JIRIMIA 22:19 - Tanou Moonsoi Timugon

¹⁹ Ralaaton i Joyakim am patirin paingkualo' ra kulobon garabang ru Jirusalim, koson ra pinamakuan ru ulun ra baangkai ru kaladai.”

JIRIMIA 22:19 ပူးပေါင်းရင်းမြစ်များ

1 RAJA'-RAJA' 14:10

Ginio sabap ra mamparatong Aku ra karaat ra papag muno. Mamatoi Aku ra ngaangai' ru papag muno ondo' ungkuyon, ondo' mamulok am niayuk ondo' matutuo. Liomon Ku sasambaloi muno. Saliiron ilo koson magalus ra majamol.

2 RAJA'-RAJA' 23:36

Umur ru Raja' Joyakim ruo ngoopor am limo ngambilor paat ra io nasauk ra raja' ru Jiuda. Namarinta io ra Jirusalim buoi mopor am rondo' ngambilor. Ina' nano ininggalanan ri Jibuda anak ri Pidaya intor ra bandar Ruma.

2 RAJA'-RAJA' 24:6

Patoi Raja' Joyakim, am i Joyakin, anak ungkuyon nano minalit riso koson ra raja'.

2 RAJA'-RAJA' 9:35

Kaa' ulun ondo' mongoi pompolobong ra baangkai ri Ijibil no kalo nakatuum ra atan-atan pana ondo' ayuk am kuapak am bungul-bungul ru kalayam am niayuk kalindu' nano.

2 TUNUNG RU BANSA' ISRAIL 36:6

Raja' Nibukadnijar intor ra Babilonia namulunsar ra Jiuda. Rinakop no Raja' Joyakim, binangkil no io, am inibit no io ra Babilonia.

MAMPATANOU 6:3

Sangulun maaru' lair makalalaing suku' maatus ngaulun, am umur nano maaru' lair maawar. Kabalu' pana maawar umur nano, kaa' kalo maansukan io, am kalo linobong io ra matanda', baal nano makaasi'-asi' poyo intor ra lalagang minatoi paat ra inanak.

JIRIMIA 15:3

Aku, Tuhan nakapamatas noyo ra apat baal ondo' makalalaa' lumampa' ramuyun: ilo ondo' matoi ra potoyon ralalom ru pangayawan; baangkai nilo ayaton ru uku'; susuit mangakan ra baangkai nilo, am bibiag masigo manaliir ra suwo no.

JIRIMIA 36:30

Ginio ra, Aku, Tuhan, minindagu rirun, Raja' Joyakim ra kolondo' sangulun pana intor ra papag muno makapamarinta ra pamarintaan ri Daut. Baangkai muno patirin ra liwar saboi makatuug paat ra matawang am matiu' ru bolobou paat ra rondom.

JIRIMIA 36:6

Kaa' musiti' kou mongoi ra giu' no paat ra ulun mampali. Basaa' suang ru naskhah no ra bolos mosongou, maa' raginio mokorongog ilo ra ngaangai' ondo' rinagu ru Tuhan raki', am ondo' pinabala' ku noyo rirun. Musiti' mu basaan ginio giu' ra intok ru ngaangai' ulun mokorongog, nakaaya' mamagun ru Jiuda ondo' minatong intor ra bandar-bandar nilo.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

YEHEZKIEL 19:8

Bansa'-bansa' kiminakat tumula' riso; matong ilo intor ra ngaangai' intok. Pinaatang nilo pamalandak koson mamparakop riso, am io pana malandak ru pamalandak nilo.

YEHEZKIEL 39:5

Maratu' ilo am matoi giu' ra padang. Aku, Tuhan Raja' nakaindagu noyo.