JIRIMIA 24:6 - Tanou Moonsoi Timugon

⁶ Alungin Ku ilo am magibit risilo sumaguli' ra pagun ti. Baalon Ku ilo, am kalo lunsayon ilo; tolorogon Ku ilo am kalo bubulon ilo.

JIRIMIA 24:6 ပူးပေါင်းရင်းမြစ်များ

KASAUKAN 44:21

Tuan, nanusub kou ramon magibit riso ragiti, maa' raginio makailong kou riso.

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

NIGIMIA 5:19

Makitaak aku Rirun, iou Aki Kapuuno', karaa' noyo ngaangai' ondo' binaal moonsoi kuno ra bansa' ragitio, am barakato' aku no.

MAZMUR 34:15

Tatango' min kalaatan am pambaal kano ra moonsoi; gogoto' min toojo pababansayan.

MAZMUR 44:2

Iou Aki Kapuuno', akai galama' nokorongog ra tutunungon ru kinamatuaan maili, intor ra binaal Muli ra mangaayo intor ra galing i ayuk poyo.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JIRIMIA 1:10

Paat ra orou raiti' mangani' Aku rirun ra kuasa' ra bansa' am pamarintaan koson mampagaba' am mamparatu', koson mamuso am mampaluir, koson manirong am mopotolorog.”

JIRIMIA 12:15

Kaa' malupus ra Aku mamatir risilo, makaasi' Aku poyo risilo; moonong bansa' ibiton Ku sumaguli' ra pagun nilo galama'.

JIRIMIA 16:15

Kaa' magibot ilo ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra rondo' pagun giu' ra ralayo am intor ra ngaangai' pagun ra bokon, intok Kuno nampatutuliar risilo. Ibiton Ku ilo sumaguli' ra tana' namagunan nilo, pagun ondo' tinaakan Kuno ra kinamatuaan nilo. Aku, Tuhan nakaindagu noyo.”

JIRIMIA 21:10

Namatas Aku noyo koson manutuk ra bandar ti, am kalo malubatan. Bandar ragitio pataakon ra raja' ru Babilonia, am solobon ru raja' no ginio saboi makai'. Aku, Tuhan nakaindagu noyo.”

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 29:10

Indagu Tuhan, ‘Paat ra masuku' tulu' ngoopor ngambilor tayar ru Babilonia, lioon Takamin poyo am manugut ra bantu' Kuno koson magibit ramuyun muli'.

JIRIMIA 31:28

Koson ragili nagalung Aku koson mamubul, mampalunsai, mampaluir, mamuso am manutuk risilo, koson niayuk ra Aku magalung koson mopotolorog am mampabigor risilo saguli'.

JIRIMIA 31:4

Kaikangon Ku saguli' intok min. Igondo' poyo ra mangalap kau ra tamburing am mansayau ra maansukan.

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

JIRIMIA 32:41

Mabaya' ra guang makaansuk mambaal Aku ra moonsoi risilo, am palayunon Ku ilo ra pagun ti ra sabubuoi no.

JIRIMIA 33:7

Saukon Ku Jiuda am Israil ra langkaya', am manirong risilo saguli' koson ragili.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

JIRIMIA 39:12

“Ongoi noyo uyumo' i Jirimia am alungi' io toojo. Pai' io jamari', kaa' iowo' noyo atan ayuk kitaakon nano.”

JIRIMIA 42:10

‘Amon ru masaga' kau mamagun ra pagun ti, pasingkoton Takamin am kalo mamuso ramuyun. Potolorogon Takamin am kalo mamparanga' ramuyun. Kapusaan ondo' palumpaan Kuno ramuyun mangkinibit Raki' mangiluk kaga' guang.

YEHEZKIEL 36:24

Timungon Takamin intor ra moonong pagun am intor ra moonong bansa' am magibit ramuyun muli' ra pagun min galama'.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

SAGULION 11:12

Alungin ru Tuhan i Aki Kapuuno' min tana' raginio am magalung raginio buoi ru bilor.

1 PITRUS 3:12

Sabap ra Tuhan masalok magalung ra ulun ondo' sumugut ra kasagaan Nano am masalok mangkirongog ra pakiasian nilai no; kaa' gumula' Io ra ulun ondo' mambaal ra kalaatan.”