JIRIMIA 24:1 - Tanou Moonsoi Timugon

¹ Rondo' paat ra Tuhan nangani' raki' ra rondo' pinaintalang. Baal raginio nasauk nalupus Raja' Joyakin anak ungkuyon ru Raja' Joyakim intor ra Jiuda, nabaya' ra pagawai-pagawai ru pamarintaan ru Jiuda, ulun manukang am mangngandoi ra mapandai toojo, rinakop ru Raja' Nibukadnijar intor ra Babilonia, am inibit koson ra ulun rinakop intor ra Jirusalim minongoi ra Babilonia. Nakito ku ruo ngambakul kawa' ru ara pinabanta' giu' ra saang Baloi ru Tuhan.

JIRIMIA 24:1 ပူးပေါင်းရင်းမြစ်များ

2 RAJA'-RAJA' 24:10

Paat ra pamarintaan ru Raja' Joyakin, saujor ru Babilonia ondo' tiningganai ru pagawai-pagawai ru Raja' Nibukadnijar namulunsar ra Jirusalim am nagawang ra bandar no.

2 TUNUNG RU BANSA' ISRAIL 36:10

Paat ra mambusak bilor raginio, Raja' Nibukadnijar namparakop ra Raja' Joyakin am nagibit riso ra Babilonia. Raja' Nibukadnijar niayuk nagibit ra rapu' intor ra Baloi ru Tuhan. Kopongo raginio Raja' Nibukadnijar nampili' ri Jidikia, kamaman ru Raja' Joyakin, nasauk ra raja' ru Jiuda am Jirusalim.

JISAYA 13:1

Gitio noyo tanou ri Aki Kapuuno' koson ra Babil ondo' inapu ri Jisaya anak ri Amos.

JIRIMIA 13:19

Bandar-bandar ru Jiuda giu' ra tampilon rabugus tatanga' inawangan, am kolondo' ulun makatangkus ra pagawangan no. Ngaangai' mamagun ru Jiuda pinatiran ra pagun.”

JIRIMIA 28:4

Ibiton Ku niayuk saguli' i Joyakin anak ungkuyon ru Raja' Joyakim, raja' ru Jiuda, mababaya' ra ngaangai' mamagun ru Jiuda ondo' inaut ra Babilonia. Sotopot no, pandakon Ku kuasa' ru Babilonia. Aku, Tuhan nakaindagu noyo.”

JIRIMIA 29:1

Nanulis aku ra surat posoboyon ra imam-imam, nabi-nabi, tingganai-tingganai ru bansa', am ra ngaangai' ulun bokon giu' ra Jirusalim ondo' rinakop ru Raja' Nibukadnijar am inibit ra Babilonia.

JIRIMIA 29:2

Nanulis aku ra surat no kalupus Raja' Joyakin, ina' nano, pagawai-pagawai istana, tingganai-tingganai ru ulun ru Jiuda am Jirusalim, ulun-ulun manukang, am ulun mangandoi ra mangapandai inibit ra pamatiran.

JIRIMIA 37:1

Raja' Nibukadnijar intor ra Babilonia, nampalantik ra Raja' Jidikia anak ungkuyon ru Raja' Josia nasauk ra raja' ru Jiuda koson namalit ra Raja' Joyakin anak ungkuyon ru Raja' Joyakim.

YEHEZKIEL 17:4

kalupus raginio inibit pandak ru tataun no ra pagun pantalanan am pinabanta' giu' ra bandar ru ulun-ulun mantalan no.

YEHEZKIEL 19:9

Inaput nilo io ra ralalom ru kandang, am inibit io ra raja' ru Babilonia. Inalungan nilo io maa' raginio kalo boo morongog bolos nano giu' ra tampak ru bulur-bulur ru Israil.

AMOS 3:7

Tuhan Raja' kalo igondo' nambaal ra rondo' pana ra kalo nambala' galing ra inatangan Nano ra nabi-nabi, ulipon-ulipon Nano.

AMOS 7:1

Nakaalap aku ra rondo' napakitanan intor ra Tuhan Raja'. Ralalom ru napakitanan no nakito ku Io nambaal rondo' sampanon ru gapu' kalupus ulun nopolontob ra sakot tayar ru raja'. Paat raginio sakot tumalimpuun poyo tumuu'.

AMOS 7:4

Nakito ku poyo rondo' napakitanan intor ra Tuhan Raja'. Nakito ku Io tatanga' tumampos koson mangukum ra ulun Nano ra apui. Apui no monolob pangai' ra raat maayo giu' ra ragana' ru tana' am tumalimpuun monolob ra tana'.

AMOS 7:7

Nakaalap aku rondo' napakitanan ra bokon intor ra Tuhan. Nakito ku Io minigor ra sapapa' ru rondo' timbok ondo' binaal am namakai ra kalat panuku' ondo' maawar ra mabanis, am nampaguut Io rondo' kalat panuku' no.

JAKARIA 1:20

Tuhan pana nanulu' boo ra apat ngaulun manukang ra basi' ondo' nagibit ra tukul.

JAKARIA 3:1

Ralalom ru pinaintalang ra bokon, nanulu' Tuhan ra Tingganai Maayo Imam Josua raki'. Tingganai Maayo Imam Josua tatanga' minigor ra saang ru malaikat ru Tuhan. Tingganai ru riwato ondo' nakatampos noyo koson manguu' ri Josua, minigor ra sapapa' ri Josua.