JIRIMIA 25:14 - Tanou Moonsoi Timugon

¹⁴ Balasin Ku binaal ru ulun Babilonia; uliponon ilo ru raja'-raja' maayo am masuang bansa'.’ ”

JIRIMIA 25:14 ပူးပေါင်းရင်းမြစ်များ

MAZMUR 137:8

Akau ulun ru Babil, akau no pusoon! Pakaansuk noyo ulun ondo' mambalos ra baal kalaatan ondo' binaal min ramon!

JISAYA 13:4

Rongogo' noyo nginonsol giu' ra rasawat ru gunung, koson masuang ulun natitimung. Rongogo' noyo kumuliasou-asou ngaangai' bansa' am pamarintaan-pamarintaan ra natitimung. Tuhan Ondo' Maayo Kaga' kuasa' mampatampos ra saujor mangayou.

JISAYA 14:2

Masuang bansa' mangindangan ra ulun ru Israil muli' ra tana' ondo' pinataak ru Tuhan risilo. Giu' no bansa'-bansa' masauk ra ulipon ru Israil. Ilo ondo' galing i nangala ra Israil, kalaan ilo boo ru Israil. Ulun ru Israil mamarinta ra bansa'-bansa' ondo' nakaili' nangimbolo' risilo.

JISAYA 66:6

Rongogo' noyo posogolos ralalom ru bandar. Bolos intor ra Baloi ru Tuhan no bolos ru Tuhan ondo' mangukum ra pantula'-pantula' Nano.

JIRIMIA 27:7

Ngaangai' bansa' mangandoi ayuk ra Raja' Nibukadnijar, anak ungkuyon nano am akupu nano saboi ra paat ru pagun nano galama' maratu'. Paat raginio bansa' ru Babilonia mangandoi ayuk ra bansa'-bansa' ondo' maikang am raja'-raja' ondo' maayo.

JIRIMIA 32:19

Inatangan Muno mapintar am binaal Muno makaimuag; nakito Mu ngaangai' ondo' binaal ru ulun, am nambalos risilo topot koson ra binaal nilo.

JIRIMIA 50:41

“Ulun tatanga' matong intor ra ralayo, rondo' bansa' ondo' maikang intor ra pagun maalur; masuang raja' tatanga' tumampos koson mangayou.

JIRIMIA 50:9

Susubon Ku kukula' bansa' ondo' maikang intor ra ralayo, am mangkinibit risilo mamulunsar ra Babilonia. Banison nilo barisan ru saujor koson mangayou ra Babilonia, am mangala riso no. Ilo mampalula' ra matasik. Paat ra ilo mamanah, totopot panah nilo makatiu' ra tuma' no.

JIRIMIA 51:6

Pagiru' no intor ra Babilonia! Bayago' noyo inan min! Pai' patoi sabap ra tula ru ulun ru Babilonia. Raino tatanga' Aku mansuli' am mangukum risilo nontopot ra binaal nilo.

DANIL 5:28

Tayaron arati' no pamarintaan muno matatayar am pataakin ra ulun ru Midia am Pirsia.”

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.