JIRIMIA 25:15 - Tanou Moonsoi Timugon

¹⁵ Tuhan, i Aki Kapuuno' ru Israil minindagu raki', “Gitio noyo sangkir ru wain ondo' sinuangan ra sangit Kuno. Ibito' sangkir ti ra ngaangai' bansa', am susubo' ilo manginum intor ra sangkir ti. Susubon Tokou mongoi risilo.

JIRIMIA 25:15 ပူးပေါင်းရင်းမြစ်များ

AYUP 21:20

Polosoon noyo ulun ondo' makasala mansaan ra ukuman nilo; polosoon noyo ilo makaliman ra sangit ru Io Ondo' Maayo Kaga' Kuasa'.

MAZMUR 11:6

Ulun malaat ukumin No ra lumaag, mabaya' ra baa makasimbula', bilirang am angin ra makaumpo.

MAZMUR 60:3

Iou Aki Kapuuno', inimpayan Mu akai am kinala Mu akai; siminangit Kou kaga' ramon, kaa' raino saguli' no ramon!

MAZMUR 75:8

i Aki Kapuuno' noyo galama' masauk ra akim, mokoondo' inukum am mokoondo' pinalabus.

MAZMUR 75:9

Nampaguut Tuhan no ra sangkir ondo' sinuangan ra sangit Nano koson ra wain masalut. Lingigo' No suang no maa' raginio inumon ra ulun mangalaat ra tana' ti; inumon nilo saboi makai'.

JISAYA 14:26

Gitio noyo guangon Kuno ra tana' ti; ukumin Ku ngaangai' bansa'.”

JISAYA 34:2

Tuhan sumangit kaga' ra ngaangai' bansa' am pulalai ru saujor nilono. Mangukum am mamuso Io risilo.

JISAYA 51:17

Luat noyo, okou Jirusalim, luat noyo! Ukuman ondo' pinatasan ru Tuhan sabap ra sangit Nano nailian mu noyo saboi nalupus.

JISAYA 51:22

Gitio noyo ragu ru Tuhan mino, Tuhan i Aki Kapuuno' noyo sumaung ramuyun, “Kaimbalaan ondo' pinataak Kuno ralalom sangit Kuno, alapon Ku sagulio' intor ramuyun. Guang kuno sumalui, am kalo pana boo saanin min.

JISAYA 51:23

Kaimbalaan no pataakon Ku ra ulun ondo' mangimbolo' ramuyun, ondo' nanusub ramuyun lumuya' ra tana' am nanginjang-nginjang ramuyun, koson ayuk ra ralan ondo' bayain ru ulun.”

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

JIRIMIA 36:2

“Alapo' rondo' naskhah rinulun, am tulisi' ra giu' no ngaangai' ondo' rinagu Kuno rirun intor ra Israil am Jiuda, am niayuk ngaangai' bansa'. Tulisi' ngaangai' ondo' pinabala' Kuno rirun intor poyo ra Aku minindagu rirun ra kasaa', paat ri Josia nasauk ra raja' saboi raino.

JIRIMIA 43:11

Matong i Nibukadnijar am mangala ra Misir. Ilo ondo' inaru' ra matoi sabap ra maruol, ilo ondo' inaru' masauk ra ulun rinakop ru pangayawan no masauk ra ulun rinakop ru pangayawan, am ilo ondo' inaru' matoi ralalom ru pangayawan no matoi ralalom ru pangayawan.

JIRIMIA 45:5

Gumogot kou kia luntukin ra moonsoi? Pai', sabap ra porotongon Ku karaat ra ngaangai' ulun. Kaa' tayar muno, inda' pana, ra ati ayuk angayan muno, maayag kou ayuk. Aku, Tuhan, nakaindagu noyo.”

JIRIMIA 46:1

Indagu Tuhan raki' intor ra bansa'-bansa'

JIRIMIA 48:26

Indagu Tuhan, “Liminimbau Moab Raki', ginio ra gaukon io. Magiluluir Moab ra ralalom ru lua' nano galama', am kuritin boo ru ulun.

JIRIMIA 49:12

Ulun ondo' sotopot no kalo ukumin pana natiu' ra ukuman. Indoson min kia ra makalabus kau intor ra ukuman? Maaru' ukumin kau!

JIRIMIA 51:7

Ragili Babilonia koson ra sangkir mas ra kalindu' Kuno, am mangkinibit ra ngaangai' bansa' ra tana' ti magauk. Bansa'-bansa' nanginum ra wain saboi ilo mantuyang.

YEHEZKIEL 23:32

Indagu Tuhan Raja', “Musiti' kou manginum intor ra sangkir ru maayo muno, sangkir ondo' maayo am malandom. Paat ra okou manginum intor ra sangkir ondo' nototop no, iison kou am asabin ru ngaangai' ulun.

YEHEZKIEL 23:33

Magauk kou am maimbolo' sabap ra sangkir no nototop ra malaa' am katutukan. Ginio noyo ukuman ondo' nakalumpa' ra Samaria, maayo muno.

YEHEZKIEL 29:12

Saukon Ku Misir ra pagun ondo' kolondo' tutuu' am masiluk kaga' ra titikop ru tana'. Buoi apat ngoopor ngambilor bandar-bandar giu' ra Misir intok nalunsai ondo' maaja' intor ra ati-ati bandar. Saukon Ku ulun ru Misir ra ulun nagiru'. Magiru' ilo mongoi ra ngaangai' pagun am mayan ra gino ngai' ru bansa' ra bokon.”

YEHEZKIEL 36:5

“Ralalom ru simbuluk ru sangit Kuno, Tuhan Raja' nagulas ra bansa'-bansa' paginggaar no, mulu' poyo ra Idom. Pinabaya' ra maansayan am paliso magasab, ginaau nilo pagun Kuno am padang sakot no.

OBAJA 1:16

Giu' ra rasawat ru bulur Kuno ondo' matulai, ulun Kuno nanginum noyo intor ra sangkir ru inumon mapait ondo' tatandu' ru ukuman nilo. Kaa' ngaangai' bansa' ra sambalayan manginum intor ra sangkir ru inumon ondo' mapait poyo kaga'. Musiti' nilo inumon ginio saboi makai', am maluus ilo ra kolondo' babaya'.”

ABAKUK 2:16

Raino nasaboi paat min koson tauyuon am sala' ka urumaton. Pangurumatan ramuyun makulau masauk ra pagasaban. Jajalin kau ru Tuhan manginum intor ra sangkir ondo' suang no ukuman; manginum kau am mangkasiling.

PINAINTALANG 14:10

Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.

PINAINTALANG 14:19

Patantabo' boo ru malaikat no tantab nano ra tana' am katantab boo kawa' ru anggur no. Kawa' ru anggur no pinatiran no ra intok pamagaan ru anggur ondo' maayo, ioginio sangit am ukum ri Aki Kapuuno'.