JIRIMIA 25:27 - Tanou Moonsoi Timugon

²⁷ Tuhan pana mindagu boo raki', “Balai' ngaangai' ulun no ra Aku, Tuhan Ondo' Maayo Kaga' Kuasa', i Aki Kapuuno' ru Israil, nanusub risilo manginum suku' magauk am mampalua'. Maratu' ilo am kalo boo makatirong saguli' sabap ra pangayawan ondo' porotongon Kuno risilo.

JIRIMIA 25:27 ပူးပေါင်းရင်းမြစ်များ

JISAYA 51:21

Rongogo' noyo akau ulun-ulun ondo' inimbolo', ondo' kasiling-kasiling koson ra ulun nagauk!

JISAYA 63:6

Ralalom ru sangit kikinjangin Ku ngaangai' bansa' am manutuk risilo. Patulukon Ku raraa' nilono ra tana'.”

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 13:13

Mopongo raginio balai' ilo ra Aku, Tuhan mompototop ra ulun ra pagun ti ra wain saboi ilo magauk: raja'-raja' papag ri Daut, imam-imam, nabi-nabi am ngaangai' mamagun ru Jirusalim.

JIRIMIA 22:10

Mamagun kau ru Jiuda, pai' tangii' Raja' Josia; pai' panulaboi ra pinatayan ru raja'. Kaa' tangii' noyo i Joagas, anak ungkuyon ru raja'; sabap anak no inibit noyo ra minugar am kalo boo sumaguli'. Kalo boo makakito io ra namagunan nano.

JIRIMIA 25:16

Paat ra ilo manginum intor ra sangkir ti, kakasiling nilo am kolondo' makara' sabap ra pangayawan ondo' porotongon Kuno risilo.”

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

JIRIMIA 46:14

“Potonowo' noyo tanou ragitio giu' bandar-bandar ru Misir, iono Migdol, Mimpis am Tapanis, ‘Tampos kano mangampin ra inan min; ngaangai' longgom min mapuso ralalom ru pangayawan!

JIRIMIA 50:35

Indagu Tuhan, “Mapuso noyo Babilonia! Mapuso noyo mamagun nano, tingganai-tingganai nano am ulun-ulun nano ondo' mangapintar.

JIRIMIA 51:39

Liliwa' suung ru akan nilo sumonor, paakanon Ku ilo, am gaukon ilo am karuolon ulu. Mombolong ilo am kalo boo tumirong-tirong.

JIRIMIA 51:57

Mangkinibit Aku ra panguasa'-panguasa' mangagauk – ulun nano ondo' mapintar, tingganai-tingganai nano am saujor-saujor nano. Mombolong ilo am kalo boo tumirong-tirong. Aku, Raja' nakaindagu noyo; Aku noyo Tuhan Ondo' Maayo Kaga' Kuasa'.

SULABOI 4:21

Pakakurit no, akau mamagun ru Idom am Us, pakaansuk no, buoi ra akau lakat poyo pakuriton. Akau pana lumpaan ru karaat, am magibaang sabap nagauk kau.

AMOS 8:14

Ulun ondo' magibot ralalom inggalan ru sinungkalalaing ru Samaria, am mindagu, ‘Ralalom inggalan ru dewa giu' ra Dan’ kapoam ‘Ralalom inggalan ru dewa giu' ra Birsyiba’, maratu' am kalo boo makatirong.”

NAGUM 3:11

Okou Niniwi, okou pana magauk. Piroton mu niayuk koson mamayag ra inan intor ra pantula'.

ABAKUK 2:16

Raino nasaboi paat min koson tauyuon am sala' ka urumaton. Pangurumatan ramuyun makulau masauk ra pagasaban. Jajalin kau ru Tuhan manginum intor ra sangkir ondo' suang no ukuman; manginum kau am mangkasiling.

SAGULION 32:42

Anak panah Kuno maluitan ra raraa' nilo, am ilang Kuno mamatoi ra ngaangai' ulun ondo' manggal Raki'. Kolondo' sangulun pana ondo' manggal Raki' no maayag; am ulun napilat am ulun rinakop pana matoi.’

PINAINTALANG 14:10

Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.