JIRIMIA 25:3 - Tanou Moonsoi Timugon

³ “Buoi ruo ngoopor am talu ngambilor, intor ra bilor koopor am talu ru Raja' Josia anak ungkuyon ru Raja' Amon namarinta giu' ra Jiuda saboi ra orou raiti', minindagu Tuhan raki' am kalo igondo' aku pakalilian mampasaboi ra atan ondo' rinagu Nano ramuyun. Kaa' akau kalo igondo' nampalio raginio.

JIRIMIA 25:3 ပူးပေါင်းရင်းမြစ်များ

KASAUKAN 22:3

Paat ra suabon no, rinondom ri Abragam nampalapak ra luton koson ponolob ra taak simbalui am pobongkoso' no ra kaladai nano. Ugar io nabaya' ri Isak am karuo ngaulun ulipon nano ra intok ondo' rinagu ri Aki Kapuuno' riso i.

1 RAJA'-RAJA' 22:3

Pangkuot Raja' Agab ra pagawai-pagawai nano, “Kua kia itakau lakat poyo kolondo' binaal koson mampagaau saguli' ra bandar Ramot giu' ra Giliad intor ra raja' ru pagun Siria? Itakau tangan ra Ramot!”

2 RAJA'-RAJA' 17:13

Nanusub Tuhan ra kukula' ngaulun am nabi Nano koson mampakara' toojo ra Israil am Jiuda. Ragu ru Tuhan, “Longgo' kano mambaal ra malaat am gagayaa' min susuban Kuno ondo' nakasimpung ralalom ru Ukum ondo' tinaakan Kuno ra kinamatuaan mini am niayuk akau ondo' pinabala' galing ra nabi-nabi, ulipon-ulipon Kuno.”

2 TUNUNG RU BANSA' ISRAIL 24:19

Nanusub Tuhan ra nabi-nabi koson mampakara' risilo maa' raginio sumaguli' mangandoi ayuk Riso, kaa' kalo riminongog ilo.

2 TUNUNG RU BANSA' ISRAIL 34:1

Raja' Josia makaumur balu' ngambilor paat io nasauk ra raja' ru Jiuda, am namarinta io giu' ra Jirusalim buoi talu ngoopor am rondo' ngambilor.

2 TUNUNG RU BANSA' ISRAIL 34:3

Paat ra bilor kabalu' ra pamarintaan ru Raja' Josia, paat ra io lakat poyo mamulok, timinalimpuun io sumamba ri Aki Kapuuno' ondo' sinamba ru kinamatuaan nali, Raja' Daut. Kopongo apat ngambilor, timinalimpuun Raja' Josia namuso ra intok-intok sambaan ra sinungkalalaing, tatandu'-tatandu' ru Dewi Asyira am ngaangai' sinungkalalaing ra bokon.

2 TUNUNG RU BANSA' ISRAIL 34:8

Paat ra bilor koopor am balu' ra pamarintaan ru Raja' Josia, kalupus io namasau ra pagun no am Baloi ru Tuhan ra nopolonggo' ra ngaangai' sumamba ra sinungkalalaing, nanusub io ra talu ngaulun pagawai nano koson mamuna' ra Baloi ru Tuhan i Aki Kapuuno'. Pagawai raginilo iono i Sapan anak ri Ajalia, Manasi gabenor ru Jirusalim am Joa anak ri Joagas, sangulun pagawai masawat.

2 TUNUNG RU BANSA' ISRAIL 36:15

Buoi ru ginio Tuhan, i Aki Kapuuno' ru kinamatuaan nilo, nararayus nanusub ra nabi koson mampakara' ra ulun Nano, sabap ra masaga' Io mamayag risilo am Baloi ru Tuhan.

MAZMUR 81:13

Ginio ra nopoloso Aku risilo maya' ra kasagaan nilono, am mambaal ra kasagaan nilono.

KAINGKUALAN 8:20

Indagu Tuhan ri Musa, “Ongoi noyo tuum ra raja' rumondom ra susuab no paat ra io mongoi ra sungoi. Balai' io ra indagu Tuhan, ‘Paugaro' noyo ulun Kuno mongoi sambayang Raki'.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

JIRIMIA 1:2

Mindagu Tuhan ri Jirimia ra bilor koopor am talu ra pamarintaan ru Raja' Josia anak ungkuyon ru Raja' Amon giu' ra Jiuda.

