JIRIMIA 22:5 - Tanou Moonsoi Timugon

⁵ Kaa' amon ru kalo gumagaya' kau ra susuban Kuno, magibot Aku ra istana ti masauk ra mapuut. Aku, Tuhan nakaindagu noyo.

JIRIMIA 22:5 ပူးပေါင်းရင်းမြစ်များ

KASAUKAN 22:16

kono, “Ragu ru Tuhan: Magibot Aku ra inggalan Kuno galama', sabap ra binaal mu gitio am kalo inanggal mu koson mapataak ra anak langkuir muno Raki'.

2 TUNUNG RU BANSA' ISRAIL 7:19

Kaa' amon ru okou am mamagun muno kalo gumagaya' ra ukum am susuban ondo' tinaakan Ku noyo ramuyun, am sumamba ra tuhan-tuhan ra bokon,

2 TUNUNG RU BANSA' ISRAIL 7:21

Raino Baloi ti urumaton kaga' ru ulun, kaa' tauli no moonong ulun ondo' mansail mangimuag am mangkuot, ‘Kua kia ra Tuhan nambaal koson raginio ra pagun am Baloi ti?’

2 TUNUNG RU BANSA' ISRAIL 7:22

Kopongo raginio tumaam ulun, ‘Sabap ra nangiruan ilo noyo ra Tuhan, i Aki Kapuuno' nilo, ondo' nagibit ra kinamatuaan nilai miningkual intor ra Misir. Sinamba nilo tuhan-tuhan ra bokon am nangandoi ayuk boo ra tuhan-tuhan ra bokon. Ginio sabap ra Tuhan namparatong ra karaat ti risilo.’ ”

MAZMUR 95:11

Siminangit Aku am nampator ra kalo boo igogondo' ilo subol ra pagun raginio, intok ra papatangusan Kuno risilo.”

JISAYA 1:20

Kaa' amon ru manggal kau Raki', maaru' matoi kau. Aku, Tuhan minindagu noyo.”

JIRIMIA 12:7

Indagu Tuhan, “Iniruanan Ku Israil; inimpayan Ku bansa' pinili' Kuno. Pinataak Ku ulun ondo' tinagaman Kuno ra ralalom ru kalindu' ru pantula' nilo.

JIRIMIA 17:27

Ngaangai' baal raginio masauk paat ra akau gumagaya' Raki' am mangiantak ra orou Sabat koson ra orou ondo' patimpokon ayuk Raki'. Pai' pangkayang ra maagat mansail ra kulobon-kulobon garabang ru Jirusalim paat ra orou raginio. Amon ru manggal kau ra susuban Kuno, solobon Ku koyoo' kulobon-kulobon garabang ru Jirusalim am niayuk istana-istana nano, am apui no kalo malasa' ru osoi pana.’ ”

JIRIMIA 26:4

Nanusub Tuhan raki' mindagu risilo, “Koon ragitio ragu ru Tuhan, ‘Aku, Tuhan, nanusub noyo maa' raginio musiti' kau gumagaya' Raki' am mambaal ra ukum ondo' tinaakan Ku noyo ramuyun.

JIRIMIA 39:8

Liliwa' raginio ulun ru Babilonia nonolob ra istana ru raja' am baloi ru mamagun, am niayuk nampalunsai ra timbok ru Jirusalim.

JIRIMIA 44:26

Kaa' raino rongogo' atan ondo' raguon Kuno rirun, ngaangai' kau ulun ru Israil ondo' minayan ra Misir: Aku, Tuhan nagibot ralalom inggalan Kuno ondo' matulai ra topot-topot kalo mangiou Aku ramuyun mamakai ra inggalan Kuno paat ra akau magibot. Kalo paindaguon kau, ‘Magibot aku ralalom inggalan ru Tuhan Raja' ondo' maayag!’

AMOS 6:8

Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

MATIUS 23:38

Sabap raginio, Baloi Tuhan min iruanin ri Aki Kapuuno', am masiluk boo.

IBRANI 3:18

Ri osoi kia inibatan Nano ra kalo makasubol ra pagun nilai am tumangus mabaya' Riso? Ilo tupo ondo' kalo giminagaya' Riso.

IBRANI 6:13

Paat ri Aki Kapuuno' nangani' ra bantu' ri Abragam, nagibot Io ra atan ondo' baalon Nano totopot masauk. Kolondo' sangulun pana maayo kuasa' intor Riso, ginio ra inggalan Nano ayuk galama' inalap Nano ra Io nagibot i:

IBRANI 6:17

Sabap ra maayo guang ri Aki Kapuuno' mampainono' ra ulun bantuin Nano ra kalo kulawon No bantu' Nano, rinuangan No bantu' i ra nagibot Io ra atan ondo' baalon Nano totopot masauk.