JIRIMIA 23:20 - Tanou Moonsoi Timugon

²⁰ Sangit Nano kalo luminos ra kalo poyo ngaangai' inatangan Nano masugut. Paat ra orou tauli no, ulun ru Tuhan makarati' ra baal raginio ra totopot.”

JIRIMIA 23:20 ပူးပေါင်းရင်းမြစ်များ

KASAUKAN 49:1

Piawo' ri Jakub anak-anak ungkuyon nano am indagu, “Tulibung kano am balain takamin ra atan ondo' masauk ramuyun ra tauli no:

1 RAJA'-RAJA' 8:47

rongogo' noyo ulun Muno. Amon ru tumalikur ilo intor ra tula am makiasi' Rirun ra pagun no, am niayuk mangiou ra makatula ilo am mambaal ra malaat, rongogo' noyo pakiasian nilo, iou Tuhan.

2 RAJA'-RAJA' 23:26

Kaa' sangit ru Tuhan ra Jiuda ondo' pinasingkual ru Raja' Manasi nanimbula' toojo saboi paat raginio pana Tuhan lakat poyo sumangit.

2 RAJA'-RAJA' 23:27

Indagu Tuhan, “Atan ondo' binaal Kuno ra Israil baalon Ku niayuk ra Jiuda. Patirin Ku mamagun ru Jiuda intor ra pagun ondo' pataakin Ku risilo. Impayin Ku Jirusalim, bandar pinili' Kuno, am Baloi ru Tuhan, ondo' inaru' Ku koson ra intok sumambayang Raki'.”

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

JISAYA 14:24

Nampator Tuhan Ondo' Maayo Kaga' Kuasa', “Atan ondo' inatang Kuno masugut. Atan ondo' inaru' Kuno masauk.

JISAYA 55:11

ginio niayuk ra ragu ondo' paraguon Kuno kalo sumaguli' Raki' ra kolondo' ampos, kaa' makasugut mapaugar ra atan kasagaan Kuno, am makasugut ra nansalinut maguang Kuno.

JIRIMIA 4:28

Tana' ti mangulir; limbowon pana lumondom. Nakaindagu noyo Tuhan kalo kulawon inatangan. Namatas Io noyo am kalo kulawon guang.

JIRIMIA 51:12

Pangani' ra pulanu koson mamulunsar ra timbok ru bandar Babil. Kapioto' pagalungan! Posoroyo' saujor-saujor giu' ra intok ru sigagama'! Awangi' pantula'!” Nambaal Tuhan ra atan ondo' rinagu Nano intor ra ulun ru Babilonia.

YEHEZKIEL 21:10

Ilang no inasa' koson mamatoi, inisasan maa' raginio manguliat. Tayar ru ulun Kuno kolondo' boo kaansukan, sabap ra inimpayan nilo moonong pampakaraan am ukuman.

YEHEZKIEL 21:5

Ngaangai' ulun makapandai ra Aku, Tuhan nambutus noyo ra ilang am kalo boo pasagulion ra angkap nano.

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

SAGULION 4:30

Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.