JIRIMIA 22:10 - Tanou Moonsoi Timugon

¹⁰ Mamagun kau ru Jiuda, pai' tangii' Raja' Josia; pai' panulaboi ra pinatayan ru raja'. Kaa' tangii' noyo i Joagas, anak ungkuyon ru raja'; sabap anak no inibit noyo ra minugar am kalo boo sumaguli'. Kalo boo makakito io ra namagunan nano.

JIRIMIA 22:10 ပူးပေါင်းရင်းမြစ်များ

2 RAJA'-RAJA' 22:20

Ginio ra baal ondo' baalon Kuno ra Jirusalim kalo masauk buoi okou maayag. Iowon Tokou matoi ra kaansayan.” Ulun-ulun sinusub no siminaguli' ra Raja' Josia am nampasaboi ra tanou raginio.

2 RAJA'-RAJA' 23:29

Paat ra pamarintaan ru Raja' Josia, Raja' Niko intor ra Misir naningganai ra saujor nano mongoi ra Sungoi Iprat koson mangindangan ra raja' ru Asyur. Mangkinam Raja' Josia mongompong ra saujor ru Misir giu' ra Migido, kaa' Raja' Josia pinatoi ralalom ru pangayawan.

2 TUNUNG RU BANSA' ISRAIL 36:4

Raja' Niko nampili' ra Raja' Iliakim pabukat ru Raja' Joagas, nasauk ra raja' Jiuda, am nangulau ra inggalan ru Raja' Iliakim nasauk ra Raja' Joyakim. Raja' Joagas inibit ru Raja' Niko giu' ra Misir.

MAMPATANOU 4:2

Mapara' piboo bansuk ru ulun ondo' minatoi; baal nilo moonsoi poyo intor ra ulun ondo' lakat poyo maayag.

JISAYA 57:1

Paat ra ulun moonsoi matoi, kolondo' osoi pana makarati' kapoam mampalio riso. Kaa' paat ra ilo matoi, makalabus ilo ra karaat.

JIRIMIA 16:7

Paat ra mokoondo' ulun matoi, kolondo' osoi pana mangakan kapoam manginum mabaya' ra sasambaloi ru ulun no koson mapabansuk risilo. Paat ra mokoondo' ulun napatayan ra ina' kapoam ama', kolondo' osoi pana maya' mangiluk guang mabaya' risilo.

JIRIMIA 22:11

Gitio noyo ragu ru Tuhan intor ra Raja' Joagas, anak ungkuyon ru Raja' Josia, ondo' nasauk ra raja' ru Jiuda minalit ra ama' nano, “Minugar io intor ra giti, am kalo boo sumaguli'.

JIRIMIA 22:18

Ginio ra minindagu Tuhan intor ra Raja' Joyakim anak ungkuyon ru Raja' Josia, intor ra Jiuda, “Kolondo' ulun manulaboi ra pinatayan nano; kolondo' ulun ondo' mindagu, ‘Alii boo ra rangan kuno, alii boo.’ Kolondo' ulun ondo' mantangi' kapoam gumolok, ‘Makalulumpus raja' kuno!’

JIRIMIA 22:27

Moondom kau kaga' ra pagun ti kaa' kalo makasaguli' kau.”

JIRIMIA 25:27

Tuhan pana mindagu boo raki', “Balai' ngaangai' ulun no ra Aku, Tuhan Ondo' Maayo Kaga' Kuasa', i Aki Kapuuno' ru Israil, nanusub risilo manginum suku' magauk am mampalua'. Maratu' ilo am kalo boo makatirong saguli' sabap ra pangayawan ondo' porotongon Kuno risilo.

JIRIMIA 28:4

Ibiton Ku niayuk saguli' i Joyakin anak ungkuyon ru Raja' Joyakim, raja' ru Jiuda, mababaya' ra ngaangai' mamagun ru Jiuda ondo' inaut ra Babilonia. Sotopot no, pandakon Ku kuasa' ru Babilonia. Aku, Tuhan nakaindagu noyo.”

JIRIMIA 42:18

Tuhan, i Aki Kapuuno' ru Israil minindagu, ‘Koson ra sangit am lasu' ru guang Kuno nakalumpa' ra mamagun ru Jirusalim, koson raginio niayuk ra lasu' ru guang Kuno lumampa' ramuyun amon ru mongoi kau ra Misir. Mangalaa' ulun magilong ramuyun; asabin kau, am inggalan min alapon koson ra pagulasan. Kalo boo makakito kau ra pagun ti.’ ”

JIRIMIA 44:14

Kolondo' sangulun pana intor ra ulun ru Jiuda ondo' minayan giu' ra Misir makapagiru' kapoam maayag. Kolondo' sangulun pana makauli' ra Jiuda, intok namagunan ondo' moondom ilo koson ra intok ayanan. Kolondo' makauli' ondo' ayuk am kukula' ngaulun nakapagiru'.”

SULABOI 4:9

Maimbolo' ilo am matoi ra inuton, sabap totopot kolondo' akanon. Ulun ondo' matoi giu' ra intok pangayawan, moonsoi poyo intor ra ulun ondo' matoi ra maitilan.

YEHEZKIEL 24:16

“Okou ulun mapandai matoi, pulali' Ku mangalap ra ulun ondo' tagamin muno kaga', kaa' kalo makapanulaboi kou, kapoam mantangi', kapoam mompoloso ra lomou muno rumatu'.

LUKAS 23:28

Pangkaili i Jisus risilo am indagu, “Aibui boo ramuyun, ruandu' ru Jirusalim, pai' min Aku tangii'; tangii' min ayuk akau galama' am anak mino.