JIRIMIA 23:8 - Tanou Moonsoi Timugon

⁸ Kaa' magibot ilo ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra rondo' pagun giu' ra ralayo, am intor ra ngaangai' pagun ra bokon intok Kuno nampatuliar risilo. Ilo pana mayan boo ra namagunan nilo galama'.”

JIRIMIA 23:8 ပူးပေါင်းရင်းမြစ်များ

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JIRIMIA 16:14

Indagu Tuhan, “Masaboi paat no ra ulun kalo boo magibot ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra Misir.

JIRIMIA 16:15

Kaa' magibot ilo ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra rondo' pagun giu' ra ralayo am intor ra ngaangai' pagun ra bokon, intok Kuno nampatutuliar risilo. Ibiton Ku ilo sumaguli' ra tana' namagunan nilo, pagun ondo' tinaakan Kuno ra kinamatuaan nilo. Aku, Tuhan nakaindagu noyo.”

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 30:3

sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

JIRIMIA 31:8

Intor ra ralayo ibiton Ku ilo saguli', timungon Ku ilo intor ra pompor ru tana' ti. Ulun bolou am ulun kalo makalulu' maya' risilo, koon niayuk ra ruandu' maapang am ilo ondo' maar maganak. Sumaguli' ilo koson ra bansa' ondo' maayo.

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

JIRIMIA 8:3

Ulun intor ra bansa' malaat ti ondo' lakat poyo maayag, ondo' pinantutuliar Ku noyo ra nansalinut intok, masaga' poyo matoi intor ra maayag. Aku, Tuhan Ondo' Maayo Kaga' Kuasa' nakaindagu noyo.”

YEHEZKIEL 28:25

Indagu Tuhan Raja', “Ibiton Ku ulun ru Israil muli' intor ra pagun-pagun intok nampatuliaran Kuno risilo, am ngaangai' bansa' makapandai boo ra Aku ti matulai. Ulun ru Israil mayan poyo ra pagun nilo galama', tana' ondo' tinaakan Kuno ri Jakub, ulipon Kuno.

YEHEZKIEL 34:13

Paingkualon Ku ilo intor ra pagun-pagun ra bokon am manimung risilo, am magibit risilo muli' ra pagun galama' nilo. Ibiton Ku ilo saguli' ra gunung-gunung am limayak-limayak giu' ra Israil. Aniin Ku ilo ra akanon giu' ra padang-padang sakot ondo' malabung.

YEHEZKIEL 36:24

Timungon Takamin intor ra moonong pagun am intor ra moonong bansa' am magibit ramuyun muli' ra pagun min galama'.

YEHEZKIEL 36:35

Moonong ulun mindagu boo ra tana' ondo' ragili kolondo' tutuu' nasauk boo koson ra Taman Idin, am bandar-bandar ondo' linunsai, tinakawan am pinoloso napuut, raino nasauk ra bandar mokoondo' ra kubu am inayanan ru ulun.

YEHEZKIEL 37:25

Mamagun ilo ra pagun ondo' tinaakan Kuno ri Jakub, ulipon Kuno, giu' ra pagun inayanan ru kinamatuaan nilo. Ilo am papag nilo mayan ra giu' ra sabubuoi no. Sangulun raja' koson ri Daut, ulipon Kuno mamarinta risilo ra sabubuoi no.

YEHEZKIEL 39:28

Makapandai boo ulun Kuno ra Aku Tuhan, i Aki Kapuuno' nilo. Makapandai ilo boo ra pinoloso Ku ilo pinatiran ra pagun ru ulun, kaa' timungon Ku niayuk ilo am ibiton ilo muli' ra pagun nilo galama', ra kalo tatangon sangulun pana giu' ra pagun namatiran.

JOIL 3:7

Kaa' raino magibit Aku risilo mingkual intor ra intok-intok nantalanan min risilo. Balasin Ku kalaatan min risilo.

MIKA 7:15

Baalo' noyo ramon kaimuagan-kaimuagan, iou Tuhan, koson ondo' binaal Muli ra galing i, paat ra Okou nagibit ramon miningkual intor ra Misir.

JIPANYA 3:20

Masaboi paat no; ibiton Ku muli' ulun ondo' nantutuliar; pasaukon Takamin ra mauligan kaga' giu' ra titikop ru tana', am pasaukon kau ra langkaya' igondo' poyo.” Tuhan nakaindagu noyo.