paat ra mambusak bilor raginio, Raja' Nibukadnijar namparakop ra Raja' Joyakin am nagibit riso ra Babilonia. Raja' Nibukadnijar niayuk nagibit ra rapu' intor ra Baloi ru Tuhan. Kopongo raginio Raja' Nibukadnijar nampili' ri Jidikia, kamaman ru Raja' Joyakin, nasauk ra raja' ru Jiuda am Jirusalim.

MAZMUR 2:9

Kuliagayon mu ilo ra pamarintaan ru kalindu' basi'; kuliagayon mu ilo koson ra pagangan ru tana'.’ ”

JISAYA 10:12

Kaa' mindagu Tuhan, “Amon ru mopongo' atan ondo' baalon Kuno giu' ra Bulur Sion am Jirusalim, ukumin Ku raja' ru Asyur sabap maayo ragu nano am limbau nano.”

JISAYA 2:16

Kaa' niayuk ngaangai' kapal ra mangaayo am mongoonsoi polosoron No.

JISAYA 30:14

Matutuk kau koson ra pagangan tana', am natutuk kaga' saboi kolondo' tayar mapakai koson pangalapan ra baa, kapoam susuuk panunuuk ra timug intor ra rarapu'.”

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

JISAYA 34:6

Ilang Nano malimpot ra raraa' am lomok, koson ra raraa' am lomok ru domba am kambing ondo' sinimbalui. Tuhan mangatang ra taak simbalui no giu' ra bandar Bojra, am mangatang ra panimbaluyan masuang giu' ra pagun ru Idom.

JISAYA 34:7

Ulun-ulun matoi koson ra sapi' masigo am sapi' mamulok. Pagun nilono malimpot ra raraa' am mototop ra lomok.

JIRIMIA 18:22

Polosoon noyo ulun mantakou matong ra baloi nilo ra mamulali', saboi gumolok ilo ra malaa'. Nangkali ilo ra luang maa' raginio maratu' aku ra ralalom no, am nampakaang ilo ra landak koson mamparakop raki'.

JIRIMIA 22:28

Aku, i Jirimia mindagu, “Koson kia Raja' Joyakin ra pagangan napilang ondo' pinatiran am kalo boo kasagain? Ginio kia sabap no ra io am anak-anak nano pinagiru' am pinatiran ra pagun ondo' kalo natutunan nilo?”

JIRIMIA 23:1

Mapara' boo makalalaa' ukuman ru Tuhan risilo panguasa' ondo' namuso am nampatutuliar ra ulun Nano!

JIRIMIA 25:12

Mopongo raginio ukumin Ku ulun Babilonia am raja' nilo sabap ra tula nilo. Pusoon Ku pagun ru Babilonia am mompoloso riso malunsai ra sabubuoi no.

JIRIMIA 25:36

Mampalaa kau am mantangi' ra mangiluk sabap ra Tuhan ralalom ru sangit Nano namuso ra bansa' min am niayuk namuso ra pagun min ra mamimio ti.

JIRIMIA 27:7

Ngaangai' bansa' mangandoi ayuk ra Raja' Nibukadnijar, anak ungkuyon nano am akupu nano saboi ra paat ru pagun nano galama' maratu'. Paat raginio bansa' ru Babilonia mangandoi ayuk ra bansa'-bansa' ondo' maikang am raja'-raja' ondo' maayo.

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JIRIMIA 48:26

Indagu Tuhan, “Liminimbau Moab Raki', ginio ra gaukon io. Magiluluir Moab ra ralalom ru lua' nano galama', am kuritin boo ru ulun.

JIRIMIA 48:38

Giu' ra rasawat ru taap ru baloi am giu' ra ngaangai' padang giu' ra Moab kolondo' morongog atan-atan pana ondo' ak am sinulaboi, sabap ra tinutuk Ku noyo Moab koson ra rarapu' ondo' kalo kasagain ru ulun.

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

SULABOI 4:21

Pakakurit no, akau mamagun ru Idom am Us, pakaansuk no, buoi ra akau lakat poyo pakuriton. Akau pana lumpaan ru karaat, am magibaang sabap nagauk kau.

YEHEZKIEL 34:20

“Ginio ra Aku, Tuhan Raja', nambala' ramuyun ra Aku masauk ra akim ru domba ondo' maikang am domba ondo' malawo.

DANIL 11:8

Paat raginio muli' io ra Misir, ibiton no sinungkalalaing-sinungkalalaing ru dewa nilo, am niayuk kuliamos-kuliamos mas am pirok ondo' patimpokon koson ra dewa-dewa no. Buoi kukula' ngambilor kalo mamulunsar io ra Siria.

GOSIA 8:8

Ulun ru Israil nasauk noyo koson ra bansa'-bansa' ra bokon ondo' kolondo' boo onong, koson ra pagangan ondo' napilang.

AMOS 5:11

Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.

JAKARIA 10:3

Indagu Tuhan, “Sumangit Aku ra ulun bansa' ra bokon ondo' mamarinta ra ulun Kuno. Ukumin Ku ilo. Mamagun ru Jiuda longgom Kuno, am Aku, Tuhan Ondo' Maayo Kaga' Kuasa' magalung risilo. Masauk ilo ra kuda ru mangayou Kuno ondo' maikang.

JAKARIA 11:3

Ulun-ulun manguasa' manulaboi, sabap ra katulayan nilo liminiot noyo. Rongogo' sangal ru singa'; sabap ra intok ayanan ru singa' giu' ra kataunan giu' ra gawar ru Sungoi Jordan napuso noyo.

JAKUBUS 5:5

Kaayagan min ra tana' ti liminangkaya' am nabubunsag kau ayuk, am lumomok kau ayuk maginaa ra orou panimbaluyan, ioginio Orou Pangukuman.