JIRIMIA 11:7

Paat ra Aku naningganai risilo miningkual intor ra Misir, totopot Aku mampakara' risilo maa' raginio gumagaya' Raki'. Saboi orou raiti' pana lakat Aku poyo mampakara' ra ulun Kuno intor ra baal raginio,

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 25:4

Rinayus ayuk ru Tuhan nanusub ra nabi-nabi, iono ulipon-ulipon Nano minongoi ramuyun, kaa' marara' kau mangkirongog am mampalio risilo.

JIRIMIA 26:5

Musiti' kau niayuk rumongog ra atan ondo' rinagu ru ulipon Kuno, iono nabi-nabi ondo' kalo langgain Ku manusub poongoyon ramuyun. Kaa' kalo igondo' kau rongog risilo.

JIRIMIA 29:19

Ngaangai' baal raginio masauk risilo sabap ra kalo sinugut nilo tanou Kuno ondo' pinasaboi Ku ra rinayus-rayus risilo pinabala' galing ra nabi-nabi, ulipon-ulipon Kuno. Marara' ilo mangkirongog ra tanou Kuno.

JIRIMIA 32:33

Nangiruan ilo Raki' kabalu' pana narayus Aku nangila' risilo, marara' ilo mangkirongog am marara' mangapu ra pangilaan.

JIRIMIA 35:14

Papag ri Jonadab giminagaya' ra susuban ri Jonadab maa' raginio kalo manginum ra wain. Saboi ra orou raiti' kolondo' sangulun pana risilo nanginum ra wain. Kabalu' pana rinayus Ku minindagu ramuyun, kaa' kalo ginagaya' min Aku.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 36:1

Paat ra bilor kaapat ra pamarintaan ru Raja' Joyakim anak ungkuyon ru Raja' Josia, koson ra raja' Jiuda, minindagu Tuhan Raki',

JIRIMIA 36:2

“Alapo' rondo' naskhah rinulun, am tulisi' ra giu' no ngaangai' ondo' rinagu Kuno rirun intor ra Israil am Jiuda, am niayuk ngaangai' bansa'. Tulisi' ngaangai' ondo' pinabala' Kuno rirun intor poyo ra Aku minindagu rirun ra kasaa', paat ri Josia nasauk ra raja' saboi raino.

JIRIMIA 44:4

Nararayus Aku nanusub ra ulipon Kuno, nabi-nabi ramuyun; nanginggalar ilo ramuyun nambaal ra malaat ondo' kasisangin Kuno.

JIRIMIA 7:13

Binaal min ngaangai' tula no; inda' pana ra ruruli' Aku minindagu ramuyun, kaa' marara' kau rumongog. Marara' kau tumaam paat ra Aku mampiau ramuyun.

JIRIMIA 7:25

Intor ra kinamatuaan min miningkual intor ra Misir saboi ra orou raiti', magail Aku manusub ra ulipon-ulipon Kuli, nabi-nabi minongoi ramuyun.

YEHEZKIEL 33:4

Osoi ayuk mokorongog ra bolos tatandu' makalalaa' no kaa' kalo mampalio raginio, am pantula' matong am mamatoi ra ulun no, io pana matoi sabap ra kasalaan nano galama'.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

MARKUS 1:35

Suabon no, maar matawang, luat i Jisus am ongoi ra lisar ru pekan. Minongoi Io ra intok masiluk sabap ra makiasi' Io ra giu' no.

JUANIS 8:2

Nokorondom ra suabon i, subol Io ra Baloi Tuhan am ulun masuang minatong Riso. Ginio ra panturung Io am tumalimpuun mangila' risilo.

JUANIS 8:47

Osoi ayuk intor ri Aki Kapuuno', mangkirongog ra ragu Nano. Kaa' akau sala' ka intor ri Aki Kapuuno', ginio sabap boo ra akau kalo mangkirongog Riso.”

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.