JIRIMIA 25:30 - Tanou Moonsoi Timugon

³⁰ Okou Jirimia, ngaangai' ondo' raguon Kuno rirun, musiti' mu potonowon. Musiti' mu raguin ilo, ‘Mansangal Tuhan intor ra suruga'; maningkalur Io intor ra inayanan Nano ondo' matulai. Gogolon io manggal ra ulun Nano; mompogolok Io koson ra ulun ondo' mamaga' ra kawa' ru anggur. Moonong ulun ra tana' ti mokorongog Riso,

JIRIMIA 25:30 ပူးပေါင်းရင်းမြစ်များ

2 SAMUIL 15:25

Kopongo raginio kon ru raja' no ri Jadok, “Pasagulio' Kaban Nabantuan no ra bandar. Amon ru maansayan Tuhan no raki', maaru' mangiou io raki' saguli' am makakito ra Kaban Nabantuan no poyo, am niayuk intok ru Kaban Nabantuan no binulian.

1 RAJA'-RAJA' 9:3

Indagu Tuhan riso, “Norongog Ku noyo pakiasian muno. Patimpokon Ku Baloi ondo' binaal mutu koson ra intok sumambayang Raki' ra sabuoi-buoi no. Magail Aku magalung am manindung ra intok ti.

2 TUNUNG RU BANSA' ISRAIL 30:27

Imam-imam am ulun-ulun ru Liwi nakibarakat ra Tuhan ra tayar ru mamagun. Intor ra intok inayanan Nano giu' ra suruga', nokorongog Tuhan am niayuk nangapu ra pakiasian nilo.

MAZMUR 11:4

Tuhan siminoroi ra baloi Nano ondo' matulai; mokoondo' turungan Nano ra suruga'. Urioon No ngaangai' ulun am mapandayan No atan ayuk pana binaal nilono.

MAZMUR 132:14

Indagu Io, “Gitio noyo intok ayanan Kuno ra sabuoi-buoi no; mayan Aku ragiti.

MAZMUR 46:6

I Aki Kapuuno' minayan ra giu' no, bandar ra kalo pusoon; bulintok ra lakat poyo susuab, matong Io mangindangan riso.

MAZMUR 58:5

Makatuwo ilo koson ra kukuo makabisa'; silongon nilo talingo koson ra kukuo mantakag ondo' mabarat

MAZMUR 78:65

Pupus no sumukal Tuhan koson sumukal intor ra nombolong; maayo guang koson ra sangulun maikang ondo' nakainum ra wain.

JISAYA 16:9

Kaa' ragino tangiin ku puun ru anggur Sibma koson ra tangi' kuno ra Jaijir. Tumulisan lomou kuno koson ra Gisybon am Iliali, sabap kolondo' boo ampos ru tatanom koson mapabansuk ra guang ru ulun.

JISAYA 33:3

Bulintok ra Okou mangindangan ramon mangayou, ngaangai' bansa' magiru'.

JISAYA 42:13

Mundus Tuhan mangayou koson sangulun tutumula' ondo' nakatampos toojo mongoi pangayou. Gumolok Io koson tatandu' mangayou; Mapakito Io ra kaikangan Nano ra pantula'.

JIRIMIA 17:12

Baloi ru Tuhan takau koson ra turungan ondo' matulai, ondo' nakabanta' giu' ra rasawat ru gunung masawat intor poyo ra talimpuun i.

JIRIMIA 25:38

Nangiruan Tuhan ra ulun Nano koson ra singa' nangiruan ra luang batu nano. Kalaatan ru pangayawan am sangit ru Tuhan nangulau ra pagun ti nasauk ra tana' kaagisan.

JIRIMIA 48:33

Kaansukan am magilakup kalio boo intor ra tana' Moab ondo' malabung. Pinolonggo' Ku tilis ru wain intor ra mampalia' ra wain; kolondo' boo ulun ondo' mambaal ra wain am magilakup ra maansukan.

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

GOSIA 5:14

Koson ra sanginan singa', mamulunsar Aku ra bansa' ru Israil am bansa' ru Jiuda. Aku galama' maminsang risilo am mangiruan risilo. Ralaaton Ku ilo, am kolondo' sangulun pana makapamayag risilo.

JOIL 3:16

Bolos ru Tuhan mansangal intor ra Bulur Sion; maningkalur Io intor ra Jirusalim; limbowon am tana' ti malunggun, kaa' manindung Io ra ulun Nano.

AMOS 1:2

Gitio noyo ondo' rinagu ri Amos, “Tuhan nansangal intor ra Bulur Sion, bolos Nano nonggolon intor ra Jirusalim. Padang ru sakot nasauk ra mapua', sakot giu' ra Gunung Karmil nasauk ra mapua'.”

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

JAKARIA 2:13

Akau ngaangai' ulun, pongkoror kano ra saang ru Tuhan sabap minintor Io noyo intor ra intok inayanan Nano ondo' matulai.

SAGULION 26:15

Ilai' noyo ragana' intor ra intok Muno ondo' matulai giu' ra suruga' am barakato' noyo ulun Muno Israil; barakato' niayuk tana' ondo' langkaya' am malabung ti, ondo' tinaakan Muno sumugut ra bantu' Muli ra kinamatuaan mai.’ ”

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.