JIRIMIA 22:6 - Tanou Moonsoi Timugon

⁶ Koson Raki', istana raja' ru Jiuda koson ra kinoonsoi ru tana' Giliad am Kagunungan Libanon, kaa' intok no saukon Ku ra tana' kaagisan ondo' kalo ayanin ru ulun.

JIRIMIA 22:6 ပူးပေါင်းရင်းမြစ်များ

KASAUKAN 37:25

Liliwa' ilo magakan, kakito nilo sampulalayan ulun ru Ismail ondo' mangkiralan intor ra Giliad mongoi ra pagun ru Misir. Unta nilono pinagaut ra apa' pampagamis ra akanon am salong.

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

RIMBAI PANGAMPARAN 4:1

Mapara' piboo kinantalur muno, alii ra kalumpusan kuno, mantalur kou kaga'! Mato muno nasibuni ru rundung koson ayuk ra mato ru susuit asang. Abuk muno koson ra sampanon ru kambing ondo' mambusul ra kabuluran ru Giliad.

RIMBAI PANGAMPARAN 5:15

Kalayam nano koson ra lugu' ru marmar mapulak, ondo' inangkupan ra mas pinasau. Ugar nano maikang kaga' koson ra gunung-gunung giu' ra Libanon, am kinaindon nano koson ra puun ru tataun sidar.

JISAYA 27:10

Bandar ra makakubu no masiluk boo am tinatang boo saboi kolondo' namagun koson ra tana' kaagisan. Sampanon ru sapi' mongkotop am tumangus ra giu' no liliwa' mangai' ra raun intor ra raan-raan ru puun.

JISAYA 37:24

Nanusub kou ra kukula' ngaulun koson lumimbau ri saang Kuno, pangkaraan muno kurita' kuda muno makapanguasa' ra gunung-gunung mangasawat giu' ra Libanon. Ragu muno ayuk maayo ra tinagar mu kunu' puun ru tataun sidar ondo' masawat kaga', am puun ru sipris ondo' moonsoi kaga', am naliput mu kunu' kataunan ru Libanon ondo' makapal no.

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JIRIMIA 21:11

Nanusub Tuhan raki' mampasaboi ra tanou ti ra sasambaloi ru raja' ru Jiuda, papag ru Raja' Daut, “Rongogo' atan ondo' paraguon Kuno, Tuhan. Pirot no maa' raginio katimpakan baalon ra moonong orou. Palabuso' noyo ulun ondo' rinuung intor ra kuasa' ru ulun namparuung riso. Amon ru kalo, kalaatan ondo' baalon min mampasauk ra sangit Kuno mapaang koson ra apui ondo' kalo malasaan.”

JIRIMIA 21:14

Kaa' mangukum Aku rirun sabap ra binaal muno. Solobon Ku istana muno, am ngaangai' ra liliut nano mosolob niayuk. Aku, Tuhan nakaindagu noyo.”

JIRIMIA 22:24

Indagu Tuhan ra Raja' Joyakin anak ungkuyon ru Raja' Joyakim, intor ra Jiuda, “Ralalom ru inggalan Kuno, i Aki Kapuuno' ondo' maayag, mambala' Aku toojo ra kabalu' pana ra koson kou ra sinsing ru tatandu' ra kalindu' pamiris Kutu, kaa' paguson Tokou,

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

JIRIMIA 4:20

Karaat mansusunu' matong, titikop pagun mapuso. Pulali' ru kim mai linunsai, konoon-konoon no rinilak.

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

JIRIMIA 50:12

kaa' bandar min galama' ondo' maayo no asabin am tauyuon. Babilonia masauk ra pamarintaan ondo' kalo toojo maatang intor ra ngaangai' pamarintaan. Babilonia masauk ra tana' kaagisan ondo' mapua' am kolondo' tutuu'.

JIRIMIA 7:34

Pagun ti masauk ra intok kolondo' atan pana tutuu'. Bolos maansukan am maansayan, am niayuk maansukan ra paguguatan giu' ra bandar-bandar Jiuda am giu' ra ralan-ralan ru Jirusalim langgain Ku.

JIRIMIA 8:22

Kolondo' kia tatapis giu' ra Giliad? Kolondo' kia duktur ra giu' no? Kua kia ra bansa' kutu kalo mapali'?

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

JAKARIA 11:1

Okou Libanon, ukabi' noyo kulobon-kulobon muno, maa' raginio apui mokosolob ra puun ru sidar muno.

UNTABAN 32:1

Bansa' ru Rubin am bansa' ru Gad mokoondo' ra masuang bibiag tinambiag. Paat ilo nakakito ra mapara' bonsoi ru tana' Jaijir am Giliad ra intok panambiagan,

SAGULION 3:25

Iou Tuhan, iowo' aku noyo lumaup ra Sungoi Jordan am magilong ra tana' ondo' malabung giu' ra sandaup, intok kabuluran ondo' moonsoi am Kagunungan Libanon.’