JIRIMIA 20:2 - Tanou Moonsoi Timugon

² nanusub io koson aku ti lambaan am rantayon giu' ra Kulobon Garabang Binjamin, garabang tampilon rasawat giu' ra Baloi ru Tuhan.

JIRIMIA 20:2 ပူးပေါင်းရင်းမြစ်များ

1 RAJA'-RAJA' 13:4

Paat ra Raja' Jirobiam nokorongog ra baal raginio, indagu io liliwa' nanulu' ra nabi no, “Rokopo' io!” Paat raginio niayuk longon ru raja' no kiminotog saboi ra kalo mabunduk no saguli'.

1 RAJA'-RAJA' 22:27

Susubo' ilo mangaput riso ra pangaputan, am paaniin io ra ruti' am timug ayuk saboi ra aku makasaguli' ra maayag.”

2 TUNUNG RU BANSA' ISRAIL 16:10

Siminangit kaga' Raja' Asa ra nabi no saboi nabi no inaput. Paat raginio noyo Raja' Asa tumalimpuun mangimbolo' ra kukula' ngaulun.

2 TUNUNG RU BANSA' ISRAIL 18:23

Inggaar Nabi Jidikia ri Mika, nampalapis ra pingas nano, am pangkuot, “Intor sanggilan kia Ambiluo ru Tuhan nangiruan raki' am indagu rirun?”

2 TUNUNG RU BANSA' ISRAIL 24:21

Minaya' Raja' Joas naguguum ra mamagun koson manggal ri Jakaria, am ra ragu ru raja', mamagun nomobol ri Jakaria giu' ra liliut Baloi ru Tuhan.

AYUP 13:27

Rinantai Mu kalayam kuno; inilayan Mu moonong tumpang kuno am urioon Mu babaya' ru kalayam kuno.

AYUP 33:11

Rinantai No kalayam kuno; tainuin No ngaangai' kisol kuno.’

JIRIMIA 26:10

Paat ra tingganai-tingganai ru Jiuda nokorongog ra atan ondo' nasauk, nagindibok ilo miningkual intor ra istana am ongoi ra Baloi ru Tuhan, am panturung giu' ra Kulobon Garabang Bagu.

JIRIMIA 26:8

Mataki' ra kopongo ayuk ra aku nampatanou ra ngaangai' tanou ru Tuhan koson ra nanusuban Nano, rinakop nilo aku liliwa' giminolok, “Musiti' kou potoyon!

JIRIMIA 29:26

“Nampalantik Tuhan rirun masauk ra imam koson malit ri Joyada, am raino okou no pagawai masawat kaga' giu' ra Baloi ru Tuhan. Okou no pinalansan koson magalung ra moonong ulun mantuyang ondo' mangiou ra io noyo nabi, bangkilon ra rantai basi' ra liog nano.

JIRIMIA 36:26

Raja' pana nanusub boo ra anak nano i Jiragmiil, i Siraya anak ri Ajriil am i Silimia anak ri Abdiil koson mamparakop raki' am niayuk i Baruk, mamamatik kuno, kaa' pinasibuni akai ru Tuhan intor risilo.

JIRIMIA 37:13

Kaa' paat ra aku nakasaboi giu' ra Kulobon Garabang Binjamin, sangulun pagawai ru saujor ondo' nangandoi ra giu' no, ondo' ininggalanan ri Jiria anak ri Silimia am akupu ri Gananya, nonombot raki' am indagu, “Masaga' kou magiru' ra bala ru ulun Babilonia!”

JIRIMIA 37:21

Ginio ra nanusub Raja' Jidikia ra aputon aku giu' ra liliut ru istana. Minayan aku ra giu', am moonong orou aniin aku ra rondo' ruti' maayo intor ra intok ru ulun mambaal ra ruti', saboi ra bandar no nakayaan ra ruti'.

JAKARIA 14:10

Tana' giu' ra titikop ru pagun, intor ra bandar Giba giu' ra ralayo saboi ra Rimon giu' ra rabugus, masauk ra mabanis. Jirusalim sumawat toojo, masawat poyo intor ra tana' giu' ra libung nano; kinalangka' ru bandar no intor ra Kulobon Garabang Binjamin saboi ra Kulobon Garabang Pisuk, iono intok ru kulobon garabang ragili, am intor ra Manara Gananil saboi ra intok pamagaan ra kawa' ru anggur longgom ru raja'.

MATIUS 21:35

Kaa' rokopo' nilo ulipon ru tatangan ra umo i. Sangulun i linamba' nilo, ondo' bokon i pinatoi nilo am bokon binobol nilo ra batu.

RINALATAN 4:3

Rokopo' nilo boo ruo ngaulun rasul i am pasubolo' ra lamin pangaputan. Sabap ra molondom noyo, pinoloso ilo ra giu' i saboi ra suabon.

RINALATAN 5:18

Rokopo' nilo rasul-rasul no am pasubolo' ra lamin pangaputan ru bandar.

RINALATAN 5:40

Piawo' nilo saguli' rasul-rasul no, am palapasi' boo am inggalari' ilo manabit ra inggalan ri Jisus. Kopongo ragili pinalabus ilo.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.