JIRIMIA 22:20 - Tanou Moonsoi Timugon

²⁰ Indagu Tuhan, “Mamagun kau ru Jirusalim, ongoi no ra Libanon am golok no. Ongoi no ra tana' Basan am pampalarut no; golok no intor ra kagunungan Moab, sabap ra ngaangai' paguum min kinala noyo.

JIRIMIA 22:20 ပူးပေါင်းရင်းမြစ်များ

UNTABAN 27:12

Indagu Tuhan ri Musa, “Pagaloi no ra Kagunungan Abarim am ilai' noyo tana' ondo' taakin Kuno ra ulun ru Israil.

YEHEZKIEL 23:22

“Ginio ra, okou Ogoliba, rongogo' ragu intor Raki', Tuhan Raja'. Najala' kou noyo ra kubayau-kubayau muno. Kaa' raino baalon Ku ilo sumangit rirun am magawang rirun.

SULABOI 1:2

Nosorondom io nantangi', lomou nano tumilisan ra pingas. Kolondo' sangulun pana intor ra rangan nano masaga' mapabansuk riso. Ngaangai' rangan nano liminaat am nantula' riso.

YEHEZKIEL 23:9

Ginio ra pinataak Ku io ra kubayau nano, ulun ru Asyur ondo' kalaayan nano kaga'.

SULABOI 1:19

“Nampiau aku ra rangan-rangan moonsoi kuno, kaa' marara' ilo mangindangan raki'. Imam-imam am tingganai-tingganai matoi giu' ra ralan-ralan ru bandar, paat maguyum ra akanon koson rumayus maayag.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 22:22

Ginio ra, tingganai-tingganai mino maliom koson ra siabin ru angin; ilo paguum mino auton koson ra ulun rinakop, am bandar mino asabin am tauyuon sabap ra nambaal kau ra malaat.

JIRIMIA 4:30

Alii ra Jirusalim, malumpa' kou ru karaat! Kua pambayang kou ra malia'? Kua palimpor kou ra mas kapoam pirok, am niayuk manait ra mato? Banangan mu ayuk mampapakai! Ngaangai' ru kubayau muno ra galing i magasab rirun am niayuk masaga' ilo mamatoi rirun.

JIRIMIA 2:36

Pinainggana' min kaatangan ru inan sabap minongoi ra dewa ru bansa' bokon. Sindualin kau ru Misir, koson ra akau sinindualan ru Asyur.

2 RAJA'-RAJA' 24:7

Intor ragili raja' ru Misir am saujor nano kalo boo miningkual intor ra Misir koson mamulunsar, sabap ra paat raginio raja' ru Babilonia nanguasa' ra titikop ru wilayah ondo' ragili kinuasa' ru Misir, intor ra Sungoi Iprat saboi ra balitan ralayo ru pagun ru Misir.

SAGULION 32:49

“Ongoi noyo ra Kagunungan Abarim giu' ra tana' Moab, ondo' nantaluma' ra bandar Jiriko. Pagaloi noyo ra Gunung Nibo, am impalo' noyo tana' ru Kanaan ondo' mataki' Kuno pataakon ra ulun ru Israil.

JISAYA 57:13

Paat ra akau mampiau makiindangan, polosoon sinungkalalaing mino mamayag ramuyun! Sinungkalalaing no mangatatak masiob ru angin! Kaa' ulun ondo' mangintopot Raki' makatungkus ra pagun ti. Sumamba ilo Raki' ralalom ru Baloi Kuno.”

JIRIMIA 2:25

Alii ra Israil, pai' ilowo' dewa-dewa, mapilatan kou ra kalayam, mapuaan tantalanan muno. Kaa' mindagu kou, ‘Kalo, kalo makasaguli' aku. Motogom aku ra dewa-dewa am masaga' aku maya' risilo.’ ”

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

YEHEZKIEL 27:6

Kakabil-kakabil muno binaal intor ra puun tataun oak intor ra Basan. Sulig muno binaal intor ra tataun pain intor ra Siprus, am limpor muno binaal intor ra gading.

JIRIMIA 2:37

Nangiruan kau ra Misir ra ulu pinakuku' sabap ra nasindualan am nauyu'. Aku, Tuhan, nangimpai risilo ondo' lansanin min; kolondo' moowot min ra ampos atan pana intor risilo.”