JIRIMIA 20:10 - Tanou Moonsoi Timugon

¹⁰ Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

JIRIMIA 20:10 ပူးပေါင်းရင်းမြစ်များ

1 RAJA'-RAJA' 19:2

Nangator i Ijibil ra tanou ri Ilia, kono, “Polosoon noyo dewa-dewa mamatoi raki', amon ru susuab no paat ra raino ti pamakuan kuno rirun kalo nogondo' koson ra pinamakuan mu ra nabi-nabi no.”

1 RAJA'-RAJA' 21:20

Paat ra Raja' Agab nakatuum ri Ilia, indagu io, “Okou pantula', pupus ti nakasugut kou nakatuum raki'!” Taam i Ilia, “Topot. Binaal muno malaat ra pagilangan ru Tuhan.

1 RAJA'-RAJA' 22:27

Susubo' ilo mangaput riso ra pangaputan, am paaniin io ra ruti' am timug ayuk saboi ra aku makasaguli' ra maayag.”

1 RAJA'-RAJA' 22:8

Taam Raja' Agab, “Mokoondo' sangulun poyo, i Mika anak ri Jimla. Kaa' masisang aku riso, sabap ra kalo igondo' io panala' ra baal moonsoi raki'; masalok io manala' ra baal malaat.” Taam Raja' Josapat, “Okou raja' kalo musiti' no mindagu koon raginio.”

AYUP 19:19

Rangan toojo kuno mataman magilong raki', ilo ondo' tagamin ku kaga' nangiruan raki'.

MAZMUR 31:13

Linilianan aku no koson ra minatoi aku no; aku ti koson ra ginsamol.

MAZMUR 31:14

Masuang maining ku ra ragu intor ra pantula' kuno; ra libung kuno mokoondo' tanou ra malaat kaga'. Maguguum ilo koson makimantula' raki', am mangatang ilo mamatoi raki'.

MAZMUR 41:10

Rangan ra molongkot am niayuk kalansanan kuno, ulun ondo' pabaya' kuno maangkan nakimantula' raki'.

MAZMUR 41:9

Mindagu ilo, “Malanjag maruol nano am kalo boo makasukal intor ra kaalangan no.”

MAZMUR 57:4

Intor ra suruga' taamon am bayagon No aku; kalaan No ulun ondo' mangulipon raki'. I Aki Kapuuno' manulu' raki' ra togom am gagaya' Nano raki'.

AMSAL 10:18

Ulun ondo' mambuni ra kasisangan iono mamparuung. Ulun ondo' mangalimut iono sasambungon.

JISAYA 29:21

Pusoon ri Aki Kapuuno' ulun ondo' masaga' manimbaal ra ragu, ulun ondo' mongompong ra ulun malaat no ukumin, am ulun ondo' mapatanou ra ragu-ragu magabau koson mongompong ra ulun mabanis guang makaapu ra katimpakan.

JIRIMIA 11:19

Koson aku ra domba ra kalo manantam ondo' inibit mongoi ra intok pamatayan. Kalo nakapandai aku ra aku noyo nasauk ra sonsolon ru paguguuman nilo. Konilo, “Ibok no ongoyo' takau tagaro' puun tataun no ra malabung ayuk poyo; ibok no potoyo' takau io maa' raginio inggalan nano malilianan ru ulun.”

JIRIMIA 11:21

Mamagun ru Anatot mompogogot ra aku matoi. Konilo, “Amon ru rayuson mu mampatanou ra tanou ru Tuhan, potoyon mai okou.”

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

JIRIMIA 20:3

Suabon no, kalupus i Pasyur namugal ra rantai kuti, indagu aku riso, “Inggalan ondo' tinaakan ru Tuhan rirun sala' ka i Pasyur, kaa' ‘Kalaanan Ra Ati Ayuk’.

JIRIMIA 37:13

Kaa' paat ra aku nakasaboi giu' ra Kulobon Garabang Binjamin, sangulun pagawai ru saujor ondo' nangandoi ra giu' no, ondo' ininggalanan ri Jiria anak ri Silimia am akupu ri Gananya, nonombot raki' am indagu, “Masaga' kou magiru' ra bala ru ulun Babilonia!”

JIRIMIA 6:25

Kalo makakau' akai mugar giu' ra ralan maayo kapoam mongoi ra umo, sabap giu' ra ati pana pantula' ondo' manakinandoi mapatabual ra malaa'.”

YEHEZKIEL 22:9

Sampiruo ra ulun muno magabau maa' raginio ulun ra bokon ukumin ra matoi. Mokoondo' poyo boo ondo' mangakan ra akanon ondo' pataakon ra sinungkalalaing. Mokoondo' ulun ondo' masalok mapagagaya' ra kasagaan galama' nilo.

DANIL 6:4

Makito boo ra kandoi ri Danil moonsoi poyo intor ra ulun magalung kapoam gabenor ra bokon no. Sabap ra maturasik kaga' i Danil, moogot raja' mampasauk riso ra panguasa' ru titikop pamarintaan.

LUKAS 20:20

Ginio ra naginaa ilo ra kaluagan moonsoi. Susubo' nilo kukula' ngaulun sumalu ra ulun ondo' mangintopot kunu' Riso mongoi pangkuot koson makaalap ilo ra panguwan mamparakop Riso. Koson raginio mataakan nilo i Jisus ra kuasa' ru gabenor.

RINALATAN 24:13

Kalo mampainono' niayuk ra rondo' pana panguwan ondo' pinabala' nilo rirun i.

RINALATAN 5:33

Pakaining ulun-ulun ru Majlis Ugama ra ragu ni, siminangit ilo toojo saboi masaga' ilo ra rasul-rasul no ukumin ra potoyon.

RINALATAN 7:54

Pakaining ayuk ulun-ulun ru Majlis Ugama ondo' rinagu ri Stipanus, malasu' boo toojo guang nilo mabaya' ra kinuritot ru ripon.