JIRIMIA 22:1 - Tanou Moonsoi Timugon

^1-2 Nanusub Tuhan raki' mongoi ra istana ru raja' ru Jiuda, papag ru Raja' Daut, koson mampasaboi ra tanou ru Tuhan ra raja' am pagawai-pagawai nano, am niayuk mamagun ru Jirusalim. Gitio noyo ragu ru Tuhan risilo,

JIRIMIA 22:1 ပူးပေါင်းရင်းမြစ်များ

2 SAMUIL 12:1

Kopongo raginio nanusub Tuhan ri Nabi Natan mongoi ra Raja' Daut. Uma' i Natan ra Raja' Daut am indagu, “Mokoondo' ruo ngaulun ungkuyon ondo' minayan ra rondo' bandar; ondo' sangulun no langkaya' am sangulun no poyo musikin.

2 TUNUNG RU BANSA' ISRAIL 33:10

Kabalu' pana Tuhan nampakara' ra Raja' Manasi am mamagun nano, kaa' marara' ilo mampalio ra pampakaraan no.

JIRIMIA 21:11

Nanusub Tuhan raki' mampasaboi ra tanou ti ra sasambaloi ru raja' ru Jiuda, papag ru Raja' Daut, “Rongogo' atan ondo' paraguon Kuno, Tuhan. Pirot no maa' raginio katimpakan baalon ra moonong orou. Palabuso' noyo ulun ondo' rinuung intor ra kuasa' ru ulun namparuung riso. Amon ru kalo, kalaatan ondo' baalon min mampasauk ra sangit Kuno mapaang koson ra apui ondo' kalo malasaan.”

JIRIMIA 21:14

Kaa' mangukum Aku rirun sabap ra binaal muno. Solobon Ku istana muno, am ngaangai' ra liliut nano mosolob niayuk. Aku, Tuhan nakaindagu noyo.”

JIRIMIA 34:2

Tuhan, i Aki Kapuuno' ru Israil, nanusub raki' mampasaboi ra ragu Nano ra Raja' Jidikia intor ra Jiuda, “Aku, Tuhan, mampataak ra bandar ragitio ra raja' ru Babilonia am io monolob no.

GOSIA 5:1

Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

AMOS 7:13

Pai' boo raguo' manala' ragiti ra Bitil. Bandar ti tayar ayuk ru raja' sumambayang, iono intok sambayangan ru pagun.”

MARKUS 6:18

Ragu ri Juanis ra io nansawai, “Kalo mabuli okou manangandu' ra andu' ru pinansukapu muno!”