JIRIMIA 22:23 - Tanou Moonsoi Timugon

²³ Mayan kau ra kaansayan sabap ra liniputan ru lugu'-lugu' sidar ru Libanon, kaa' paat ra akau marualan, maimbolo' kau koson ra ruandu' ondo' maganak.”

JIRIMIA 22:23 ပူးပေါင်းရင်းမြစ်များ

JIRIMIA 21:13

Kopongo raginio indagu Tuhan ra Jirusalim, “Okou Jirusalim! Intok muno masawat poyo intor ra limayak ra liliut muno. Koson kou ra bulur batu masawat giu' ra tana' marata', kaa' anggalon Tokou. Minindagu kou ra kolondo' sangulun pana makapamulunsar rirun kapoam makasubol ra kubu-kubu muno.

JIRIMIA 22:6

Koson Raki', istana raja' ru Jiuda koson ra kinoonsoi ru tana' Giliad am Kagunungan Libanon, kaa' intok no saukon Ku ra tana' kaagisan ondo' kalo ayanin ru ulun.

JIRIMIA 3:21

Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

JIRIMIA 48:28

“Mamagun kau ru Moab, iruani' bandar-bandar mino! Ongoi no ra bulur batu am ayan no ra giu' koson ra susuit asang ondo' nanabunsut giu' ra tobo ru lagam.

JIRIMIA 49:16

Ruungon kau ru kalimbawan min. Kolondo' sangulun pana malaa' ramuyun koson ra pangkaraan min. Minayan kau giu' ra lolot ru bulur batu, maalur giu' ra rasawat ru gunung. Kaa' kabalu' pana nambaal kau ra baloi giu' ra intok masawat kaga', koson ra sawat ru bunsut ru susuit kanui, paingganaan kau ru Tuhan. Koon raginio noyo ragu ru Tuhan.”

JIRIMIA 6:24

Indagu mamagun ru Jirusalim, “Nokorongog akai noyo ra tanou no am malawo boo guang mai. Malaa' akai am marualan koson ra ruandu' ondo' maganak.

YEHEZKIEL 17:3

maa' raginio makapandai ilo ra atan ondo' paraguon Kuno, Tuhan Raja' risilo: Mokoondo' sanginan susuit kanui maayo kaga' ondo' moonsoi bulu am mapila' kawo ondo' nabilar. Kanui no nansiab ra Kagunungan Libanon, am namandak ra untu ru sampuun tataun sidar,

GOSIA 5:15

Iruanin Ku ulun Kuno saboi maimbolo' ilo kaga' sabap ra tula nilo, am matong ilo maguyum Raki'. Maaru' lair ra ralalom ru kaimbalaan, mirot ilo maguyum Raki'.”

GOSIA 7:14

Kalo makiasi' ilo Raki' ra mabanis guang. Kaa' mampas ilo ra intok kaalangan am manulaboi koson ra binaal ru ulun ondo' kalo makaulig Raki'. Paat ra ilo makiasi' makitaak ra gandum am wain, pilaton nilo inan koson ra binaal ru ulun ondo' sumamba ra sinungkalalaing. Minanggal ilo Raki'!

AMOS 9:2

Kabalu' pana mangkali ilo ra luang saboi ra intok ru ulun minatoi, rokopon Ku ilo. Kabalu' pana mangkiwa' ilo saboi ra limbowon, ibiton Ku ilo tumuun.

OBAJA 1:4

Kabalu' pana mambaal kau ra baloi giu' ra intok masawat koson ra bunsut ru susuit kanui, ilain koson soroi ra intok ru butitin-butitin, ratuin Takamin.

ABAKUK 2:9

Aibui boo ramuyun! Napalangkaya' kau ra sasambaloi min ra atan ondo' noowot min ra kalaatan. Nanambaloi kau ra mapiot koson manindung ra sasambaloi min intor ra karaat.

UNTABAN 24:21

Ralalom pinaintalang no nakakito niayuk i Biliam ra ulun ru Kini, am raguo' no inala' ragitio, “Intok ayanan muno mapiot toojo, maindon koson ra bunsut ru susuit giu' rasawat ru bulur batu,