JIRIMIA 21:7 - Tanou Moonsoi Timugon

⁷ Okou am pagawai-pagawai muno am niayuk ngaangai' ulun ondo' naayag intor ra pangayawan, bitilan am maruol tumapik, polosoon Ku rokopon ru Raja' Nibukadnijar am pantula' ondo' masaga' mamatoi ramuyun. Mamatoi Raja' Nibukadnijar ramuyun ngaangai' ra kalo mangampun kapoam makaasi'. Aku, Tuhan nakaindagu noyo.”

JIRIMIA 21:7 ပူးပေါင်းရင်းမြစ်များ

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JIRIMIA 15:5

Indagu Tuhan, “Mamagun kau ru Jirusalim, osoi kia makaasi' ramuyun? Osoi kia masaga' mangiluk guang mabaya' ramuyun? Osoi kia masaga' mapit koson mangkuot ra baal mino?

JIRIMIA 15:9

Ina' ondo' napusaan ra tulu' ngaulun anak nano ikab-ikab am malausan, koson riso mato ru orou nokotolop noyo buoi ru matawang; inasaban io am tinauyu'. Manusub Aku ra pantula' min mamatoi ra ulun ondo' lakat poyo naayag ra gino ngai' min. Aku, Tuhan nakaindagu noyo.”

JIRIMIA 19:7

Intok ragitio sulangon Ku ngaangai' inatangan ru ulun ru Jiuda am mamagun ru Jirusalim. Polosoon Ku ilo kalaan ru pantula' am potoyon ralalom ru pangayawan. Polosoon Ku baangkai nilo akanon ru susuit am bibiag masigo.

JIRIMIA 20:4

Tuhan galama' minindagu, ‘Saukon Tokou ra kalaanin ru inan muno galama' am rangan-rangan muno. Makakito kou risilo ngaangai' potoyon ru pantula' ra ilang. Polosoon Ku ngaangai' ulun ru Jiuda kuasaan ru raja' Babilonia; santayaran risilo auton koson ra ulun rinakop poongoyon ra pagun nano, am ilo ondo' kalo auton no potoyon.

JIRIMIA 22:25

am pataakon kou ra ulun kalaanin muno, iono ulun ondo' moogot mamatoi rirun. Pataakon Tokou ra Raja' Nibukadnijar intor ra Babilonia am saujor-saujor nano.

JIRIMIA 27:6

Aku noyo nampataak ra ngaangai' bansa' ti ralalom ru kuasa' ru ulipon Kuno, i Nibukadnijar, raja' ru Babilonia. Bibiag masigo niayuk pana pinataak Ku riso koson ra kuasaan.

JIRIMIA 32:4

am Raja' Jidikia kalo makapagiru'. Pataakon io ra raja' ru Babilonia; muma' io ra raja' no am mindagu riso.

JIRIMIA 34:3

Kalo makapagiru' kou; rokopon am pataakon kou riso. Makauma' kou riso am okou galama' mindagu riso; okou pana mongoi ra Babilonia.

JIRIMIA 36:29

Nanusub Tuhan raki' mindagu ra raja', “Sinolob mu noyo naskhah rinulun i, am nangkuot kou kua panulis i Jirimia ra matong raja' ru Babilonia, am mamuso ra pagun ti am mamatoi ra mamagun no am niayuk ngaangai' bibiag ra giu' no.

JIRIMIA 37:17

Kopongo raginio nampiau Raja' Jidikia raki' muma' riso giu' ra istana. Giu' no sininok ru raja' nangkuot raki', “Mokoondo' kia ra tanou intor ra Tuhan?” Taam aku, “Mokoondo', okou raja' pataakon ra raja' ru Babilonia.”

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

SULABOI 2:20

Ilai' noyo, iou Tuhan! Ilai' ilo ondo' inimbolo' Muno! Ruandu'-ruandu' mangakan ra anak-anak ondo' tagamin nilo! Imam-imam am nabi-nabi pinatoi giu' ra ralalom Baloi ru Tuhan!

SULABOI 2:22

Piniau Mu pantula' kuno mambaal ra bunsag ru kalaatan ra libung kuno; kolondo' sangulun pana makapamayag ra inan paat ra orou Okou sumangit. Pinatoi nilo anak-anak kuno ondo' inalungan am tinagaman kuno.

YEHEZKIEL 23:28

Koon ragitio noyo ragu ru Tuhan Raja', “Pataakon Tokou ra ulun ondo' masuraan kou am ondo' kasisangin muno.

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

SAGULION 28:50

Malaat ilo am kalo makaasi' ra osoi pana, iou ra ulun matutuo am ra lalaing-lalaing.