JIRIMIA 23:6 - Tanou Moonsoi Timugon

⁶ Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

JIRIMIA 23:6 ပူးပေါင်းရင်းမြစ်များ

1 RAJA'-RAJA' 4:25

Buoi ru Raja' Salomo naayag, mamagun giu' ra titikop ru Jiuda am Israil maayag ra moonsoi, moonong ru sasambaloi mokoondo' ra umo ru anggur am umo ru ara.

MAZMUR 45:5

Jalai no ralalom ru ikang tumingkuang ra kamanangan, koson sumaung ra atan ondo' motopot am katimpakan, ralalom kaikangan muno, gaawo' noyo kamanangan ra maayo.

KAINGKUALAN 9:26

Tampilon ayuk ra Gosyin, intok inayanan ru ulun ru Israil kalo nalumpa' ra rasam batu.

JISAYA 2:4

Akimin No ngaangai' bansa' am manalasai ra pansasangaran nilono. Ilang nilo saukon ra radu', am tanggulan saukon ra pais pamutul. Ngaangai' bansa' kalo boo mangayou am kalo boo tumampos mongoi pamulunsar.

JISAYA 32:1

Orou ra matong no sangulun raja' mamarinta ra matimpok, am ngaangai' tingganai ru bansa' mapaugar ra katimpakan.

JISAYA 32:18

Ulun ri Aki Kapuuno' kalo pana boo maimamang, am baloi nilono kalinuos ayuk am makakaansayan,

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 33:5

Tuhan matulai kaga'! Ngaangai' no kinuasa' No. Pinaundok No katimpakan am kabanisan ru guang giu' ra Jirusalim,

JISAYA 35:9

Giu' no kolondo' boo singa', kapoam bibiag masangit ra bokon no. Ulun ondo' binayag ru Tuhan, muli' mansail ra ralan raginio.

JISAYA 42:6

“Aku, Tuhan nampiau rirun am manaak rirun ra kandoi koson mapaugar ra katimpakan ra tana'. Pinabala' galing Rirun ra Aku mambaal ra nabantuan ra ngaangai' ulun; pinabala' galing rirun ra Aku mampasinda ra bansa'-bansa'.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 29:11

Aku galama' nakapandai ra inatangan Kutu koson ramuyun. Inatangan no sala' ka koson mantilubat ramuyun, kaa' koson ra kaansayan min am koson manaak ra orou tauli ondo' lalansanin min.

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 31:23

Tuhan Ondo' Maayo Kaga' Kuasa', i Aki Kapuuno' ru Israil minindagu, “Paat ra pasagulion Ku ulun Kuno ra pagun nilo, pagun Jiuda am bandar-bandar nano pana mokorongog poyo ra ulun mindagu, ‘Gama' ru barakaton ru Tuhan bulur matulai giu' ra Jirusalim intok inayanan ondo' pinatimpok Riso.’

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

JIRIMIA 33:15

Paat raginio pilion Ku sangulun ondo' matimpok intor ra papag ri Daut koson masauk ra raja'. Mambaal raja' no ra atan ondo' motopot am matimpok giu' ra titikop pagun.

JIRIMIA 33:16

Mamagun ru Jiuda am Jirusalim bayagon, am maayag ilo ra mamimio. Bandar no inggalanin ra ‘Tuhan Mamamayag Ritakau’.

YEHEZKIEL 21:27

Malunsai! Malunsai! Totopot lunsayon Ku bandar ti! Kaa' baal ragitio kalo masauk ra kalo poyo ulun pilion Kuno koson mangukum ra bandar ti matong. Paat raginio pataakon Ku bandar ti riso.’ ”

YEHEZKIEL 28:26

Mayan ilo ra giu' ra moonsoi. Manambaloi ilo am manangumo ra anggur. Ukumin Ku ngaangai' pasambalayan nilo ondo' igondo' nagasab risilo, am Israil maayag ra moonsoi. Makapandai ilo boo ra Aku noyo Tuhan, i Aki Kapuuno' nilo.”

YEHEZKIEL 38:14

Nanusub boo Tuhan Raja' raki' koson mambala' ri Gog intor ra ragu Nano, “Raino, tatanga' ru Israil, ulun Kuno maayag ra kaansayan, mintor kou

YEHEZKIEL 48:35

Ngaangai' ru timbok no ra gawar 9 ngakilomito. Intor raino bandar no ininggalanan ra “Tuhan Soroi Ragiti!”

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

DANIL 9:7

Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

GOSIA 1:7

Kaa' makaasi' Aku ra bansa' ru Jiuda. Aku, Tuhan, i Aki Kapuuno' nilo mamayag risilo, kaa' sala' ka ra pamulunsaran – sala' ka ra ilang, kapoam busur am panah, kapoam kuda am ulun mangura' nano.”

GOSIA 2:18

Okou Israil, saukon Tokou ra andu' Kuno; mabanis guang Kuno am gumagaya'; pakitonon Ku togom am makaasi' rirun, am niayuk saukon kou ra longgom Kuno ra sabuoi-buoi no.

OBAJA 1:17

“Kaa' giu' ra rasawat ru Bulur Sion, mokoondo' kukula' ngaulun ondo' maayag, am bulur no masauk ra intok ondo' matulai. Papag ri Jakub momolonggom ra tana' tinungkus nilo.

OBAJA 1:21

Ulun ru Jirusalim ondo' nakasugut mamulunsar ra Idom am kuasaan no ginio. Tuhan galama' mamarinta koson ra raja'.”

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

JAKARIA 3:10

Paat orou raginio masaboi, moonong ulun mangkimait ra pasambalayan nano matong am sumia' ra kaansayan am kinamio giu' ra tatanga' ru umo ru anggur am puun ru ara min.”

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.