JIRIMIA 21:10 - Tanou Moonsoi Timugon

¹⁰ Namatas Aku noyo koson manutuk ra bandar ti, am kalo malubatan. Bandar ragitio pataakon ra raja' ru Babilonia, am solobon ru raja' no ginio saboi makai'. Aku, Tuhan nakaindagu noyo.”

JIRIMIA 21:10 ပူးပေါင်းရင်းမြစ်များ

JIRIMIA 44:11

Ginio ra Aku, Tuhan Ondo' Maayo Kaga' Kuasa', i Aki Kapuuno' ru Israil, manggal ramuyun am mamuso ra ngaangai' ru Jiuda.

AMOS 9:4

Amon ru ibiton ilo ru pantula' giu' ra pamatiran, manusub Aku maa' raginio potoyon ilo. Totopot Ku potoyon ilo, am kalo mangindangan risilo.”

JIRIMIA 44:27

Tutunon Ku maa' raginio kalo makasugut kau; maaru' mapuso kau. Akau ngaangai' matoi, ralalom ru pangayawan kapoam sabap ra maruol tumapik, saboi kolondo' sangulun pana ramuyun maayag.

YEHEZKIEL 15:7

am mangukum risilo. Kabalu' pana nakalabus ilo intor ra apui, solobon ilo ra apui niayuk. Paat ra Aku mangukum risilo ra tauli no, bagu no makapandai kou ra Aku noyo Tuhan.

JIRIMIA 52:13

Sinolob no Baloi ru Tuhan, istana, am baloi ru ngaangai' ulun mangaatang giu' ra Jirusalim;

JIRIMIA 39:8

Liliwa' raginio ulun ru Babilonia nonolob ra istana ru raja' am baloi ru mamagun, am niayuk nampalunsai ra timbok ru Jirusalim.

JIRIMIA 38:18

Kaa' amon ru kalo makirakop kou, bandar ti pataakon ra ulun ru Babilonia. Solobon nilo bandar ti, am kalo makapagiru' kou intor risilo.”

JIRIMIA 38:3

Nambala' aku niayuk risilo ra ragu ru Tuhan ra pataakon No bandar ti ra saujor ru Babilonia, am gaawon nilo bandar ti.

JIRIMIA 34:2

Tuhan, i Aki Kapuuno' ru Israil, nanusub raki' mampasaboi ra ragu Nano ra Raja' Jidikia intor ra Jiuda, “Aku, Tuhan, mampataak ra bandar ragitio ra raja' ru Babilonia am io monolob no.

2 TUNUNG RU BANSA' ISRAIL 36:19

Linunsai ru raja' no timbok ra bandar ru Jirusalim am nonolob ra bandar no, nakaaya' Baloi ru Tuhan am ngaangai' istana, nababaya' ra kuliamos mongologo giu' ra ralalom ru istana.

JIRIMIA 38:23

Indagu aku poyo, “Ngaangai' andu' am niayuk anak muno raja' ibiton ra ulun ru Babilonia, am okou galama' pana kalo makapagiru' intor risilo. Rokopon kou ru raja' ru Babilonia, am bandar ti solobon saboi makai'.”

MAZMUR 34:16

Indukuin ru Tuhan ulun ra motopot, am mangkirongog ra pantangian nilo;

IMAMAT 26:17

Manggal Aku ramuyun saboi kalaan kau ru pantula'. Kuasaan kau ru ulun ondo' masisang ramuyun, am malaa' kau kaga' saboi magiru' kau kabalu' pana kolondo' ulun mangilou ramuyun.

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 26:6

Amon ru mansang kau ayuk, pamakuan Kuno ra Baloi Kutu koson ra pinamakuan Kuno ra Silo, saboi ngaangai' bansa' ra tana' ti mamakai ra inggalan ru bandar Jirusalim koson ra pagulasan.’ ”

JIRIMIA 17:27

Ngaangai' baal raginio masauk paat ra akau gumagaya' Raki' am mangiantak ra orou Sabat koson ra orou ondo' patimpokon ayuk Raki'. Pai' pangkayang ra maagat mansail ra kulobon-kulobon garabang ru Jirusalim paat ra orou raginio. Amon ru manggal kau ra susuban Kuno, solobon Ku koyoo' kulobon-kulobon garabang ru Jirusalim am niayuk istana-istana nano, am apui no kalo malasa' ru osoi pana.’ ”

JIRIMIA 33:5

Kukula' ngaulun mangayou ra ulun ru Babilonia, ondo' mompososok ra baloi-baloi ra baangkai ru ulun ondo' linamba' Kuno saboi minatoi paat ra Aku siminangit am liminasu' guang. Iniruanan Ku bandar ti sabap ra kalaatan ru mamagun nano.

JIRIMIA 39:16

mambala' ri Ibid-Milik, ulun ru Itiopia no, ra Tuhan Ondo' Maayo Kaga' Kuasa', i Aki Kapuuno' ru Israil, minindagu koon ragitio, “Koson ra rinagu Ku ragili, mamparatong Aku ra kapusaan am sala' ka kaansayan ra bandar ti. Paat ra baal raginio masauk ra maagu no, soroi kou ragiti koson tumainu raginio.

YEHEZKIEL 24:11

Iruani' boo pagangan gangsa' ondo' kolondo' suang giu' ra rasawat ru apui saboi malia' kaga'. Mopongo togol nano mosolob, pagangan no mapasau saguli' sumugut ra kaulayan ru ugama.

AMOS 2:5

Ginio ra atarin Ku apui giu' ra pagun ru Jiuda am solobon kubu-kubu ru Jirusalim.”

JIRIMIA 38:17

Balai' ku boo Raja' Jidikia ra Tuhan Ondo' Maayo Kaga' Kuasa', i Aki Kapuuno' ru Israil, minindagu koon ragitio, “Amon ru makirakop kou ra pagawai ru raja' ru Babilonia, maayag kou am bandar ti kalo solobon. Okou am sasambaloi muno maayag.