JIRIMIA 22:24 - Tanou Moonsoi Timugon

²⁴ Indagu Tuhan ra Raja' Joyakin anak ungkuyon ru Raja' Joyakim, intor ra Jiuda, “Ralalom ru inggalan Kuno, i Aki Kapuuno' ondo' maayag, mambala' Aku toojo ra kabalu' pana ra koson kou ra sinsing ru tatandu' ra kalindu' pamiris Kutu, kaa' paguson Tokou,

JIRIMIA 22:24 ပူးပေါင်းရင်းမြစ်များ

2 RAJA'-RAJA' 24:12

am nababaya' Raja' Joyakin am ina' nano, anak-anak ungkuyon am ruandu' nano, pagawai-pagawai nano, pagawai-pagawai ru istana nano nakirakop ra ulun Babilonia, Raja' Joyakin pana rinakop. Kasaukan ragitio nasauk ra bilor kabalu' ru pamarintaan ru Raja' Nibukadnijar.

2 RAJA'-RAJA' 24:15

Inibit ru Raja' Nibukadnijar Raja' Joyakin, ina' nano, andu'-andu' nano, pagawai-pagawai nano, am ngaangai' ulun nauligan toojo giu' ra Jiuda, sinauk ra ulun rinakop pinoongoi ra Babil.

1 TUNUNG RU BANSA' ISRAIL 3:16

I Joyakim mokoondo' ruo anak ungkuyon, i Joyakin am i Jidikia.

2 TUNUNG RU BANSA' ISRAIL 36:9

Raja' Joyakin makaumur mopor am balu' ngambilor paat ra io nasauk ra raja' ru Jiuda, am namarinta io giu' ra Jirusalim buoi talu ngansila' am mopor ngoorou. Raja' Joyakin niayuk makatula ra Tuhan.

RIMBAI PANGAMPARAN 8:6

Sauko' aku ra ambai muno; pai' ganggol ra bokon ondo' ak am aku, sabap ra lumaai no koson ra kinaikang ru kapatayan, am saga' ru guang galama' manguasa' koson ra patayan. Simbula' nano koson ra simbula' ru apui, ondo' bibilak ra makalalaa'.

JISAYA 49:16

Jirusalim, masalok Aku mangkara' rirun; inggalan muno tinulisan Ku ra palar ru kalindu' Kuno.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

JIRIMIA 22:28

Aku, i Jirimia mindagu, “Koson kia Raja' Joyakin ra pagangan napilang ondo' pinatiran am kalo boo kasagain? Ginio kia sabap no ra io am anak-anak nano pinagiru' am pinatiran ra pagun ondo' kalo natutunan nilo?”

JIRIMIA 22:6

Koson Raki', istana raja' ru Jiuda koson ra kinoonsoi ru tana' Giliad am Kagunungan Libanon, kaa' intok no saukon Ku ra tana' kaagisan ondo' kalo ayanin ru ulun.

JIRIMIA 24:1

Rondo' paat ra Tuhan nangani' raki' ra rondo' pinaintalang. Baal raginio nasauk nalupus Raja' Joyakin anak ungkuyon ru Raja' Joyakim intor ra Jiuda, nabaya' ra pagawai-pagawai ru pamarintaan ru Jiuda, ulun manukang am mangngandoi ra mapandai toojo, rinakop ru Raja' Nibukadnijar intor ra Babilonia, am inibit koson ra ulun rinakop intor ra Jirusalim minongoi ra Babilonia. Nakito ku ruo ngambakul kawa' ru ara pinabanta' giu' ra saang Baloi ru Tuhan.

JIRIMIA 28:4

Ibiton Ku niayuk saguli' i Joyakin anak ungkuyon ru Raja' Joyakim, raja' ru Jiuda, mababaya' ra ngaangai' mamagun ru Jiuda ondo' inaut ra Babilonia. Sotopot no, pandakon Ku kuasa' ru Babilonia. Aku, Tuhan nakaindagu noyo.”

JIRIMIA 29:2

Nanulis aku ra surat no kalupus Raja' Joyakin, ina' nano, pagawai-pagawai istana, tingganai-tingganai ru ulun ru Jiuda am Jirusalim, ulun-ulun manukang, am ulun mangandoi ra mangapandai inibit ra pamatiran.

JIRIMIA 37:1

Raja' Nibukadnijar intor ra Babilonia, nampalantik ra Raja' Jidikia anak ungkuyon ru Raja' Josia nasauk ra raja' ru Jiuda koson namalit ra Raja' Joyakin anak ungkuyon ru Raja' Joyakim.

AGAI 2:23

Paat orou raginio, okou Jirubabil, ulipon Kuno, pasaukon Tokou koson mamarinta ralalom ru inggalan Kuno, sabap okou noyo ondo' pinili' Kuno.” Ginio noyo ragu ru Tuhan Ondo' Maayo Kaga' Kuasa'.