JIRIMIA 2:31 - Tanou Moonsoi Timugon

³¹ Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

JIRIMIA 2:31 ပူးပေါင်းရင်းမြစ်များ

1 RAJA'-RAJA' 11:22

Pangkuot raja', “Kua? Sinindualan tokou kia? Ginio kia sabap ra okou masaga' muli'?” Taam i Gadad ra raja' no, “Iowo' aku noyo muli'.” Kopongo raginio uli' i Gadad ra pagun nano. Koson ra raja' ru Idom, nasauk Raja' Gadad ra pantula' malaat am mapanggol ra Israil.

2 TUNUNG RU BANSA' ISRAIL 31:10

indagu boo Tingganai Maayo Imam Ajaria, papag ri Jadok ra raja', “Intor ra mamagun nagibit ra taak nilo ra Baloi ru Tuhan, akanon ra giu' no naukop, am masuang piboo suwo. Nakaalap akai ra ngaangai' taak ragitio sabap ra Tuhan nambarakat ra ulun Nano.”

AYUP 21:14

Ulun malaat manusub ri Aki Kapuuno' minggalur risilo; marara' ilo makapandai ra kasagaan Nano ra tayar ru bayag nilo.

MAZMUR 10:4

Ulun malaat kalo mampalio ra Tuhan; sabap ra ilo malilimbau, pangkaraan nilo i Aki Kapuuno' no kolondo'.

MAZMUR 12:4

Langgai' noyo taligamis raginio, iou Tuhan, am pororoo' noyo kabang ra maayo ragu,

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

JISAYA 45:19

Kalo alion Ku ra Aku mindagu, kapoam opoton. Kalo susubon Ku ulun Kuno Israil maguyum Raki' ra kolondo' logo. Aku, Tuhan, mindagu ra motopot, am mambala' ra motopot.”

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.

JIRIMIA 2:25

Alii ra Israil, pai' ilowo' dewa-dewa, mapilatan kou ra kalayam, mapuaan tantalanan muno. Kaa' mindagu kou, ‘Kalo, kalo makasaguli' aku. Motogom aku ra dewa-dewa am masaga' aku maya' risilo.’ ”

JIRIMIA 5:5

Mongoi aku ra tingganai-tingganai am mindagu risilo. Maaru' makapandai ilo ra gogoton ri Aki Kapuuno' nilo, am susuban ru Tuhan nilo.” Kaa' ilo ngaangai' nangimpai ra kakuasaan ru Tuhan am marara' gumagaya' Riso.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

YEHEZKIEL 14:5

Ngaangai' sinungkalalaing no nampainggalur ra ulun ru Israil intor Raki', kaa' taam Kuno malansan Aku manimayo risilo sumaguli' Raki'.’

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

AMOS 1:1

Gitio noyo ragu-ragu ri Amos, sangulun magagalung ra domba intor ra bandar Tikoa. Ruo ngambilor ra kalo poyo nasauk tana' mogonggon, paat ra pagun ru Jiuda pinarinta ru Raja' Ujia am Israil pinarinta ru Raja' Jirobiam anak ungkuyon ru Raja' Jigoas, pinabala' ri Aki Kapuuno' ri Amos baal-baal intor ra Israil.

MIKA 6:9

Mapintar noyo ulun ondo' malaa' ra Tuhan. Mampiau Tuhan ra mamagun ru bandar, “Rongogo' noyo, akau ondo' timinimung ra bandar.

1 KORINTUS 4:8

Indoson min kia ra mokoondo' kano ngaangai'? Langkaya' kano tupo. Mamarinta kano koson ra raja'. Kaa' akai ti kalo. Mapara' boo bonsoi no amon ru totopot niayuk nasauk kau ra raja', maa' raginio makapabaya' takau mamarinta.

SAGULION 31:20

Magibit Aku risilo ra tana' ondo' langkaya' am malabung no koson ondo' binantu' Ku noyo ra kinamatuaan nilo. Giu' no makaalap ilo ra akanon ondo' pakuan nilo am matasu' kaayagan. Kaa' tumalikur ilo intor Raki' am sumamba ra tuhan-tuhan ra bokon. Mangimpai ilo Raki' am lumungkang ra nabantuan Kuno.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

SAGULION 32:18

Nalilianan nilo i Aki Kapuuno', Mamamayag ondo' mapanggol, Nanaak Io risilo ra kaayagan.