JIRIMIA 23:22 - Tanou Moonsoi Timugon

²² Amon ru nakapandai ilo ra atan soroi ralalom ru pangkaraan Kuno, maaru' mampatanou ilo ra tanou Kuno ra ulun Kuno. Koon raginio ulun Kuno lumonggo' mambaal ra tula am mambaal ra ondo' malaat.

JIRIMIA 23:22 ပူးပေါင်းရင်းမြစ်များ

JIRIMIA 23:14

Kaa' giu' ra Jirusalim, nakakito Aku ra nabi-nabi nambaal ra baal ondo' malaat poyo kaga'. Nagabau am nansawa' ilo, am niayuk siminaung ra ulun ondo' nambaal ra malaat, saboi kolondo' sangulun pana masaga' tumalikur intor ra tula. Koson Raki', ngaangai' ilo malaat koson ra mamagun ru Sodom am Gomora.”

JIRIMIA 23:18

Indagu aku, “Kolondo' sangulun pana intor ra nabi-nabi makapandai ra atan ondo' soroi ralalom pangkaraan ru Tuhan. Kolondo' sangulun pana risilo ondo' igondo' pokorongog am pakarati' ra inatangan Nano; kolondo' niayuk ondo' mangining kapoam mampalio ra ragu Nano.

JIRIMIA 25:5

Nanusub ilo ramuyun mangiruan ra baal ru kaayagan ondo' malaat am baal ondo' makatula, maa' raginio mamagun ra pagun ondo' tinaakan ru Tuhan ramuyun am kinamatuaan min koson ra longgom tungkuson.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 36:3

Paat ra mamagun ru Jiuda nokorongog intor ra ngaangai' karaat ondo' porotongon Kuno risilo, maaru' lair langgain nilo mambaal ra malaat. Amon ru ginio poyo, Aku pana mangampun ra kalaatan am tula nilo.”

JIRIMIA 9:12

Pangkuot aku, “Iou Tuhan, kua ra pagun ti nasauk ra kolondo' tutuu' am napua' koson ra tana' kaagisan, saboi kolondo' ulun mansail no? Osoi kia ondo' sama' pintar koson makarati' ra ngaangai' no? Osoi kinua' balain Muno intor ra baal ragitio maa' raginio makapambala' io ra ulun bokon?”

YEHEZKIEL 13:22

“Nabaya' ra abau mino kinalawo min guang ru ulun moonsoi, ondo' kalo masaga' Ku jamarin. Nangunsu' kau ra ulun malaat maa' raginio marayus mambaal ra kalaatan saboi kalo mabayag ilo.

YEHEZKIEL 13:5

Kalo nagalung ilo ra intok-intok ondo' napuut timbok no, kapoam mambaal saguli' ra timbok-timbok no, saboi ra Israil kalo maampin paat ra masauk pangayawan ra orou ra Aku, Tuhan matong mangukum.

YEHEZKIEL 18:30

“Raino Aku, Tuhan Raja' mambala' ramuyun, ulun kau ru Israil, ra mangakim Aku ra moonong ulun sumugut ra binaal nano. Talikur no intor ra kalaatan ondo' tatanga' min baalon no, am pai' polosoo' tula min mamuso ramuyun.

YEHEZKIEL 2:7

Posoboyo' ragu Kuno risilo, rumongog ilo kapoam kalo. Karaa' noyo, ilo ngaangai' no gumuor.

YEHEZKIEL 3:17

“Okou ulun mapandai matoi, lantikon Tokou masauk ra magagalung ra bansa' ru Israil. Musiti' kou mampasaboi ra pampakaraan ondo' pataakon Kutu rirun ra tayar nilo.

AMOS 3:7

Tuhan Raja' kalo igondo' nambaal ra rondo' pana ra kalo nambala' galing ra inatangan Nano ra nabi-nabi, ulipon-ulipon Nano.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

MALIAKI 2:6

Mangila' ilo ra atan ondo' motopot am sala' ka ondo' sala. Lumampit ilo Raki'; sala' ka ayuk mambaal ilo ra kasagaan Kuno, kaa' ilo niayuk mangindangan ra masuang ulun maa' raginio lumonggo' mambaal ra malaat.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

1 TISALONIKA 5:6

Ginio ra pai' takano pombobolong ayuk koson ra ulun bokon no, kaa' ilalain am masalok takano tumampos.