JIRIMIA 2:7 - Tanou Moonsoi Timugon

⁷ Magibit Aku risilo mongoi ra tana' ondo' malabung koson sumia' ra ampos no am ngaangai' ondo' moonsoi. Kaa' linumo nilo tana' Kuno; jinaka' nilo pagun ondo' pinataak Kuno risilo.

JIRIMIA 2:7 ပူးပေါင်းရင်းမြစ်များ

NIGIMIA 9:25

Ulun Muno nampagaau ra bandar-bandar ondo' mokoondo' ra kubu, tana' ondo' malabung, am baloi-baloi ondo' nososok ra rapu', tulubong ondo' kinali noyo, puun ru jaitun, puun ru kikinawa' am niayuk umo ru anggur. Nalabaan ilo ra akanon saboi mongolomok; nakasia' ilo ra ngaangai' taak Muno ondo' moonsoi.

NIGIMIA 9:26

Kaa' ulun Muno giminuor am kalo giminagaya' Rirun; tinalikuran nilo Taurat Muno. Pinatoi nilo nabi-nabi ondo' nampakara' risilo, am ondo' nanusub risilo sumaguli' Rirun. Ruruli' ilo magasab Rirun,

JISAYA 19:25

Tuhan Ondo' Maayo Kaga' Kuasa' mambarakat risilo am mindagu, “Barakatin Takamin, alii ra Misir ulun Kuno, Asyur binangun Kuno am Israil ulun pinili' Kuno.”

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

JIRIMIA 3:2

Kinami' ilai' rasawat no, giu' ra tampak ru bulur! Ati ra intok ondo' kalo poyo igondo' kou ratong koson mantalan ra inan? Nanturung kou giu' ra kiing ru ralan maginaa ra ulun ondo' masaga' mansilar; okou koson ra ulun ru Arab ondo' magawang ra ulun ipaan giu' ra tana' kaagisan. Jinaka' mu pagun ti ra pansasawaan am kalaatan muno.

JIRIMIA 3:9

am kalo toojo mauyu'. Jinaka' no pagun am nansawa' sabap ra sumamba ra batu am puun tataun.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 32:30

Intor ra talimpuun ru sejarah nilo, ulun ru Israil am ulun ru Jiuda kalo napabansuk ra guang Kuno, am napasingkual ilo ra sangit Kuno ra binaal nilo.

YEHEZKIEL 20:24

Binaal Ku ginio sabap ra nangimpai ilo ra susuban Kuno, minanggal ra ukum Kuno, nampajamol ra orou Sabat am siminamba ra sinungkalalaing ondo' sambaan ru kinamatuaan nilo.

YEHEZKIEL 20:28

Inibit Ku ilo ra tana' ondo' binantu' Kuno, kaa' pakakito ilo ra bulur ondo' mangasawat am puun tataun masansam, nampataak ilo ra taak simbalui giu' ra intok-intok raginio. Napasingkual ilo ra sangit Kuno ra taak simbalui ondo' sinolob am wain ondo' pinataak nilo.

YEHEZKIEL 20:6

Paat raginio noyo binantu' Ku magibit risilo mingkual intor ra Misir, am maningganai risilo mongoi ra tana' ondo' pinili' Ku noyo ra tayar nilo, tana' ondo' langkaya' am malabung am moonsoi kaga'.

YEHEZKIEL 23:35

Gitio noyo ragu ru Tuhan Raja', “Sabap ra nakalilian kono Raki' am niayuk nanalikur Raki', mansaan kou ra kaimbalaan kinibit ru guang malaai am kandoi mantalan ra inan muno.”

YEHEZKIEL 36:17

“Okou ulun mapandai matoi, paat ra ulun ru Israil minayan giu' ra pagun nilo, jinamol nilo pagun no ra baal ru kaayagan am paliso nilo. Karaan Ku paliso nilono majamol koson ra ruandu' ondo' tatanga' liuran.

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

MIKA 2:10

Karat no am ugar no intor ragiti. Kolondo' boo intok ondo' mamimio. Tula min naparatong ra karaat ondo' makalalaa' ra intok ti.

UNTABAN 13:27

Indagu ilo ri Musa, “Liniput mai noyo tana' no am nakakito ra langkaya' am malabung tana' no; gitio noyo sanganu ra kikinawa' intor ra giu'.

SAGULION 21:23

am baangkai no kalo polosoon matair ra giu' no saboi ra suabon no. Baangkai no musiti' lobongon ra orou raginio niayuk, sabap baangkai ondo' polosoon matair ra lugu' maparatong ra ulas intor ri Aki Kapuuno' ra tana' raginio. Lobongo' noyo baangkai ru ulun no maa' raginio kalo jamalin min tana' ondo' pataakon ramuyun ru Tuhan i Aki Kapuuno' min.”

SAGULION 32:9

kaa' papag ri Jakub pinili' ru Tuhan tayar Nano galama'.

SAGULION 6:18

Baalo' noyo atan ondo' moonsoi am matanda' ra pagilangan ru Tuhan, am makakaansayan kau. Akau tatangan ra tana' ondo' malabung, ondo' binantu' noyo ru Tuhan ra kinamatuaan mini,