JIRIMIA 23:11 - Tanou Moonsoi Timugon

¹¹ Indagu Tuhan, “Nabi am imam marara' gumagaya' Raki'. Napandayan Ku nambaal ilo ra malaat am niayuk poyo giu' ra Baloi Kuno.

JIRIMIA 23:11 ပူးပေါင်းရင်းမြစ်များ

2 TUNUNG RU BANSA' ISRAIL 33:5

Binaal niayuk ru Raja' Manasi altar-altar giu' ra karuruo liliut Baloi ru Tuhan koson sumamba ra butitin-butitin.

2 TUNUNG RU BANSA' ISRAIL 33:7

Pinabanta' no rondo' sinungkalalaing giu' ra ralalom Baloi ru Tuhan, alika intok raginio noyo minindagu Tuhan ra Raja' Daut am Raja' Salomo anak ungkuyon nano koon ragitio, “Baloi Kuti ra Jirusalim ti, ondo' pinili' Ku noyo intor ra mopor am ruo wilayah ru bansa', iono intok ondo' inaru' Kuno ra intok sambayangan Raki' ra sabubuoi no.

2 TUNUNG RU BANSA' ISRAIL 36:14

Suai intor raginio, tingganai-tingganai ru Jiuda, imam-imam am mamagun minaya' ra ralan kaayagan ru bansa'-bansa' ra naginggaar ondo' makatula. Sinamba nilo sinungkalalaing am nampajamol ra Baloi ru Tuhan, ondo' timpokon ayuk ru Tuhan galama' ra inan Nano.

IJRA 10:18

Gitio noyo suang ru ungkuyon ondo' makaandu' ra bansa' ra bokon: Imam-imam, nakatulis sumugut ra bansa' nano; Bansa' ri Jisua am pabukat-pabukat nano, iono anak-anak ri Jojadak: I Maasiya, Iliijir, Jarib am Gidalia.

JIRIMIA 11:15

Indagu Tuhan, “Ulun Kuno ondo' tagamin Kuno nambaal ra baal mangalaat. Kalo maaya' ilo soroi giu' ra Baloi ru Tuhan. Indoson nilo ra mambaal ra bantu'-bantu', am mampataak ra bibiag, makapangiliu ilo ra karaat. Inda' nua' ru binaal raginio makaansuk ilo?

JIRIMIA 23:15

Gitio noyo ragu ru Tuhan Ondo' Maayo Kaga' Kuasa' intor ra nabi-nabi giu' ra Jirusalim, “Aniin Ku ilo ra tatanom mapait koson ra akanon am tuwo koson ra inumon, sabap ra nangkinibit ilo ra ulun giu' ra titikop pagun kalo gumagaya' Raki'.”

JIRIMIA 32:34

Baloi Kuno pana binaal koson intok sambayangan Raki' no jinamalan nilo ra napabanta' ra sinungkalalaing ondo' makatataman giu' ra intok no.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

JIRIMIA 50:6

“Ulun Kuno koson ra sampanon ru domba ondo' pinoloso makalayau giu' ra gunung-gunung ru ulun-ulun magagalung nilo. Koson ilo ra domba ondo' timinanggau intor ra gunung mongoi ra gunung, am nakalilian noyo ra intok inayanan nilai.

JIRIMIA 6:13

Ngaangai' ulun ondo' maayo am niayuk ondo' boborok, magingkaut am kalo mabanis guang. Atan poyo ra nabi am imam pana mamparuung ra ulun.

JIRIMIA 7:30

Mamagun ru Jiuda nambaal noyo ra kalaatan. Pinabanta' nilo sinungkalalaing nilo ondo' kasisangin Kuno giu' ra ralalom Baloi ru Tuhan, saboi najamalan.

JIRIMIA 8:10

Ginio ra pataakin Ku umo nilono ra ulun bagu, am andu' nilo ra ulun bokon. Ngaangai' ulun ondo' maayo am niayuk boborok, maguyum ra kalabaan ra kalo mabanis guang. Niayuk poyo nabi am imam pana mamparuung ra ulun.

SULABOI 2:20

Ilai' noyo, iou Tuhan! Ilai' ilo ondo' inimbolo' Muno! Ruandu'-ruandu' mangakan ra anak-anak ondo' tagamin nilo! Imam-imam am nabi-nabi pinatoi giu' ra ralalom Baloi ru Tuhan!

YEHEZKIEL 23:39

Namatoi ilo ra anak-anak Kuno koson pataakon koson ra taak simbalui ra sinungkalalaing, am paat ra orou raginio niayuk minatong ilo ra Baloi Kuno am jinamalan!

YEHEZKIEL 44:10

Indagu Tuhan raki', “Ukumin Ku ulun ru Liwi ondo' nababaya' ra ulun ru Israil ra bokon ondo' nangiruan Raki' am siminamba ra sinungkalalaing.

YEHEZKIEL 7:20

Paat ragili mamanggo ilo ra intan ondo' moonsoi, kaa' pinakai nilo ginio koson mambaal ra sinungkalalaing ondo' makauyuyu'. Ginio ra Tuhan nambaal ra rapu' nilono makajala' risilo.

YEHEZKIEL 8:11

Tulu' ngoopor ngaulun tingganai ru Israil soroi ra giu', nakaaya' i Jaajanya anak ri Sapan. Moonong ulun nampaguut ra rondo' pambulian ra baa ondo' malisun kaga'.

YEHEZKIEL 8:16

Ginio ra ibito' No aku ra liliut ralalom giu' ra Baloi ru Tuhan. Giu' no, mamaar ra kulobon subalan mongoi ra intok matulai, lolot ru altar am langgar, mokoondo' olo'-olo' ruo ngoopor am limo ngaulun ungkuyon. Tinalikuran nilo intok matulai no am kiminuku' ra tampilon sirangon koson sumamba ra mato ru orou ondo' sumirang.

JIPANYA 3:3

Tingganai-tingganai ru bandar no koson ra singa' ondo' mansasangal. Akim-akim no koson ra taani maitilan ondo' masuung kaga' saboi saputul bungul pana kolondo' ondo' natatang koson ra suabon no.

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.