JIRIMIA 22:15 - Tanou Moonsoi Timugon

¹⁵ Okou ti masauk kia ra raja' ondo' moonsoi poyo, amon ru mambaal kou ra istana ra tataun sidar, saboi moonsoi poyo intor ra istana ru ulun bokon? Ama' muno makasia' ra kaayagan moonsoi. Masalok io matimpok am kalo mampili' ra ulun, am nakasugut io ralalom ru ngaangai' pirot nano.

JIRIMIA 22:15 ပူးပေါင်းရင်းမြစ်များ

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

1 RAJA'-RAJA' 10:9

Koompor noyo Tuhan, i Aki Kapuuno' muno! Nampakito Io noyo ra maansayan Io rirun am nampasauk rirun ra raja' ru Israil. Ginio sabap ra togom Nano mantilayun ra Israil, nampasauk Io noyo rirun ra raja' nilo maa' raginio makaugar mu ukum am katimpakan.”

2 RAJA'-RAJA' 22:2

Nambaal Raja' Josia ra atan ondo' mapabansuk ra guang ru Tuhan. Minaya' io ra binaal moonsoi ru kinamatuaan nali, Raja' Daut, ondo' giminagaya' toojo ra ngaangai' ukum ri Aki Kapuuno'.

2 RAJA'-RAJA' 23:25

Kalo poyo igondo' sangulun raja' koson ra Raja' Josia, ondo' mangandoi ra Tuhan ayuk ra sototopot ru guang, am niayuk nampakito raginio ralalom ru ralan kaayagan am binaal nano, nontopot ra ngaangai' ru Ukum ri Musa. Kopongo Raja' Josia, kolondo' boo raja' ondo' koson riso.

1 TUNUNG RU BANSA' ISRAIL 3:15

I Josia mokoondo' apat anak ungkuyon: Joganan, Joyakim, Jidikia am Joagas.

2 TUNUNG RU BANSA' ISRAIL 34:2

Raja' Josia nambaal ra atan ondo' mapabansuk ra guang ru Tuhan. Minaya' io ra binaal moonsoi ru kinamatuaan nali Raja' Daut, am giminagaya' ra ngaangai' ukum ri Aki Kapuuno' ra totopot.

2 TUNUNG RU BANSA' ISRAIL 35:22

Kaa' Raja' Josia jajajal koson mongoi pangayou. Kalo linio no ragu ri Aki Kapuuno' ondo' rinagu ru Raja' Niko. Siminalu Raja' Josia am nangayou giu' ra tana' marata' ru Migido.

2 TUNUNG RU BANSA' ISRAIL 35:26

Ngaangai' binaal ru Raja' Josia, ondo' togom nano ra Tuhan, gagaya' nano ra Ukum ru Tuhan

AMSAL 20:28

Amon ru raja' mamarinta ralalom guang mabanis, katagaman am katimpakan, am io pana magulayun makakuasa'.

AMSAL 21:3

Binaal ra moonsoi am matimpok mapabansuk ra guang ru Tuhan ka taak simbalui ra pataakon.

AMSAL 25:5

Painggaluro' noyo ulun maminson ra malaat no intor ra raja', bagu raja' no mamarinta ra matimpok.

AMSAL 29:4

Amon ru raja' mapaundok ra katimpakan, karajaan nano maikang, kaa' amon ru raja' mangangkum ra ruit, karajaan nano maaba'.

AMSAL 31:9

Sungkaa' ilo no am kasauk no ra akim ondo' matimpok. Sindungi' noyo pagapuan ru ulun musikin am ulun makakapaganan.”

MAMPATANOU 10:17

Kaa' moonsoi ondo' pagun mokoondo' ra raja' nano ondo' matanda' manguasa' am tingganai nano mangakan ra bulintok ondo' inaru', mapandai mongorot ra guang am kalo gumauk.

MAMPATANOU 2:24

Atan ayuk ondo' nabaal ru ulun io ginio maangkan, manginum, am sumia' ra ampos ru kandoi nilo. Kaa' nalimanan ku ra ngaangai' ragitio tinaakan ri Aki Kapuuno' niayuk.

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

JISAYA 33:16

Koson raginio boo maalap kau kabayag, masindungan kau koson giu' kau ra kubu ondo' mapiot. Makaalap kau ra akanon am inumon.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 22:18

Ginio ra minindagu Tuhan intor ra Raja' Joyakim anak ungkuyon ru Raja' Josia, intor ra Jiuda, “Kolondo' ulun manulaboi ra pinatayan nano; kolondo' ulun ondo' mindagu, ‘Alii boo ra rangan kuno, alii boo.’ Kolondo' ulun ondo' mantangi' kapoam gumolok, ‘Makalulumpus raja' kuno!’

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JIRIMIA 42:6

Nakitaak akai rirun makiasi' ra Tuhan, i Aki Kapuuno' takau. Ginio ra ondo' pataamon Nano moonsoi kapoam kalo, gumagaya' akai Riso. Baal mai masauk ra moonsoi amon ru gumagaya' Riso.”

JIRIMIA 7:5

Kulawo' baal ru kaayagan am paliso min. Katimpok no ra rondo' am bokon.

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

1 KORINTUS 10:31

Atan ayuk pana baalon mino, kapoam akanon am inumon min niayuk, baalo' min ngaangai' ginio koson mangurumat ri Aki Kapuuno'.

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”