JIRIMIA 25:33 - Tanou Moonsoi Timugon

³³ Paat orou raginio baangkai ru ulun ondo' pusoon ru Tuhan kumalayatan ra titikop ru tana' ti. Kalo tangiin ilo, kalo kayangon koson ra lobongon, kaa' polosoon ayuk ra tana' koson ra tuntur ru pampalabung ra tana'.

JIRIMIA 25:33 ပူးပေါင်းရင်းမြစ်များ

2 RAJA'-RAJA' 9:37

Suwo-suwo ru baangkai nano makulipatak koson ra ampangara' ru bibiag, saboi kalo boo mauligan.’ ”

MAZMUR 79:3

Sasarin nilo raraa' ru ulun Muno koson ra timug; raraa' tumilis ra titikop ru Jirusalim, am kolondo' ulun mompolobong ra ulun minatoi.

MAZMUR 83:10

Ondo' poyo pamakuan Muno ra ulun ru Midian, am Sisira am niayuk Jabin giu' ra sungoi ru Kisyon, ginio niayuk pamakuan Muno risilo.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

JISAYA 66:16

Mabaya' ra apui am ilang, ukumin No ngaangai' ulun ru tana' ti ondo' mapandayan No makasala; masuang ulun ukumin ra matoi.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

YEHEZKIEL 21:11

Ilang no inisasan saboi manguliat maa' raginio pinatampos ra pakayon, inasa' am inisasan saboi manguliat, koson pataakon ra sangulun mamatoi.

YEHEZKIEL 29:4

Paatangon kuno kakait ra bungul ru salura muno, am mangkinibit ra papait-papait giu' ra sungoi sumokot rirun. Kakaton Tokou am ngaangai' papait ondo' siminokot rirun, mingkual intor ra Sungoi Nil.

YEHEZKIEL 29:5

Kopongo raginio papatiron Tokou mabaya' ra ngaangai' papait no ra tana' kaagisan. Inan muno makabanta' ra tana' am kalo lobongon. Polosoon Ku inan muno akanon ru susuit am bibiag.

JIPANYA 2:12

Tuhan niayuk mangukum ra matoi ra mamagun ru Itiopia.

PINAINTALANG 11:9

Ulun intor ra moonong pagun, bansa', ragu am papag magilong ayuk ra baangkai nilo buoi talu ngoorou naintanga' am kalo mataak nilo baangkai-baangkai no lobongon.