JIRIMIA 23:36 - Tanou Moonsoi Timugon

³⁶ Kalo boo paraguin risilo ragu ra ‘saanin ru Tuhan’. Amon ru mokoondo' ra ulun ondo' lakat poyo mindagu raginio, saukon Ku tanou Kuno topot-topot pasaanin riso. Jinajou noyo ru ulun ragu intor Raki', i Aki Kapuuno' nilo, i Aki Kapuuno' ondo' maayag, Tuhan Ondo' Maayo Kaga' Kuasa'.

JIRIMIA 23:36 ပူးပေါင်းရင်းမြစ်များ

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

MAZMUR 12:3

Ngaangai' ulun magabau ra rondo' am bokon, am mamparuung am mantaligamis ra rondo' am bokon.

MAZMUR 120:3

Akau magagabau, atan kia baalon ri Aki Kapuuno' no ramuyun? Atan kia pangungukum Nano ramuyun?

MAZMUR 149:9

koson mangukum ra ngaangai' bansa' sumugut ra susuban ri Aki Kapuuno'. Ginio noyo kamanangan ru ulun ri Aki Kapuuno'. Omporo' noyo Tuhan!

MAZMUR 64:8

Kaa' pabakison ri Aki Kapuuno' panah Nano risilo, bulintok niayuk raginio majamaran ilo.

AMSAL 17:20

Ulun ra mamparuung kolondo' kaansukan; ulun ra majamol kabang makaalap ra kajamaran.

JISAYA 28:22

Guango' min pansawayan Kutu! Amon kalo guangon min, mapagon poyo akau lumabus. Norongog ku noyo namatasan ru Tuhan Raja' Ondo' Maayo Kaga' Kuasa' koson mamuso ra titikop pagun.

JISAYA 3:8

Jirusalim naratu' noyo! Jiuda pana napuut! Nansalinut raguon am binaal nilono manggal ayuk ra Tuhan. Kalo boo moopot nilo magasab ri Aki Kapuuno'.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 23:37

Okou Jirimia, kuati' nabi-nabi no, ‘Atan kia taam ru Tuhan ramuyun? Atan kia ondo' rinagu ru Tuhan?’

SULABOI 2:14

Nabi-nabi muno mapandai ayuk magabau; namparuung ilo rirun ra kalo nambala' ra tula muno. Nambaal ilo rirun mangkara' ra okou kalo pana tumalikur intor ra tula.

MATIUS 12:36

“Mampakara' Aku ramuyun: Paat ra Orou Pupus moonong ulun musiti' mangiou ra ngaangai' ragu jajajou ondo' sinabit no.

LUKAS 19:22

Indagu raja' no riso, ‘Okou no ulipon ra kolondo' onong! Ragu muno galama' mangukum rirun. Nakapandai kou noyo ra aku kolondo' guang. Sala' pana ka aku tatangan, alapon ku niayuk, am sala' ka tinanom ku, kumoson ku niayuk.

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

GALATIA 6:5

sabap ra moonong ulun mokoondo' noyo ra kandoi nano sigagama'.

SAGULION 5:26

Igondo' kia ulun magulayun maayag malupus mokorongog ri Aki Kapuuno' ondo' maayag intor ra apui?

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

2 PITRUS 3:16

Ralalom ru ngaangai' surat nano, masalok i Paulus nanulis intor ra baal raginio. Mokoondo' kukula' mapagon aration ralalom ru surat-surat no, am tayar raginio noyo kinulau ru ulun ondo' kalo makarati' toojo am ondo' kalo maikang pangintapatan. Baal raginio kalo makaimuag, nogondo' niayuk ra tayar ra bokon pana ralalom ru Buuk Kitab kulawon nilo niayuk koson raginio, kaa' gitio mangkinibit boo ra ilo galama' mapuso.

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.