JIRIMIA 20:8 - Tanou Moonsoi Timugon

⁸ Pogonong ra aku mindadagu, musiti' aku gumolok ra mapuor toojo, “Malaat kaga'! Kapusaan!” Iou Tuhan, iniis am inasaban aku ra moonong paat, sabap ra nampasaboi aku ra tanou Muno.

JIRIMIA 20:8 ပူးပေါင်းရင်းမြစ်များ

2 RAJA'-RAJA' 2:23

Nangiruan i Ilisa ra Jiriko am ongoi ra Bitil. Giu' ra tanga' ralan, kukula' ngaulun lalaing ungkuyon ondo' minatong intor ra bandar no nagasab riso. Konilo, “Okou naampakan, pagiru' intor ragiti!”

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

JISAYA 57:4

Osoi kia kulion mino? Akau ulun maabau-abau, osoi kia kakuritan mino?

JIRIMIA 15:10

Aibui boo raki' ti! Kua kia anako' aku ri ina' kuli? Makimansangor aku kalalaat am makimagansang kalalaat ra moonong ulun ra pagun ti. Kabalu' pana kalo igondo' aku nampaira' kapoam nagira' ra ruit, kaa' ulason aku ru ngaangai' ulun.

JIRIMIA 15:15

Indagu aku boo raiti, “Iou Tuhan, makarati' Kou ra ngaangai' no. Karaa' aku am indangano' aku. Balasi' ilo ondo' nangimbolo' raki'. Pai' noyo pokoorot risilo saboi makasugut ilo mamatoi raki'. Karaa' noyo ra aku inasaban sabap Okou.

JIRIMIA 17:27

Ngaangai' baal raginio masauk paat ra akau gumagaya' Raki' am mangiantak ra orou Sabat koson ra orou ondo' patimpokon ayuk Raki'. Pai' pangkayang ra maagat mansail ra kulobon-kulobon garabang ru Jirusalim paat ra orou raginio. Amon ru manggal kau ra susuban Kuno, solobon Ku koyoo' kulobon-kulobon garabang ru Jirusalim am niayuk istana-istana nano, am apui no kalo malasa' ru osoi pana.’ ”

JIRIMIA 20:7

Iou Tuhan, rinuung Mu aku, am naruung aku. Maikang Kou intor raki' am nangala raki'. Iniis aku ru moonong ulun, inasaban intor ra susuab ti saboi ra mamai'.

JIRIMIA 28:8

Nabi-nabi bulintok ra galing i, kalo poyo bulintok takau, nanala' noyo ra pangayawan, bitilan am maruol tumapik lumumpa' ra masuang bansa' am pamarintaan ondo' maikang.

JIRIMIA 5:1

Mamagun kau ru Jirusalim, ugar kano ra ralan-ralan giu' ra bandar min! Ilai' giu' ra liliut min! Ilai' galama'! Uyumo' giu' ra pasar-pasar! Mokoondo' kau kia nakatuum ra sangulun ondo' mabanis guang am ondo' mirot maa' raginio gumagaya' ri Aki Kapuuno'? Amon ru mokoondo', mangampun Tuhan ra Jirusalim.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

JIRIMIA 6:10

Taam aku, “Osoi kia rumongog amon ru pakaraan ku ilo? Mokotog guang nilo am marara' rumongog ra tanou Muno; kuritin nilo tanou Muno ondo' pinasaboi kuno.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

ABAKUK 1:3

Kua polosoo' Mu aku makaliman ra kapaganan koson ragitio? Ati kulaan Kou tumaan guang ra ulun ondo' mambaal ra kalaatan? Katutukan am kalaatan masauk ra libung kuno. Pansangaran am pagansangan masauk ra ati-ati intok.

LUKAS 11:45

Indagu sangulun intor ra mangingila' ra Ukum ri Musa no ri Jisus, “Mangingila', amon ru koson raginio ragu Muno, akai pana asabin Mu niayuk!”

IBRANI 11:26

Nangkara' io ra moonsoi poyo matiu' ra kaimbalaan mogondo' ra Mamamayag ondo' sinusub ri Aki Kapuuno', intor ra mokoowot ra ngaangai' rapu' ru pagun ru Misir. Sabap ragitio noyo kalansanan nano ra makaampos io ra tauli no.

IBRANI 13:13

Sabap raginio, ongoi takano Riso giu' ra liwar ru bandar, kabalu' pana tauyuon takau mabaya' Riso.

1 PITRUS 4:14

Pakaansuk kano kabalu' pana ra asabin kau sabap ra maamaya' kau ri Kristus. Arati' no, mokoondo' noyo Ambiluo Maayo Kaga' Kuasa', ioginio Ambiluo ri Aki Kapuuno' rumondon ramuyun.