JIRIMIA 23:14 - Tanou Moonsoi Timugon

¹⁴ Kaa' giu' ra Jirusalim, nakakito Aku ra nabi-nabi nambaal ra baal ondo' malaat poyo kaga'. Nagabau am nansawa' ilo, am niayuk siminaung ra ulun ondo' nambaal ra malaat, saboi kolondo' sangulun pana masaga' tumalikur intor ra tula. Koson Raki', ngaangai' ilo malaat koson ra mamagun ru Sodom am Gomora.”

JIRIMIA 23:14 ပူးပေါင်းရင်းမြစ်များ

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

KASAUKAN 18:20

Indagu boo Tuhan ri Abragam, “Makapanguwan ra maagat kaga' ra bandar Sodom am bandar Gomora am tula nilono maayo kaga'.

KASAUKAN 19:24

Pulalii' ru Tuhan napatuun ra rasam makabalirang ondo' makaapui ra bandar Sodom am Gomora.

KASAUKAN 19:25

Karuruo bandar no pinuso, titikop limayak nabaya' ra mamagun ra giu' no am ngaangai' tutuu' ru tana' raginio.

JISAYA 9:15

Tingganai-tingganai ru mamagun nampalayau am nakajajou ra mamagun.

JIRIMIA 14:14

Kaa' taam Tuhan, “Nabi-nabi raginio nagabau ralalom ru inggalan Kuno; Kalo sinusub Ku ilo, am kalo niayuk nanusub kapoam minindagu risilo. Pinaintalang ondo' tinunung nilono sala' ka intor Raki'. Manala' ilo ra baal-baal ra kolondo' onong, ondo' binaal-baal nilo galama'.

JIRIMIA 18:13

Indagu Tuhan, “Kuati' ra moonong bansa' ru mokoondo' kia baal ragitio nasauk noyo. Ulun ru Israil nambaal noyo ra ondo' makalalaa'!

JIRIMIA 20:16

Polosoon noyo ulun nagibit ra tanou no koson ra bandar-bandar ondo' tinutuk ru Tuhan ra kalo makaasi'. Polosoon noyo io mokorongog ra golok marualan paat ra susuab ti, am golok mosongou ru pangayawan ra tanga' ru orou,

JIRIMIA 23:17

Masalok ilo mindagu ra ulun ondo' marara' rumongog ra ragu Kuno, ‘Maayag kau.’ Konilo ra moonong ulun ondo' bambalingatan, ‘Kalo malumpa' kau ru karaat.’ ”

JIRIMIA 23:22

Amon ru nakapandai ilo ra atan soroi ralalom ru pangkaraan Kuno, maaru' mampatanou ilo ra tanou Kuno ra ulun Kuno. Koon raginio ulun Kuno lumonggo' mambaal ra tula am mambaal ra ondo' malaat.

JIRIMIA 23:32

Aku, Tuhan minindagu; rongogo' noyo! Anggalon Ku nabi-nabi ondo' nampasaboi ra inupi ondo' nakai' ra abau. Nantunung ilo ra inupi-inupi am nampalayau ra ulun Kuno ra abau am ragu lumimbau nilo. Kalo nanusub kapoam nangani' ra susuban ra nabi-nabi no. Ilo topot-topot kolondo' onong ra ulun Kuno. Aku, Tuhan, nakaindagu noyo.”

JIRIMIA 29:21

Tuhan Ondo' Maayo Kaga' Kuasa', i Aki Kapuuno' ru Israil, nakaindagu intor ri Agab anak ri Kolaya, am intor ri Jidikia anak ri Maasiya, ondo' namakai ra inggalan ru Tuhan koson mampasaboi ra abau ramuyun. Minindagu Tuhan ra pataakon No ilo ra kuasa' ru Raja' Nibukadnijar intor ra Babilonia, ondo' mamatoi risilo ra saang min.

