JIRIMIA 20:5 - Tanou Moonsoi Timugon

⁵ Polosoon Ku pantula' nilo manalingaau am magaut ra ngaangai' kalangkayaan ru bandar ti am niayuk ngaangai' rapu' longgom nano poongoyon ra Babilonia, am poyo rapu' tungkuson ru raja'-raja' ru Jiuda.

JIRIMIA 20:5 ပူးပေါင်းရင်းမြစ်များ

2 TUNUNG RU BANSA' ISRAIL 36:10

Paat ra mambusak bilor raginio, Raja' Nibukadnijar namparakop ra Raja' Joyakin am nagibit riso ra Babilonia. Raja' Nibukadnijar niayuk nagibit ra rapu' intor ra Baloi ru Tuhan. Kopongo raginio Raja' Nibukadnijar nampili' ri Jidikia, kamaman ru Raja' Joyakin, nasauk ra raja' ru Jiuda am Jirusalim.

JISAYA 39:6

masaboi niayuk bulintok no nansalinut kinalangkayaan ra istana mutu raja', nansalinut inumung ru kinamatuaan muno saboi orou raiti', ibiton ra Babilonia. Kolondo' rondo' pana matatang.

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 15:13

Indagu Tuhan raki', “Mangator Aku ra pantula' koson magaut ra kalangkayaan am kuliamos ru ulun Kuno koson ra ukuman ra tula ondo' binaal nilo giu' ra titikop pagun.

JIRIMIA 17:3

am giu' ra rasawat ru gunung-gunung giu' ra liwar ru bandar. Susubon Ku pantula' mino magaut ra ngaangai' rapu' am kalangkayaan mino, sabap ra ngaangai' tula ondo' binaal min giu' ra titikop pagun.

JIRIMIA 3:24

Kaa' sumamba ra Baal, sinungkalalaing ondo' makauyuyu' no, nangkinibit ramon natatakan ra anak, ungkuyon am niayuk ruandu', am niayuk tinambiag ra sapi' am domba, iono ngaangai' no ondo' piniratan ru kinamatuaan maili intor ra galing i.

JIRIMIA 32:24

Nambaal ulun ru Babilonia ra timbok pagawangan giu' ra liliut ru bandar koson mampagaau raginio, am raino tatanga' ilo mamulunsar raginio. Pangayawan, bitilan am maruol tumapik mangkinibit ra bandar ti maratu' ra ralalom ru kalindu' nilo. Nakito Mu ra ngaangai' ondo' rinagu Muno topot-topot nasauk.

JIRIMIA 39:2

Paat ra orou kasiam, sila' kaapat, bilor koopor am rondo' ra pamarintaan ru Raja' Jidikia, nakasugut pantula' nampalunsai ra timbok ru bandar. (

JIRIMIA 39:8

Liliwa' raginio ulun ru Babilonia nonolob ra istana ru raja' am baloi ru mamagun, am niayuk nampalunsai ra timbok ru Jirusalim.

JIRIMIA 4:20

Karaat mansusunu' matong, titikop pagun mapuso. Pulali' ru kim mai linunsai, konoon-konoon no rinilak.

SULABOI 1:10

Pantula' nano nampagaau ra ngaangai' kalangkayaan nano. Nakakito Io risilo siminubol ra Baloi ru Tuhan, intok kalo iowon subolon ru ulun ondo' sala' ka ulun ru Tuhan.

SULABOI 1:7

Nakakara' Jirusalim ra kinaayo nano paat ra galing i; raino bandar no nalunsai am naimbolo' kaga'. Kolondo' osoi pana ondo' mangindangan riso paat ilo kinala ru pantula'; ngaangai' panguasa' nakakurit ra naratuan nano.

SULABOI 4:12

Gino ngai' ru raja'-raja' am mamagun ru tana' ti kolondo' sangulun pana ondo' mangintopot ra kulobon garabang ru Jirusalim nasubol ru pantula'.

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

DANIL 1:2

Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.

GOSIA 13:15

Kabalu' pana Israil langkaya' koson ra sakot ondo' malabung, atarin Ku angin sirangon ondo' malasu' intor ra tana' kaagisan am mampapua' ra tulubong am taur ru timug nano. Ngaangai' ondo' mokologo alapon intor riso.