JIRIMIA 21:4 - Tanou Moonsoi Timugon

⁴ mambala' ra Raja' Jidikia ra Tuhan, i Aki Kapuuno' ru Israil, minindagu koson ragitio, “Jidikia, kalaan Ku pulalai muno ondo' tatanga' mangayou mampatoi ra raja' ru Babilonia am pulalai nano. Patunturon Ku ngaangai' kinandoi ru saujor muno giu' ra tatanga' ru bandar.

JIRIMIA 21:4 ပူးပေါင်းရင်းမြစ်များ

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

JISAYA 13:4

Rongogo' noyo nginonsol giu' ra rasawat ru gunung, koson masuang ulun natitimung. Rongogo' noyo kumuliasou-asou ngaangai' bansa' am pamarintaan-pamarintaan ra natitimung. Tuhan Ondo' Maayo Kaga' kuasa' mampatampos ra saujor mangayou.

JISAYA 5:5

Gitio noyo baalon kuno ra umo ru anggur kuno: bubulon ku insor ra liput nano, am mamalunsai ra timbok nakasindung riso, am mopoloso ra bibiag masigo mongkotop riso am manginginjang riso.

JIRIMIA 20:4

Tuhan galama' minindagu, ‘Saukon Tokou ra kalaanin ru inan muno galama' am rangan-rangan muno. Makakito kou risilo ngaangai' potoyon ru pantula' ra ilang. Polosoon Ku ngaangai' ulun ru Jiuda kuasaan ru raja' Babilonia; santayaran risilo auton koson ra ulun rinakop poongoyon ra pagun nano, am ilo ondo' kalo auton no potoyon.

JIRIMIA 21:3

Kopongo raginio indagu Tuhan raki', am panusub aku ra karuruo ngaulun sinusub no maa' raginio

JIRIMIA 32:24

Nambaal ulun ru Babilonia ra timbok pagawangan giu' ra liliut ru bandar koson mampagaau raginio, am raino tatanga' ilo mamulunsar raginio. Pangayawan, bitilan am maruol tumapik mangkinibit ra bandar ti maratu' ra ralalom ru kalindu' nilo. Nakito Mu ra ngaangai' ondo' rinagu Muno topot-topot nasauk.

JIRIMIA 32:3

ru Raja' Jidikia sabap ra inuwan aku nampatanou ra minindagu Tuhan, “Polosoon Ku raja' ru Babilonia manguasa' ra bandar ti,

JIRIMIA 32:5

Kopongo raginio ibito' i Jidikia ra Babilonia am mayan ra giu' no saboi ra ukumin Ku io. Kabalu' pana mamulunsar io ra ulun ru Babilonia, kalo makasugut io. Aku, Tuhan nakaindagu noyo.”

JIRIMIA 33:5

Kukula' ngaulun mangayou ra ulun ru Babilonia, ondo' mompososok ra baloi-baloi ra baangkai ru ulun ondo' linamba' Kuno saboi minatoi paat ra Aku siminangit am liminasu' guang. Iniruanan Ku bandar ti sabap ra kalaatan ru mamagun nano.

JIRIMIA 35:17

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, mamparatong ra karaat ondo' binantu' Kuli ramuyun, mamagun ru Jiuda am Jirusalim. Baalon Ku gitio sabap ra marara' kau rumongog paat ra Aku mindagu, am marara' kau tumaam paat ra Aku mampiau.”

JIRIMIA 39:3

Paat ra Jirusalim ginaau, ngaangai' pagawai masawat ru raja' ru Babilonia minatong am nanturung giu' ra Kulobon Garabang Tanga'. Ilo iono Nirgal-Sarijir, Samgar-Nibo, Sarsikim, ulun manalingapu ra istana, am i Nirgal-Sarijir Rabmag.)

JIRIMIA 52:18

Inibit nilo niayuk sukup-sukup, intok pambulian ra kaau ondo' pakayon koson mamasau ra altar, kuliamos ru lampung, mangkuk-mangkuk koson pangkaang ra raraa' intor ra taak-taak simbalui ondo' pataakon, mangkuk-mangkuk panalaban ra kaminyan, am ngaangai' kuliamos gangsa' ra bokon ondo' pinakai koson ralalom sambayang giu' ra Baloi ru Tuhan.

SULABOI 2:3

Ralalom ru sangit namuso Io ra kaikangan ru Israil; marara' Io mangindangan ritakau paat ra pantula' matong. Sangit Nano ritakau bibilak koson ra apui mangumpo ra ngaangai'.

SULABOI 2:5

Koson ra pantula', namuso noyo Tuhan ra Israil; namuso Io ra ngaangai' kubu am istana nano. Namparuang Io ra kangilukan ru mamagun ru Jiuda.

SULABOI 2:7

Inimpayan ru Tuhan altar Nano am nangiruan ra Baloi Nano ondo' matulai; pinoloso No pantula' nampalunsai ra timbok nano. Nangindii pantula' sabap ra namanang giu' ra intok sambayang takau ra maantak ragili.

YEHEZKIEL 39:3

Mopongo raginio lambaan Ku panah nano saboi malabusan intor ra kalindu' ra kait nano, am mamparatu' ra anak panah intor ra kalindu' ra pamiris nano.

GOSIA 9:12

Kaa' kabalu' pana anak-anak inanak am pinasukor, alapon Ku anak-anak nilo am kolondo' sangulun pana maayag. Paat ra Aku mangiruan ramuyun, baal-baal makalalaa' lumumpa' ramuyun.”

JAKARIA 14:2

Timungon ru Tuhan ngaangai' bansa' koson mangayou ra Jirusalim. Bandar no gaawon, baloi-baloi nano takawin am ruandu'-ruandu' nano sowoon. Sampiruo ra mamagun nano patirin ra pagun, kaa' ondo' bokon no kalo pabandingon intor ra bandar no.

MATIUS 22:7

Paat ra raja' ti nokorongog ra baal raginio, siminangit io kaga'. Panusub io ra saujor-saujor nano mongoi pamatoi risilo am ponolob ra bandar nilono.