JIRIMIA 2:32 - Tanou Moonsoi Timugon

³² Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JIRIMIA 2:32 ပူးပေါင်းရင်းမြစ်များ

KASAUKAN 24:22

Kopongo ru ralaa no kandoi nano, alapo' ru ulipon no sinsing mas ru arung ra mologo am pasinsingo' no ra arung ru ralaa no. Pogolongo' no ruo golong mas ra kalindu' ru ralaa no.

KASAUKAN 24:30

Nakito ri Laban sinsing ru arung am golong ra kalindu' ru boborok nano. Naining no niayuk tunung ri Ribika ra ngaangai' ondo' rinagu ru ulipon no ri Ribika. Ongoi io tuum ra ulipon ri Abragam ondo' paribigor nabaya' ra unta-unta nano mamaar ra tulubong.

KASAUKAN 24:53

Paingkualo' no boo bayang, limpor ru mas am pirok. Pataako' no ngaangai' ri Ribika. Nangani' io niayuk ra taak ondo' mongologo ra maayo ungkuyon am ina' ri Ribika.

2 SAMUIL 1:24

“Akau ruandu'-ruandu' ru Israil, pangulir kano ra Raja' Saul. Pinambayang no akau ra bayang malia' ondo' mologo, linimpor no akau ra mas am batu mologo.

MAZMUR 106:21

Nalilianan nilo i Aki Kapuuno' ondo' namayag risilo, ondo' nambaal ra baal mangaayo giu' ra Misir.

MAZMUR 9:17

Tuhan galama' napabala' ra Io no matimpok toojo; ulun malaat nakasulung sabap ra atan ondo' binaal nilo galama'.

JISAYA 17:10

Alii ra Israil, nalilianan mu i Aki Kapuuno' ondo' namayag rirun, am ondo' nanindung rirun koson ra gunung batu. Kaa' tinanaman mu umo-umo maantak koson ra dewa-dewa.

JISAYA 57:11

Mindagu Tuhan, “Osoi kia dewa-dewa ondo' mangilalaa' ramuyun saboi magabau kau Raki' am lumingon mampalilian Raki'? Kalo kia boo mangurumat kau Raki' sabap nabuoi Aku nongkoror?

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JIRIMIA 13:10

Bansa' ondo' malaat ti marara' gumagaya' Raki'. Lakat ilo poyo bambalingatan am malaat koson ragili. Sumambayang ilo am mangandoi ayuk ra tuhan-tuhan ra bokon. Ginio noyo sabap ra ilo masauk koson ra tapi' mariwa' ondo' kolondo' onong no.

JIRIMIA 13:25

Nakaindagu Io noyo ra ginio noyo pupus min. Ginio noyo ondo' inaru' Nano koson baalon ramuyun sabap ra nakalilian kau noyo Riso am mangintopot ra tuhan-tuhan ondo' kalo motopot.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 2:11

Kolondo' bansa' ra ati pana ondo' nakaili' nangalig ra tuhan nano, kabalu' pana tuhan-tuhan no i aki kapuuno' ondo' kalo motopot. Kaa' ulun Kuno nangalig Raki', i Aki Kapuuno' ondo' nangani' risilo ra intok ondo' matulai, ra rondo' ondo' kalo mambaal ra atan pana.

JIRIMIA 2:33

Mapandai kau toojo maguyum ra ralan koson mangambi' ra guang ru ambai. Ruandu' ra malaat toojo pana lakat poyo makaigila' ra kalaatan intor ramuyun!

JIRIMIA 23:27

Pangkaraan nilo ra inupi-inupi ondo' tinunung risilo no nangkinibit ra ulun Kuno nampalilian Raki' koson ra kinamatuaan nilo nampalilian Raki', am siminamba ra Baal.

JIRIMIA 3:21

Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

GOSIA 8:14

“Ulun ru Israil nambaal ra istana-istana, kaa' nalilianan nilo ondo' Namangun risilo. Ulun ru Jiuda nambaal ra bandar-bandar mokoondo' ra kubu, kaa' paratuon Ku apui koson monolob ra ngaangai' bandar am istana nilo.”

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

PINAINTALANG 21:2

Kakito ku niayuk Bandar Matulai no, ioginio bandar Jirusalim bagu, tumuun intor ra suruga' intor ri Aki Kapuuno'. Bandar no pinatampos noyo koson ra ruandu' uoton nakatampos noyo mongoi uma' ra ralaki nano.

TINGGANAI RU BANSA' 8:34

Kalo boo sumambayang ilo ra Tuhan i Aki Kapuuno' nilo, ondo' nampalabus risilo intor ra kuasa' ru pantula' ra libung nilo.