JIRIMIA 22:11 - Tanou Moonsoi Timugon

¹¹ Gitio noyo ragu ru Tuhan intor ra Raja' Joagas, anak ungkuyon ru Raja' Josia, ondo' nasauk ra raja' ru Jiuda minalit ra ama' nano, “Minugar io intor ra giti, am kalo boo sumaguli'.

JIRIMIA 22:11 ပူးပေါင်းရင်းမြစ်များ

2 RAJA'-RAJA' 23:29

Paat ra pamarintaan ru Raja' Josia, Raja' Niko intor ra Misir naningganai ra saujor nano mongoi ra Sungoi Iprat koson mangindangan ra raja' ru Asyur. Mangkinam Raja' Josia mongompong ra saujor ru Misir giu' ra Migido, kaa' Raja' Josia pinatoi ralalom ru pangayawan.

2 RAJA'-RAJA' 23:30

Pagawai-pagawai ru Raja' Josia napasakoi ra baangkai nano ra rondo' kurita' kuda am inibit minuli' ra Jirusalim. Linobong io ra kalabangan ru raja'. Kopongo raginio mamagun ru Jiuda nampili' ri Joaas, anak ungkuyon ru Raja' Josia, am nampalantik riso ra raja'.

2 RAJA'-RAJA' 23:31

Umur ru Raja' Joagas ruo ngoopor am talu ngambilor paat ra io nasauk ra raja' giu' ra Jiuda. Raja' Joagas namarinta giu' ra Jirusalim buoi talu ngansila'. Ina' nano ininggalanan ri Gamutal anak ri Jirimia intor ra bandar Libna.

2 RAJA'-RAJA' 23:34

Raja' Niko nampalantik ri Iliakim, anak ungkuyon ru Raja' Josia, koson namalit ra Raja' Josia masauk ra raja', am nangalig ra inggalan ri Iliakim nasauk ri Joyakim. Raja' Joagas inibit ru Raja' Niko minongoi ra Misir, tauli no Raja' Joagas minatoi ra giu' no.

1 TUNUNG RU BANSA' ISRAIL 3:15

I Josia mokoondo' apat anak ungkuyon: Joganan, Joyakim, Jidikia am Joagas.

2 TUNUNG RU BANSA' ISRAIL 28:12

Apat ngaulun tingganai ru Pamarintaan Ralayo, iono i Ajaria anak ri Joganan, Birikia anak ri Misilimot, i Jigijkia anak ri Salum, am i Amasa anak ri Gadlai, niayuk minanggal ra binaal ru saujor no.

2 TUNUNG RU BANSA' ISRAIL 34:22

Ralalom susuban ru raja' no, i Ilkia am ulun ra bokon ondo' sinusub ru raja', minongoi pakipinson intor ra sangulun ruandu' ininggalanan ri Gulda. Io sangulun nabi ruandu' ondo' minayan giu' ra kampung bagu giu' ra Jirusalim. Ralaki nano, i Salum anak ri Tikwa, akupu ri Gargas, iono ulun manalingapu ra bayang giu' ra Baloi ru Tuhan. Tinunung nilo atan ondo' nasauk.

JIRIMIA 22:27

Moondom kau kaga' ra pagun ti kaa' kalo makasaguli' kau.”

JIPANYA 1:1

Gitio noyo tanou ru Tuhan posoboyon ri Jipanya paat ra Raja' Josia anak ungkuyon ru Raja' Amon namarinta ra Jiuda. (Ama' ri Jipanya iono i Kusyi, aki nano i Gidalia, aki ra pulumpungan i Amarya am aki ra kasaa' toojo Raja' Gijkia.)