JIRIMIA 20:9 - Tanou Moonsoi Timugon

⁹ Kaa' paat ra aku mindagu, “Polosoon aku makalilian ra Tuhan, marara' aku boo mindagu ralalom ru inggalan Nano,” tanou Muno pana koson ra apui ondo' mapaang ralalom ru guang. Kinamin ku oroto', kaa' kalo boo magula' ku.

JIRIMIA 20:9 ပူးပေါင်းရင်းမြစ်များ

MAZMUR 39:3

Kalinuos kuno ayuk mangindangan, kolondo' sanganu pana ragu, kabalu' pana baal ra moonsoi. Kaa' imbolo' kuno rumuang bagat no,

JIRIMIA 23:29

Ragu Kuno koson ra apui, am koson ra amar ondo' mokopomopol ra batu.

JIRIMIA 23:9

Guang kuno natutuk am monontol aku. Tuhan am ragu Nano ondo' matulai mampasauk raki' koson ra ulun nagauk, ulun ondo' nanginum ra masuang kaga' wain.

JIRIMIA 4:19

Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

JIRIMIA 6:11

Iou Tuhan, sangit Muno risilo niayuk malasu' ra ralalom ru inan kutu! Kalo noyo moorot ku.” Tuhan pana mindagu, “Paabuso' sangit Kuno ra lalaing-lalaing giu' ra ralan-ralan maayo am ra ulun mamulok ondo' tatanga' mantitimung. Mansawo rokopon, am ulun matutuo pana rokopon.

YEHEZKIEL 3:14

Kuasa' ru Tuhan rumatong raki' ra mapuor, am paat ra aku kinayang am inibit ru Ambiluo Nano, malimanan ku maruol guang am sumangit.

YEHEZKIEL 3:3

Indagu Io, “Okou ulun ondo' mapandai matoi, akano' naskhah rinulun ondo' pataakon Kutu am suangi' tinai' muno raginio.” Akano' ku am malimanan ginio matamis koson ra ruu' ru maningot.

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

JUNUS 1:2

Indagu Io, “Ongoi no ra Niniwi, bandar maayo no, mompololob ra mamagun no, sabap ra nakapandai Aku ra mamagun no malaat kaga'.”

JUNUS 1:3

Kaa minongoi i Junus ra intok ru bokon koson minggalur ra Tuhan. Minongoi i Junus ra Jopi, am nakainamot ra kapal ondo' mongoi ra Sipanyol. Pakapambayar ra tambang, sakoi i Junus ra kapal; nasundoi io nababaya' ra ulun-ulun ru kapal mongoi ra Sipanyol, maa' raginio makainggalur io intor ra Tuhan.

LUKAS 9:62

Taam i Jisus, “Ulun ondo' tumalimpuun mamparadu' am magail ayuk mangkaili ra talikuron, kalo maaya' masauk ra ulun ri Aki Kapuuno'.”

RINALATAN 17:16

Liliwa' i Paulus naginaa ri Silas am i Timotius ra Atina, mangiluk toojo guang nali nakakito ra bandar no masuang sinungkalalaing ondo' sambaan.

RINALATAN 18:5

Pakasaboi i Silas am i Timotius intor ra Makidonia, narayus i Paulus pampasaboi ra tanou ra ngaangai' ulun ru Jaudi ra i Jisus i noyo Mamamayag ondo' sinusub ri Aki Kapuuno'.

RINALATAN 4:20

Sabap ra kalo malanggaan mai mindagu ra atan nakito am norongog mai galama'.”