JIRIMIA 24:3 - Tanou Moonsoi Timugon

³ Tuhan pana mindagu boo raki', “Okou Jirimia, atan kia nakito muno?” Taam aku, “Nakakito aku ra kawa' ru ara. Kawa' ondo' moonsoi kaga', am kawa' ondo' napasa' ra napasa' kaga' saboi kalo maakan.”

JIRIMIA 24:3 ပူးပေါင်းရင်းမြစ်များ

AMOS 8:2

Nangkuot Tuhan, “Amos, atan kia nakito muno?” Taam aku, “Kikinawa' giu' ra ralalom ru bakul.” Indagu Tuhan raki', “Pupus ru ulun Kuno Israil nasaboi noyo. Kalo boo mangulau Aku ra guang Kuno; ukumin Ku ilo.

JAKARIA 4:2

Nangkuot io, “Atan kia nakito muno?” Taam aku, “Nakito ku rondo' tampakan ra lampung mas. Tampilon ra rasawat nano mokoondo' rondo' mangkuk ru umau. Tampilon ra ragana' ru lampung no mokoondo' tulu' lampung ondo' moonong rondo' mokoondo' tulu' intok ru sumbu'.

AMOS 7:8

Nangkuot Io raki', “Amos, atan kia nakito muno?” Taam aku, “Rondo' kalat panuku' ondo' maawar ra mabanis.” Io pana mindagu boo, “Namakai Aku ra kalat panuku' ondo' maawar ra mabanis ti koson manulu' ra ulun Kuno koson ra timbok ondo' kalo mabanis. Kalo boo kulawon Ku guang Kuno; ukumin Ku ilo.

1 SAMUIL 9:9

Taam i Saul, “Iou noyo! Ongoi tano.” Ongoi ilo boo ra bandar, intok inayanan ru ulipon ri Aki Kapuuno' no. Paat ilo nangkiwa' ra bulur sumuku' ra bandar no, nakatuum ilo ra kukula' ngaulun ralaa ondo' mongoi pansagou giu' ra tulubong. Kuati' nilo ralaa-ralaa no, “Mokoondo' kia ulun mangilong soroi ra bandar ti?” (Paat raginio, sangulun nabi sabiton ra ulun mangilong. Ginio ra paat sasangulun masaga' mangkuot ra rorondo' ri Aki Kapuuno', mindagu ilo, “Ongoi takau ra ulun mangilong.”)

JAKARIA 5:2

Nangkuot malaikat no ra atan ondo' nakito kuno. Taam aku, “Nakito ku rondo' naskhah rinulun nansiab giu' ra limbowon. Gawar nano siam ngamito am pila' nano apat ngamito am naintanga'.”

JIRIMIA 24:4

Indagu poyo Tuhan,

JIRIMIA 29:17

Indagu Tuhan Ondo' Maayo Kaga' Kuasa', ‘Mamparatong Aku ra pangayawan, bitilan am maruol tumapik risilo. Pamakuan Kuno risilo koson ra kawa' ru ara ondo' napasa' kaga' saboi kalo maakan.