JIRIMIA 22:14 - Tanou Moonsoi Timugon

¹⁴ Aibui boo ra ulun ondo' mindagu, “Mambaal aku ra istana ondo' mokoondo' ra lamin-lamin mangaayo giu' ra luting no.” Pambaal io boo ra gigimpalan ra baloi nano, am tataun pinangiing intor ra tataun sidar, am tinulisan ra batik malia'.

JIRIMIA 22:14 ပူးပေါင်းရင်းမြစ်များ

2 SAMUIL 7:2

Kopongo raginio indagu Raja' Daut ra Nabi Natan, “Ilai', aku minayan ra istana ondo' binaal intor ra tataun sidar, kaa' Kaban Nabantuan ri Aki Kapuuno' pinauli ralalom ru kim!”

2 TUNUNG RU BANSA' ISRAIL 3:5

Lamin maatang no linapisan ra tataun sidar, am inangkupan poyo ra mas kopoyo toojo. Ginio ra lapisan ru mas no mokoondo' ra ukiran ru puun-puun tataun palma am tinayung ra rantai.

AMSAL 17:19

Ulun ondo' masaga' ra tula masaga' mansasangor. Ulun ondo' masalok masawat ragu maguyum ra kapaganan.

AMSAL 24:27

Pai' panambaloi ra kalo poyo nopongo umo. Pai' paguot ra kalo poyo nakatampos mangindapu'.

RIMBAI PANGAMPARAN 1:17

puun sidar masauk ra lugu' ru baloi tano, am puun sipris sakub nano.

JISAYA 9:9

“Baloi-baloi binaal intor ra bata napuut noyo, kaa' baalon mai sagulio' baloi-baloi no intor ra batu pinopol. Puun ru nunuk tinagar, kaa' aligin mai ra tataun sidar ondo' moonsoi kaga'.”

YEHEZKIEL 23:14

“Buoi ka buoi lumaat poyo i Ogoliba. Nabunduk guang nano ra gambar-gambar makabatik malia' pajamilak ondo' inukir ra timbok. Gambar raginio sangulun pagawai maatang ru saujor Babilonia nagabot am nansarban ondo' pinalaboi.

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

AMOS 6:8

Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

AGAI 1:4

“Akau ulun Kuno, kua ayan kau giu' ra ralalom ru baloi moonsoi, kaa' Baloi Kuno lakat poyo nalunsai?

MALIAKI 1:4

Amon ru papag ri Isau, iono ulun ru Idom mindagu, “Bandar maino pinuso noyo kaa' baalon mai sagulio',” am Tuhan Ondo' Maayo Kaga' Kuasa' pana tumaam, “Polosoon ilo mambaal raginio saguli', kaa' lunsayon Ku poyo. Ulun manabit risilo ‘Pagun malaat’ am ‘Bansa' ondo' sinangitan ru Tuhan ra sabubuoi no.’ ”