JIRIMIA 20:16 - Tanou Moonsoi Timugon

¹⁶ Polosoon noyo ulun nagibit ra tanou no koson ra bandar-bandar ondo' tinutuk ru Tuhan ra kalo makaasi'. Polosoon noyo io mokorongog ra golok marualan paat ra susuab ti, am golok mosongou ru pangayawan ra tanga' ru orou,

JIRIMIA 20:16 ပူးပေါင်းရင်းမြစ်များ

JIRIMIA 18:22

Polosoon noyo ulun mantakou matong ra baloi nilo ra mamulali', saboi gumolok ilo ra malaa'. Nangkali ilo ra luang maa' raginio maratu' aku ra ralalom no, am nampakaang ilo ra landak koson mamparakop raki'.

JIRIMIA 18:8

kaa' bansa' no pana tumalikur intor ra malaat, am Aku pana mampalugut ra baalon Kuno.

JIRIMIA 23:14

Kaa' giu' ra Jirusalim, nakakito Aku ra nabi-nabi nambaal ra baal ondo' malaat poyo kaga'. Nagabau am nansawa' ilo, am niayuk siminaung ra ulun ondo' nambaal ra malaat, saboi kolondo' sangulun pana masaga' tumalikur intor ra tula. Koson Raki', ngaangai' ilo malaat koson ra mamagun ru Sodom am Gomora.”

JIRIMIA 26:13

Ginio ra musiti' kau mangulau ra kaayagan am binaal min; gagaya' kano ra Tuhan, i Aki Kapuuno' min, maa' raginio kalo suguton No inatangan Nano koson mampalumpa' ra karaat no ramuyun.

JIRIMIA 4:19

Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

SULABOI 4:6

Bansa' kuno inukum ra maagat poyo intor ra mamagun ru Sodom, ondo' napuso ra sangkuliop ayuk sabap inukum ri Aki Kapuuno'.

YEHEZKIEL 21:22

Panah ondo' makatatandu' ra ‘Jirusalim’ butuson ru kalindu' pamiris nano. Baal ragitio makaarati' ra raja' musiti' manuntur ra tataun-tataun panukul giu' ra kulobon garabang, mambaal ra rinding masawat ru pagawangan am mangkali ra parit-parit.

GOSIA 10:14

am akau pana malumpa' ru pangayawan am ngaangai' kubu min pusoon. Baal nano masauk koson ra orou ru Raja' Salman namuso ra bandar Bit-Arbil ralalom pangayawan, am nampaluus ra ina'-ina' nababaya' ra anak-anak nilo.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

AMOS 1:14

Ginio ra atarin Ku apui giu' ra timbok ru bandar Raba am mangumpo ra ngaangai' kubu no. Paat raginio morongog ginia' ru pampatayan am pangayawan giminaai koson ra bagiu'.

AMOS 2:2

Ginio ra atarin Ku apui giu' ra pagun ru Moab am solobon kubu-kubu ru Kiriot. Mamagun ru Moab matoi giu' ra tatanga' ginia' ru pangayawan, liliwa' bujung samputin am ginia' ru pampatayan kosongowon ru saujor.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

JUNUS 3:4

Siminubol i Junus ra bandar no, am kalupus nonsongorou minugar, tumalimpuun io mampatanou ra tanou ti, “Apat ngoopor ngoorou poyo, pusoon noyo Niniwi!”

JUNUS 4:2

Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

JIPANYA 1:16

Monsongorou no morongog bolos ru bujung am golok ru pangayawan intor ra saujor-saujor ondo' mamulunsar ra bandar-bandar mokoondo' ra kubu am manara-manara masawat.

JIPANYA 2:9

Sabap ra Aku Tuhan ondo' maayag, i Aki Kapuuno' ondo' sambaan ru Israil, magibot Aku ra Moab am Amon pusoon koson ra Sodom am Gomora. Pagun-pagun no mososok ra tulubong ru usi' am sabubuoi no masauk ra nalunsai ondo' mantilayun ondo' tuwin ru bulungkut-bulungkut makaruui. Ulun Kuno ondo' naayag mampagaau ra rapu' ru mamagun ru pagun-pagun no am mampagaau ra tana' nilo.”

LUKAS 17:29

Kaa' kasuku' orou ri Lot ilo sambaloi nangiruan ra bandar Sodom, ratu' boo apui am balirang intor ra suruga' am naumpo ngaangai' ulun ru bandar i.

SAGULION 29:22

“Paat ra orou matong, papag min am ulun bansa' ru bokon intor ra pagun mangaalur makakito ra karaat am kaimbalaan ondo' porotongon ru Tuhan ra tana' min.

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.

2 PITRUS 2:6

Mogondo' niayuk ra ati kulaan sauk ru ulun ra bandar Sodom am Gomora: Inukum ilo solobo' ri Aki Kapuuno' karuruo bandar i. Ginio binaal Nano koson ra pampakaraan ati kulaan balos Nano ra ulun malaat.

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.