JIRIMIA 23:5 - Tanou Moonsoi Timugon

⁵ Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JIRIMIA 23:5 ပူးပေါင်းရင်းမြစ်များ

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

MAZMUR 45:4

Pooboto' ilang ra awak muno, okou raja' mapanggol, okou no raja' ra totopot uramaton am maatang kaga'!

MAZMUR 80:15

Ratong No ramon, iou Aki Kapuuno' Ondo' Maayo Kaga' Kuasa'. Ilai' akai no intor ra suruga'; ratong no am bayago' noyo ulun Muno!

MAZMUR 99:4

Okou Raja' ondo' maikang, tinogom Mu ukum; pinabigor Mu katimpakan giu' ra Israil, pinaugar Mu ukum am katimpakan.

JISAYA 33:5

Tuhan matulai kaga'! Ngaangai' no kinuasa' No. Pinaundok No katimpakan am kabanisan ru guang giu' ra Jirusalim,

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

JISAYA 42:6

“Aku, Tuhan nampiau rirun am manaak rirun ra kandoi koson mapaugar ra katimpakan ra tana'. Pinabala' galing Rirun ra Aku mambaal ra nabantuan ra ngaangai' ulun; pinabala' galing rirun ra Aku mampasinda ra bansa'-bansa'.

JISAYA 45:24

“Ulun-ulun mindagu, ‘Katimpakan am kaikangan intor ayuk ra Tuhan!’ Ngaangai ulun ondo' masisang Raki' matong ilo Raki' am tauyuon.

JISAYA 52:13

Indagu Tuhan, “Sotopot no, ulipon Kuno makaampos; omporon io am urumaton.

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

JISAYA 53:2

Kasaga' ru Tuhan ulipon Nano gumayo koson ra samul ondo' tumuu' giu' ra tana' mapua'. Kolondo' makaantak paat ra ilain; kolondo' makabunduk koson ra kasagain.

JISAYA 9:5

Sangulun anak inanak ra tayar takau! Sangulun anak ungkuyon pinataak ritakau! Masauk Io ra tingganai takau. Pampiawan Riso no “Mamiminson ra mapintar”, “Aki Kapuuno' ra Matulai”, “Ama' ra Mantilayun”, “Raja' Pababansayan”.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 22:15

Okou ti masauk kia ra raja' ondo' moonsoi poyo, amon ru mambaal kou ra istana ra tataun sidar, saboi moonsoi poyo intor ra istana ru ulun bokon? Ama' muno makasia' ra kaayagan moonsoi. Masalok io matimpok am kalo mampili' ra ulun, am nakasugut io ralalom ru ngaangai' pirot nano.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JIRIMIA 22:30

“Ulun no inaru' noyo maa' raginio matatakan ra anak-anak nano am masalok kalo makasugut ralalom ru kaayagan nano. Kolondo' papag nano ondo' mamarinta giu' ra Jiuda koson ra palit ri Daut. Aku, Tuhan nakaindagu noyo.”

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

JIRIMIA 29:11

Aku galama' nakapandai ra inatangan Kutu koson ramuyun. Inatangan no sala' ka koson mantilubat ramuyun, kaa' koson ra kaansayan min am koson manaak ra orou tauli ondo' lalansanin min.

JIRIMIA 30:3

sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

JIRIMIA 30:9

Mangandoi kau ayuk Raki', Tuhan, i Aki Kapuuno' min, am mangandoi ayuk ra sangulun papag ri Daut ondo' lantikon Ku ra raja'.

JIRIMIA 31:27

Aku, Tuhan nakaindagu ra masaboi paat no ra sosokon Ku pagun Israil am Jiuda ra ulun am bibiag.

YEHEZKIEL 21:27

Malunsai! Malunsai! Totopot lunsayon Ku bandar ti! Kaa' baal ragitio kalo masauk ra kalo poyo ulun pilion Kuno koson mangukum ra bandar ti matong. Paat raginio pataakon Ku bandar ti riso.’ ”

YEHEZKIEL 34:16

“Uyumon Ku ilo ondo' natatak, ibiton muli' ilo ondo' nakalayau, am babason ilo ondo' marualan; kaa' ilo ondo' molomok am maikang pusoon Ku, sabap ra Aku magagalung ondo' mambaal ra matimpok.

YEHEZKIEL 34:29

Aniin Ku ilo ra tana' ondo' malabung am niayuk mamuso ra bitilan giu' ra pagun no. Bansa' ra bokon kalo boo magagasab risilo.

YEHEZKIEL 45:8

Tana' no masauk ra longgom ru ulun manguasa' ondo' mamarinta giu' ra Israil, maa' raginio kalo mangimbolo' io ra mamagun, kaa' mompoloso ra tana' ondo' suwo no masauk ra longgom ru bansa'-bansa' ru Israil.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

MIKA 5:3

Pakasuku' panguasa' no, mamarinta io ra mamagun nano mabaya' ra kaikangan am kuasa' intor ra Tuhan, i Aki Kapuuno' galama'. Mamagun nano maayag ra makakaansayan sabap ra ngaangai' bansa' ra tana' ti mangiou ra katulayan nano,

JAKARIA 3:8

Rongogo' noyo Tingganai Maayo Imam Josua, am niayuk akau imam ondo' nasauk ra rangan nano, akau ngaangai' tatandu' ru orou matong ondo' moonsoi. Paat raginio, susubon Ku ulipon Kuno ondo' sabiton ri ‘Talantar’.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MATIUS 2:2

am pangkuot ilo, “Ati naganakan ra lalagang ondo' masauk ra raja' ru ulun ru Jaudi? Nakito mai butitin Nano siminirang giu' ra intok mai tampilon ra sirangon am nakasuku' akai ragiti mongoi samba Riso.”

JUANIS 1:45

Katuum ri Pilipus i Natanil am indagu io riso, “Natuum mai noyo Io ondo' tinulisan ri Musa ra Ukum am kon ru nabi-nabi. Io no i Jisus anak ri Jusup intor ra Nasarit.”

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

IBRANI 8:8

Kaa' mansawai i Aki Kapuuno' ra ulun Nano, kon Nano: “Masuku' niayuk orou no ra bantuin Ku ra nakabagu ra bansa' ru Israil am niayuk bansa' ru Jiuda.

PINAINTALANG 19:11

Kakito ku boo suruga' no naukab am mokoondo' sanginan kuda mapulak. Ondo' nangura' no ininggalanan i Mampagagaya' am i Motopot. Matimpok Io ra mangukum am mangayou ra bokon.