JIRIMIA 23:2 - Tanou Moonsoi Timugon

² Gitio noyo ondo' pinaragu ru Tuhan, i Aki Kapuuno' ru Israil, intor ra ilo panguasa' ondo' sotopot no magalung ra ulun Nano, “Kalo inalungan min ulun Kuno; pinantutuliar min boo am pinagiru' min ilo. Raino ukumin Takamin sabap ra kalaatan min.

JIRIMIA 23:2 ပူးပေါင်းရင်းမြစ်များ

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

JIRIMIA 10:21

Taam aku, “Tingganai takano sasambungon. Kalo makitulu' ilo ra Tuhan. Ginio sabap ra itakau kalo nakasugut, am bansa' takano nakapantuliar ra ati-ati.

JIRIMIA 11:22

Ginio ra, indagu Tuhan Ondo' Maayo Kaga' Kuasa', “Ukumin Ku ilo! Tuu' bagu nilo matoi ralalom ru pangayawan am anak-anak nilo matoi ra bitil.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

JIRIMIA 13:20

Alii ra Jirusalim, ilai' ga! Pantula' muno tatanga' matong intor ra ralayo! Ati kia ulun ondo' musiti' min sindungin, ulun ondo' kalimbawan min kaga' no?

JIRIMIA 13:21

Atan kia raguon min paat ra ulun ondo' karaan min koson ra rangan, nampaala am niayuk nanguasa' ramuyun? Maaru' makaliman kau ra maruol koson ra ruandu' maganak.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 23:34

Amon ru sangulun intor ra ulun Kuno kapoam sangulun nabi kapoam sangulun imam nanabit ra ragu ‘saanin ru Tuhan’, ukumin Ku io am sasambaloi nano.

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 5:29

Kaa' Aku, Tuhan mangukum risilo sabap ra ngaangai' baal raginio; balasin Ku binaal ru bansa' ragitio.

JIRIMIA 5:9

Kalo kia matanda' ra Aku mangukum ra bansa' koson raginio am mambalos ra binaal nilono?

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

YEHEZKIEL 34:5

Sabap ra kolondo' magagalung, nantutuliar domba-domba no am saamon ru bibiag masigo.

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

MIKA 7:4

Ondo' moonsoi toojo pana am mabanis guang intor risilo pana koson bulungkut ru ruui ondo' kolondo' onong. Nasuku' noyo bulintok nano ri Aki Kapuuno' mangukum ra ulun ragitio, koson ondo' pinakara' No risilo ondo' pinabala' galing ra nabi-nabi Nano. Raino nasauk noyo kajajawan ralalom nilo.

JAKARIA 10:3

Indagu Tuhan, “Sumangit Aku ra ulun bansa' ra bokon ondo' mamarinta ra ulun Kuno. Ukumin Ku ilo. Mamagun ru Jiuda longgom Kuno, am Aku, Tuhan Ondo' Maayo Kaga' Kuasa' magalung risilo. Masauk ilo ra kuda ru mangayou Kuno ondo' maikang.

JAKARIA 11:16

Pinangandoi ku sangulun magagalung koson magalung ra domba Kuno, kaa' kalo nampalio io domba ondo' natatak. Kalo naguyum io ra domba ondo' nakalayau, kapoam namabas ra ondo' napilat, kapoam nangani' ra akanon ra domba ondo' lakat poyo naayag. Kaa' inakan no kual ru domba ondo' molomok kaga', am namagus ra salindu ru domba.

MATIUS 25:36

Paat ra Aku kolondo' bayang, inanian min Aku ra bayang. Paat ra Aku narualan, tinapisan min Aku am paat ra Aku inaput, inongoi min Aku ilai'.’

MATIUS 25:43

Ra Aku sangulun bansa' ru bokon, kalo inapu min Aku ra baloi mino. Ra Aku kolondo' bayang, kalo inanian min Aku ra bayang. Ra Aku narualan am inaput, kalo inongoi min Aku ilai'.’

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.