JIRIMIA 29:23

Koon raginio noyo pupus nilo sabap ra nambaal ilo ra tula mangaayo giu' ra Israil: nansasawa' ilo, am namakai ra inggalan ru Tuhan koson nagabau. Binaal raginio nansala' ra kasagaan ru Tuhan. Nakapandai Io ra atan ondo' binaal nilo, am Io galama' nasauk ra sasi' ondo' manggal risilo. Tuhan nakaindagu noyo.”

JIRIMIA 36:2

“Alapo' rondo' naskhah rinulun, am tulisi' ra giu' no ngaangai' ondo' rinagu Kuno rirun intor ra Israil am Jiuda, am niayuk ngaangai' bansa'. Tulisi' ngaangai' ondo' pinabala' Kuno rirun intor poyo ra Aku minindagu rirun ra kasaa', paat ri Josia nasauk ra raja' saboi raino.

JIRIMIA 49:18

Koson ra Sodom am Gomora pusoon mabaya' ra pekan-pekan giu' ra liliut, koson niayuk ra Idom pusoon. Kolondo' sangulun pana mayan giu' ra Idom. Aku, Tuhan nakaindagu noyo.

SULABOI 4:6

Bansa' kuno inukum ra maagat poyo intor ra mamagun ru Sodom, ondo' napuso ra sangkuliop ayuk sabap inukum ri Aki Kapuuno'.

YEHEZKIEL 13:16

iono nabi-nabi ondo' minindagu ra ragu manala' ra Jirusalim moonsoi, kaa' sotopot no kalo!” Koon raginio noyo ragu ru Tuhan Raja'.

YEHEZKIEL 13:19

Magasab kau Raki' ra saang ru ulun Kuno koson makaalap ra sogonggom barli am kukula' ruti'. Ulun ondo' kalo musiti' matoi, potoyon min am ulun ondo' kalo musiti' maayag, polosoon min maayag. Akau pana nagabau ra ulun Kuno am mangintopot ilo ramuyun.’ ”

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

GOSIA 6:10

Nakakito Aku ra rondo' ondo' makalalaa' giu' ra Israil: ulun Kuno nampajamol ra inan ra sumamba ra sinungkalalaing.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

MIKA 1:5

Ngaangai' baal no masauk sabap ra ulun ru Israil makatula noyo am giminuor ri Aki Kapuuno'. Osoi nua' pinalansan ra guor ru Israil? Samaria, pusor ru bandar nano galama'! Osoi nua' pinalansan ondo' sumamba ra sinungkalalaing giu' ra Jiuda? Jirusalim!

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.

JAKARIA 13:2

Paat raginio luluon ku inggalan ru sinungkalalaing ra pagun ti; kolondo' osoi pana boo makakara' raginio. Luuson Ku osoi ayuk migiangku ra io nabi, am mangiru' ra gogoton koson sumamba ra sinungkalalaing.

MALIAKI 1:1

Gitio noyo tanou ru Tuhan ri Maliaki koson posoboyon ra ulun ru Israil.

MATIUS 11:24

Karaa' min! paat ra Orou Pupus no, maayo guang ri Aki Kapuuno' makaasi' ra ulun ru Sodom ka akau!”

SAGULION 32:32

Pantula' ru Israil malaat koson ra Sodom am Gomora, koson ra puun ru anggur ondo' mapait am makaanit kawa' nano,

1 TIMOTIUS 4:2

Pangilaan raginio posoboyon ru ulun maabau-abau, ondo' kalo makaliman ra makatula sabap ra kolondo' boo bolos ru guang nilai.

2 PITRUS 2:6

Mogondo' niayuk ra ati kulaan sauk ru ulun ra bandar Sodom am Gomora: Inukum ilo solobo' ri Aki Kapuuno' karuruo bandar i. Ginio binaal Nano koson ra pampakaraan ati kulaan balos Nano ra ulun malaat.

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.

PINAINTALANG 11:8

Baangkai nilono makalampik ra ralan ru bandar maayo, ioginio nanalipan ra Tuhan nilono. Pagabigan ra bandar raginio Sodom kapoam Misir.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.