JIRIMIA 23:28 - Tanou Moonsoi Timugon

²⁸ Nabi ondo' naginupi musiti' no mindagu, ‘Ginio inupi ayuk.’ Kaa' nabi ondo' nangapu ra tanou intor Raki' musiti' mampasaboi ra tanou no ra sotopot no. Atan kia rami no amon ru pinogondo' ra gandum!

JIRIMIA 23:28 ပူးပေါင်းရင်းမြစ်များ

1 RAJA'-RAJA' 22:14

Kaa' taam i Mika, “Ralalom inggalan ru Tuhan ondo' maayag, mambantu' aku ra raguon ku ayuk atan ondo' rinagu Nano!”

1 RAJA'-RAJA' 22:16

Kaa' indagu Raja' Agab, “Amon ru mindagu kou raki' ralalom inggalan ru Tuhan, indagu no ra motopot. Ingkula' aku musiti' mapakara' rirun ra baal ragitio?”

AMSAL 14:5

Sasi' ra mabanis guang masalok mindagu ra motopot, kaa' sasi' ra kalo mabanis guang masalok magabau.

JISAYA 21:10

Alii ra bansa' kuno Israil, pinanjak-panjak kou koson ra gandum. Kaa' ragino balain takamin ra tanou moonsoi ondo' norongog kuno intor ra Tuhan Ondo' Maayo Kaga' Kuasa', i Aki Kapuuno' ru Israil.

JIRIMIA 23:25

Nakapandai Aku ra ngaangai' ondo' rinagu ru nabi-nabi. Ralalom inggalan Kuno nagabau ilo ra tanou Kuno inapu nilo ralalom ru inupi.

JIRIMIA 42:4

Taam aku, “Iou noyo ru koon poyo raginio, makiasi' aku ra Tuhan, i Aki Kapuuno' takau sumugut ra kitaakon min; am atan pana pataamon Nano ra tauli no, posoboyon ku ramuyun pabukat kuno. Kalo bunion ku ra atan pana.”

JIRIMIA 9:12

Pangkuot aku, “Iou Tuhan, kua ra pagun ti nasauk ra kolondo' tutuu' am napua' koson ra tana' kaagisan, saboi kolondo' ulun mansail no? Osoi kia ondo' sama' pintar koson makarati' ra ngaangai' no? Osoi kinua' balain Muno intor ra baal ragitio maa' raginio makapambala' io ra ulun bokon?”

JIRIMIA 9:20

Indagu aku, “Rongogo' ragu ru Tuhan, ruandu' kau ngai', talinaasi' ragu Nano. Ilaa' noyo anak-anak ruandu' min ra manulaboi, ilaa' rangan-rangan mino ra marimbai ra rimbai panguliran.

YEHEZKIEL 13:3

Koon ragitio noyo ragu ru Tuhan Raja', “Aibui boo ra nabi-nabi sasambungon no! Ginuang nilono noowot intor ra kakaraan nilo galama' am pinaintalang risilo kalo motopot.

MATIUS 24:45

“Osoi kia ulipon ondo' gumagaya' am mapintar? Io noyo ulun ondo' paningganayon ru tuan nano am manusub mapaakan ra ulipon-ulipon ra bokon paat ra inaru' i.

LUKAS 12:42

Taam ru Tuhan, “Osoi ulipon ra gumagaya' am matanda' toojo? Io no ondo' susubon ru tuan nano maningganai ra ulipon ra bokon, am mangani' risilo ra akanon paat ra inaru' noyo.

1 KORINTUS 4:2

Rondo' ayuk maatang ra sangulun ulipon, ioginio gumagaya' io toojo ra tuan nano.

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

1 TIMOTIUS 1:12

Maringkuanang aku ri Jisus Kristus, Tuhan takau, sabap ra aku pinaikang am linansanan Nano sumauk ra mangangandoi Riso,